Unha rapaza en automoción

Ímoslle facer unha entrevista a Tamara Souto, alumna do IES de Fene (Barallobre), matriculada no ciclo medio de Electromecánica de Vehículos. Contaranos como leva o traballo en medio de tantos homes, sendo ela a única muller.

- Sabías que neste ciclo medio de Automoción, normalmente só se matriculan homes. Como te decidiches a matricularte neste ciclo?

T.- Porque me gustan os coches, a mecánica, antes que perruquería, estética e esas cousas.

- Como te sentiches o primeiro día de clase, en medio de tantos homes?

T.- Coma un polbo nun garaxe, raro como me miraban.

- Algunha vez te trataron con desprezo, machismo ou discriminación?

T.- Non, mais ben ao contrario.

- Notas algún favoritismo con algún profesor por ser a única rapaza?

T.- Non, o único favoritismo que teño é que eu teño auga quente e eles non.

- Que che dixeron na túa familia ou os teus amigos cando lles contaches que ías estudar isto?

T.- Ao principio tomáronme de cachondeo, pero logo tomáronon ben, aínda que me dicían que estaba un pouco louca, e esas cousas.

- Gustaríanos que agora nos contaras un pouco como é unha mañá traballando no taller. Arregrades todo tipo de avarías nun coche, ou ensínanvos algo en especial?

T.- Primeiro danos clase teórica, e logo practicámolo no taller.

- Cal che gusta máis, a clase teórica ou a práctica?

T.- É máis entretida a práctica, pero dáseme mellor a teórica porque na práctica necesítase forza e eu non a teño.

- Poderíasnos contar algunha anécdota que che sucedera estando no taller?

T.- Non, porque me dá vergoña. Houbo pequenos detalles, sen importancia.

- Sabemos que vas comezar as prácticas nunha empresa. Estás nervosa por empezar ou xa che tarda para rematar este ciclo?

T.- Non, nervosa non estou, porque ademais, aínda non sei se vou aprobar, ou sexa, que aínda non é fixo que vaia ás prácticas. (Cando se publique esta entrevista, Tamara está nunha empresa).

- Desexas empezar a traballar axiña?

T.- Non, vou seguir estudando o ciclo superior de Automoción.

- No futuro, que tes pensado: traballar disto ou especializarte noutra cousa?

T.- Estou estudando para traballar nisto, non para traballar noutra cousa.

Desexámosche que teñas moita sorte e que as prácticas che vaian ben. Un saúdo e grazas por atendernos.

                                   Tania Sardiña e Lucía López. ESPA.