CEIP SOBRADA

As materias deste tema transversal deron unidade, globalidade e vixencia ó resto dos contidos plantexados a nivel curricular para todas as áreas, conectando de forma directa a escola coa vida e o entorno. Polo tanto desenvolveuse ó longo de todo o curso tomando maior ou menor protagonismo en función dos intereses e motivacións dos nenos e nenas e da adecuación ós contidos traballados en cada tema.

As actuacións que fomos levando a cabo tiveron en certa maneira, xa que este foi o primerio proxecto que desenvolvemos, un carácter experimental e supuxeron os nosos primeiros pasos no ámbito da innovación educativa dado que a experiencia resultou moi satisfactoria tanto polo interese que espertou no alumnado coma polos coñecementos que adquiriron en relación cos hábitos necesarios para comportarse como peón, usuario/a dos medios de transporte (públicos e privados) e conductor/a de bicicletas.

De entre as actividades realizadas salientaremos:

• Actividades de aprendizaxe relativas a:

  • Aceptación das normas que rixen a sociedade
  • Os sinais e códigos de comunicación social
  • Prevención de accidentes
  • A rúa e as profesións relacionadas
  • Os sinais de tráfico
  • Os medios de transporte

• Actividades complementarias:

  • O día da Paz, empregando como soporte sinais de tráfico, creáronse mensaxes fomentando o respecto á diversidade de persoas que circulan polas rúas e a actitude crítica ante situacións de comportamento incívico que alteran a convivencia
  • No Entroido as comparsas eran de sinais de tráfico: de prohibición, de perigo, de obligación e de información. O Meco, o que se lle fixo un xuízo por culpalo de todas as infraccións, representaba un garda de tráfico
  • Durante a Semana da prensa os xornais foron os protagonistas nas aulas e por ciclos fíxose o seguimento dunha noticia relacionada co tema durante toda a semana.
  • Participamos na xornada de radio de "Ponte... nas ondas" emitindo o conto "A viaxe de Babár" que alude a distintos medios de transporte
  • Saídas:
    • viaxe en tren desde Vigo a Gillarei
    • participación dun programa de educación vial en Plutón Park