CPR PLURILINGÜE NOSA SEÑORA DA ASUNCIÓN SARRIA Centro Católico Privado Concertado

Estes son os horarios das probas de xuño. 

As materias pendentes doutros cursos realizaranse no horario da materia correspondente.

Hoxe pasaremos unha tarde do máis divertida coa festa que o ANPA do noso colexio nos ten preparada.

Pero debido as condicións meteorolóxicas non a celebrarán no patio do noso centro, senón no pabillón dos institutos. 

Estades preparados para pasalo ben???

Agárdannos a todos ali a partir das 17:00. Non vos esquezades!!!

Todos aqueles alumnos de actividades extraescolares, lembrade que mañá é o último día para entregar a autorización para a festa de clausura das actividades extraescolares deste ano.

Hoxe celebramos no noso colexio a graduación dos alumnos de 4º da ESO.

Comezamos cunha celebración na Igrexa do Rosario e a continuación voltamos ao colexio para, despois dunhas palabras do director, ver unha presentación onde se resumían os anos pasados no centro.

E finalmente compartimos unha estupenda merenda.

Foi unha tarde moi emotiva e chea de recordos. 

Aquí vos deixamos unhas pouquiñas fotos para que vexades o estupendos que estaban os nosos alumnos!!!

Desexámosvos moita sorte no novo camiño que emprendedes!!! 

Estimadas familias: 

Informámosvos de que de cara ao próximo curso, a empresa de distribución Scholarum, pasará a ser un novo colaborador do noso colexio como xa o é dos outros colexios da Asunción de toda España.

Esta empresa proporciona, entre outros, un servizo de librería "online", a través da cal, as familias que o desexen poderán adquirir os libros e material escolar do noso colexio na seguinte dirección www.libreriaasuncionsarria.es.

Este servizo non é exclusivo nin obrigatorio. As familias poderán adquirir os libros e o material do colexio na librería que estimen oportuno.

 A través de Scholarum poderedes:

- Realizar a compra de libros e material escolar dende a casa, tanto a través da anterior web como dun teléfono que atoparedes na propia web de Scholarum.

- O envío realizarase o día que se elixa e entregarase na dirección indicada, que pode ser a do colexio.

-  O pago poderá fraccionarse en tres prazos, sen ningún coste adicional para os pedidos realizados antes do 15 de agosto. Pagarase un 10% no momento da compra e o resto entre os meses de setembro e novembro.

- Poderase facer uso dos vales de axuda para a adquisición de libros e material concedidos pola Consellería de Educación.

Un saúdo

O director 

Celebramos de novo a semana da froita na escola, repartindo cada día
unha froita diferente a todos os alumnos do colexio. Aquí podedes atopar
unha ficha con información sobre a froita de cada día, ademáis de xogos
e actividades para aprender máis sobre hábitos saudables.

Venres: mazá vermella.Premede na imaxe para ver información sobre esta froita.

Xogos:

-Alimentatraining

-A batedora

-O caleidoscopio

-O frutixogo

Ante as preguntas realizadas por algunhas familias, sobre a reserva de praza de comedor para o vindeiro ano, informámosvos de que podedes facer dita reserva ata o venres día 10 de xuño en Secretaría. 

É importante que todos aqueles que xa saibades que ides a facer uso deste servizo fagades a reserva, por cuestións organizativas do centro.

GRAZAS!

O DIRECTOR 

O pasado mércores día 1 de xuño, fixemos a clausura das actividades extraescolares. Para isto, os alumnos das distintas actividades fixeron unha exhibición do moito que aprenderon e avanzaron nas actividades ás que asistiron ao longo de todo o curso.

Noraboa a todos por tanto traballo tan ben aproveitado. Esperamos que despois das demostracións de tantas habilidades que vimos nas distintas exhibicións, animédesvos a participar moitos máis o vindeiro ano.

Ata o ano que ven!!! 

O martes día 31 de maio, aproveitando que tiñan todo o colexio para eles, unha grande parte dos alumnos de Infantil, quedáronse no comedor para realizar unha actividade moi entretida. Esta actividade tamén serviu de colofón a todo un ano de traballo e actividades do persoal do comedor. Esta vez as nosas monitoras prepararon...un picnic!!!

O día foi inmellorable para a súa realización e podedes ver o ben que o pasaron na presentación que tendes abaixo.

Moitísimas grazas como sempre as monitoras, e...ata o ano que ven!!! 

Por razóns alleas ao centro, temos que adiantar a hora de saída da actividade "Día da Bici". 

A saída, programada para ás 11:45 h, adiántase ás 11:00 h.

Desculpade as molestias!!! 

Lembramos a todas as familias que o prazo para depositar as enquisas de satisfacción na urna situada na portería do colexio, remata o mércores 1 de xuño. 

A vosa opinión é moi importante para nós.

Se algunha familia non ten a enquisa pode solicitala na secretaría do centro.

Grazas!!! 

Os alumnos da ESO realizarán no día de hoxe a saída de fin de curso.

Hoxe celebramos a Festa de Graduación dos nosos alumnos de 4º ESO.

Hoxe celebraranse no noso centro os exames Cambridge.