SOTAVENTO

Moi recomendable é o cualificativo que merece a visita ao parque eólico experimental de Sotavento. Durante unha mañá explicáronos cales son as diferentes formas de obter enerxía, que experimentos se están a facer nas instalacións e deixáronos moi claro que calquera consumo enerxético ten consecuencias económicas para o noso peto e consecuencias ambientais para o planeta. Os guías insistiron moito neste aspecto: o aforro enerxético é unha necesidade para todos. Un exemplo: o “stand by” dos electrodomésticos é o responsable do 1% das emisións de CO₂ á atmosfera.