CPR PLURILINGÜE NOSA SEÑORA DA ASUNCIÓN SARRIA Centro Católico Privado Concertado

Ademáis de aproveitar a prensa como unha ferramenta didáctica e traballar con ela na aula, O programa prensa escola no que estamos a participar ofreceunos a oportunidade de aproximarnos ao día a día da actividade xornalística mediante unha charla cun profesional da comunicación como é Xosé Ramón Penoucos, que cubre a información de Sarria na Voz de Galicia. Os alumnos de 5º e 6º recibiron onte a súa visita no colexio e asistiron con moito interese á charla na que fixo un percorrido pola historia do xornal. Na ronda de preguntas, os alumnos tiveron resposta a todas as súas curiosidades e sobre esta profesión, que foron moitas e moi interesantes. Moitas grazas, Xosé Ramón.

Os nenos de 1º e 2º EP foron onte ao teatro "Gustavo Freire" en Lugo. Da man dos monicreques de Tanxarina Títeres coñeceron a historia dos Narigudos. Unha obra musical para achegar aos máis pequenos a maxia do teatro.

Un dos momentos cos que más gozaron, foi ao remate do teatro, cando se decataron da presenza dos medios informativos da RTVG, que ía a entrevistalos. Como mostra do ben que o pasaron, ademais do moito que aprenderon, aquí vos deixamos o enlace dos Informativos da Televisión de Galiza para aqueles que non o poidestes ver en directo

De seguido, asistiron a "ABANCA" a coñecer as instalacións e realizar un obradoiro.

Para rematar a xornada, xantamos todos xuntos nun parque, para de seguido compartir unha tarde de xogos.

O DÍA 8 DE MARZO é o DIA DA MULLER TRABALLADORA. NORABOA A TODAS AS MULLERES!

O pasado venres 16 de xaneiro, os alumnos de 5º e 6º realizaron unha visita á rotativa do diario "El Progreso" onde aprenderon moito sobre a historia do xornal e como se fai cada día. Despois, no Auditorio Gustavo Freire, asistiron á representación teatral en inglés "Spinderella", na que participaron activamente e pasaron un rato moi divertido.

No blogue do 3º ciclo tedes máis información.

O pasado venres 19 de decembro fixemos unha visita o centro de día “Os Maios”. Compartimos panxoliñas, bailes e como non unhas pastas e postais de Nadal feitas polos nenos para desexarlles unhas boas festas. Pasámolo moi ben!!!

Os alumn@s de 1º e 2º EP, con motivo da proximidade do Nadal, visitaremos o Centro de Día "Os Maios", a cantar panxoliñas e facer un pequeno anaco do noso festival.

O vindeiro martes 18 de novembro, ao longo da mañá, os alumnos/as de 1º e 2º de EP visitaremos unha "Exposición de cogomelos" sita na Casa da Cultura da vila.

Hoxe os alumnos/as de 1º e 2º EP visitaremos a Granxa Educativa de Garabullos, sita en Cospeito.

Hoxe os alumnos de 5º visitaron o supermercado Eroski para participar na actividade "Mates no teu Super", organizada pola cadea de supermercados para achegar as matemáticas á realidade diaria dos nenos. Tedes toda a información e as fotos no blogue de 3º ciclo. Premede na imaxe para acceder.

Hoxe os alumnos de 5° e 6° de EP realizarán a saída cultural do primeiro trimestre.

Visitarán a Casa do Patrón en Lalín.

Bo día para todos!!!

Como sabedes, a comunidade educativa da Asunción está a participar no proxecto da Consellaría de educación "recíclate con Sogama" dende o mes de outubro. Levabamos anos concienciados do problema dos residuos e facendo recollida selectiva, pero este curso contamos cunha illa de reciclaxe que nos facilita moito as cousas. Dende xaneiro contamos, ademáis, cun compostador que colocamos ao lado da horta, de maneira que, se todo sae ben, pronto teremos o noso propio abono fabricado a partir dos restos orgánicos do comedor escolar. Os alumnos de 6º, encargados do compost, están aprendendo moito sobre o proceso da compostaxe e, despois de elaborar uns chamativos e útiles carteis para distinguir o que se pode botar e o que non, pediron colaboración nas dúas cociñas que hai no centro: a da comunidade e a do comedor. Nas dúas colocaron recipientes especiais para separar os residuos orgánicos, ademáis de dar un rápido cursiño de formación ás cociñeiras. Todas están escantadas de poder colaborar, e pronto veremos os primeiros resultados. Aquí tedes unha pequena presentación sobre o compostador. Se queredes ver máis actividades de reciclaxe, visitade o blogue do 3º ciclo.

O xoves 23 de xaneiro, os alumnos do 3º ciclo asistiron á representación de teatro en inglés "time travellers" ofrecida pola fundación Nova Galicia banco, e que tivo lugar no auditorio Gustavo Freire. Foi moi divertida e os alumnos participaron moito. Resultou moi positivo para eles, xa que adquiriron vocabulario e expresións novas e comprobaron que teñen un bó nivel de comprensión oral.

Hoxe, os alumnos/as de 2º ciclo de EP, realizamos a nosa saída cultural do primeiro trimestre á "Casa do Queixo".

Aprendemos, xogamos, traballamos... e sobre todo, pasámolo xenial! 

Mirade, sen perder detalle, todo o que fixemos nesta xornada.

Os alumn@s do 1º ciclo de EP realizaremos unha visita á embotelladora "Fontecelta".

Hoxe celebramos o Magosto no cole e, a pesares de que o tempo non nos axudou demasiado, pasámolo xenial.

OS ALUMNOS DE 1º E 2º DE EP XA TEMOS BLOG.

SE QUEREDES CONSULTALO, PREMEDE NA IMAXE

O mércores 11 de setembro de 10 a 12 terá lugar a presentación do novo curso para os alumnos de Educación Primaria.

EXCURSIÓN

2º CICLO EP

MANZANEDA

CHEGAMOS A TRIVES!

Os alumn@s de 3º e 4º de EP comezamos a nosa viaxe de fin de curso a Cabeza de Manzaneda, e acabamos de facer a nosa primeira parada en Pobra de Trives. Xa vos seguiremos informando...

Á AUGA PATOS!!! 

ESCALADA

Hoxe non puidemos escalar por mor da choiva... pero tivemos a nosa primeira clase por se mañá temos máis sorte co tempo

EQUITACIÓN

Tampouco puidemos montar a cabalo como estaba previsto, pero como podedes ver, foi moi interesante, e ata os cabalos estaban moi atentos.

DISCOTECA

Na nosa primeira disco nocturna... disfrutando coma "ananos"

BOS DÍAS!!!!

TIRO CON ARCO

E a pesares de trasnoitar... mirade que ben apuntamos á diana !!

DE VOLTA...

Partimos cara Sarria de volta, e despedímonos de Manzaneda, sendo esta unha das nosasa mellores experiencias.