As respostolas

Que é para ti o entroido?

-Unha carallada (Varios).

-O entroido é unha festa na que se celebra algo que non sei que é (Óscar D.Leandro Freire).

-É unha festa tola enloquecida (David Seijo, 1º ESO B).

-Unha festa na que non hai clase e cómese coma burros (Diego González, 1º ESO B).

-Algo que me entrou no oído e é moi doloroso (Javier Feal, 2º ESO A).

-Unha festa onde os pallasos se visten de persoas (Delia Loureiro, 2º ESO A).

-Unha festa cando non hai clase e cómese a estoupar (Adrián Varela, 1º ESO B).

-Xente que se disfraza do que é (Lara Cutrín, 2º ESO B).

-Un tempo no que andas sen maquillaxe e a xente non se asusta (Óscar Seijo e Brian Martínez, 2º ESO A).

-Tempo de comer orellas e engordar (Lucas Fernández, 2º ESO A).

-E o tempo no que os rapaces e maiores fan o tolo por igual (María Conde, 1º ESO A).

-Unha revisión médica do oído (Enrique Sanfiz, 1º ESO A).

-Entrar no oído (Aida Loira e Aine Corral, 1º ESO A).

-Cando á xente non lle fai falla poñer a careta (Celeste López, 1º ESO A).

-Unha festa inventada polas tendas de disfraces (Ludovic Calvo, 1º ESO B).

-Unha festa divertida na que non se vai a clase porque senón os profes acabarían coa cabeza chea de escuma (Tamara Santamariña, 1º ESO B).

Por que nos disfrazamos nesta época do ano?

-Porque queda moi bonito (Marta Pereiro, 1º ESO B).

-Porque nos dá a gana (Andrés Domínguez, 1º ESO B e Gemma Antón, 1º ESO A).

-Para darlle medo aos nenos pequenos e que vaian durmir cos pais (Aine Corral, 1º ESO A).

-Porque os humanos somos tan feos que temos que ter algún momento do ano para disfrazarnos (Aida Loira, 1º ESO A).

-Porque en Galicia somos moi festeiros (Enrique Sanfiz, 1º ESO A).

-Para facelo diferente e rirnos un anaco (María Conde, 1º ESO A).

-Para poder  vernos no espello (Cristian Díaz, 1º ESO A).

-Para espantar ás mozas feas (Lucas Fernández, 2º ESO A).

-Para aparentar que somos menos feos (Óscar Seijo e Brian Martínez, 2º ESO A).

-Porque estamos borrachos e non sabemos o que facemos (Brais Rodríguez, 2º ESO B).

-Para parecer parvos (Samuel Anca, 2º ESO B).

-Porque no verán estamos moi ocupados indo á praia (Javier Feal, 2º ESO A).

-Porque hai anos as bruxas ían roubar aos nenos e un día déronlles caramelos en vez de nenos e dende aquela foi así (Óscar D. Leandro Freire).

-Por dar a nota (Anónimo).       

-Porque ao engordar tanto non se quere recoñecer á xente (Marta Yánez, 1º ESO A).

Que se soe comer no entroido?

-Un plato de bicarbonato (Andrés Domínguez, 1º ESO B).

-Torradas, non, perdón, turrados (Javier Feal, 2º ESO A).

-Menos xamón, de todo (Samuel  Anca, 2º ESO B).

-Patas fritidas e un bo anaco de bisté (Brian Martínez, 2º ESO A).

-Orellas que son o que máis medra (Óscar Seijo, 2º ESO A).

-A túa moza (Lucas Fernández, 2º ESO A).

-Orella de neno (Cristian Díaz, 1º ESO A).

-Pan con nocilla e sandía con iogur (Tamara Santamariña, 1º ESO B).

-As orellas dos teus amigos (Pablo Filgueira, 1º ESO B).

-Oídos de masa con mocos (Inés López, 1º ESO B).

-Pavo (Brais Otero, 1º ESO A).

-Rosco de reis (Lorena González, 2º ESO A).

-As túas orellas (Cristian Calvo, 2º ESO A).

-Porcalladas das que comen os cativos (Judith González, 2º ESO A).

-Coiro (Sabela, 2º ESO B).

-Oídos e firilloas (Delia Loureiro, 2º ESO B).

-Cómese cocido e caldo abofé (Diego González, 1º ESO B).

-Canapés e turrón (Verónica, 1º ESO B).

-Un bocadillo de nocilla (X. Miguel Novo, 1º ESO B).

-Un bo plato de navizas (David Seijo, 1º ESO B).

-Filloas, jrelos, cocido, orellas, queimada… (Anónimo).

-O que che entre pola boca (Anónimo).

-Freixós, rosquillas, orellas, … ¡¡¡¡Eh, devólveme a miña orella!!!! (Anónimo).

-Cousas con moitas calorías que dan cagarrías (Anónimo).

Por que se escriben testamentos e se queima o meco?

-Porque así as patacas nacen mellor o resto do ano (Lorena González, 2º ESO A).

-Para abrigarnos do frío (Óscar Seijo, 2º ESO A).

-Porque non se nos ocorre nada melor que facer (Tamara Santamariña, 1º ESO B).

-Eu que sei!, por facer algo (Judith González, 2º ESO A).

-Para espantar os espíritus malignos (Óscar D. Leandro Freire).

-Porque é o tempo no que a xente pode xulgar (María Conde, 1º ESO A).

-Escríbense os testamentos para terminar a tinta dos bolígrafos e quéimase o meco para deixar máis espacio (Aine Corral, 1º ESO A).

-Para correr o frío e tamén porque os profes por facer calquera cousa, fan o que queren por non aguantarnos (Anónimo).

-Porque lle morreu o home á viúva e o meco fai de marido (Garantía Soldadura).

-Por botarlle as culpas alguén (Marta Yánez, 1º ESO A).

-Para darlle traballo aos bombeiros (Anónimo).

-Para facer traballar aos alumnos e quentar aos profesores (Adrián Varela, 1º ESO B).

-Para quentarse (Celeste, 1º ESO A).

-Para axudar a destruir a capa de ozono (Ludovic Calvo, 1º ESO B e Brais Otero, 1º ESO A).

-Para que o ano que vén non nos teñamos que volver a disfrazar (Delia Loureiro, 2º ESO B).

-Para que non morra sen as súas últimas vontades (Lucas Fernández, 2º ESO A).

-Para abrigarnos do frío (Brian Martínez, 2º ESO A).

Castelao tamén opinou sobre respostolas e preguntolas….

- ¿Por qué non qués ir á escola, rapaz?
- Porque... porque sempre me preguntan o que non sei.