BrazilFW

BrazilFW é un Firewall/router baseado en Linux que pode executarse en PCs antigos e colle nun disquete de 1,44 MBytes. Aínda que se instale en PCs antigos, o BrazilFW funcionará dun xeito equivalente a firewalls comerciais para o fogar ou pequenas empresas. 

Os principais obxectivos do BrazilFW son:

• Compartir unha conexión de banda ancha á Internet.
• Actuar de firewall, protexendo os PCs conectados a el.

BrazilFW posúe as seguintes funcionalidades:

• Servidor e cliente DHCP, servidor DNS caché, servidor SSH, servidor Proxy Squid (Http Cache).
• Servidor Web para realizar tarefas de administración.
• Soporte para 3 interfaces de red (WAN/LAN/DMZ) vía interface web.
• Ata 3 enderezos IP WAN, ata 3 enderezos IP LAN e ata 3 enderezos IP DMZ (vía web).
• Cliente PPPoE e soporte para Modem Dial-up.
• Network Address Translation/ Masquerading e Port forwarding.
• QoS (Quality Of Service).
• Soporte de Bridge Firewall.
• Regras de filtrado de tipo Stateful (dinámicas) e stateless (estáticas).
• Soporte de Firewall a Nivel 7 (Layer 7 ou capa de Aplicación).
• Syslog remoto.
• Regras de control de acceso e de administración.
• Regras separadas de configuración por subrede e por interface.
• Regras de filtrado IPTABLES personalizadas.
• etc.

BrazilFW pode funcionar en calquera 486 con a lo menos 16Mb de RAM non sendo necesario ter disco duro, xa que cabe nun único disquete; sen embargo, se o desexas é posible usar un disco duro para que o sistema se inicie máis rápido e poidas engadir algunhas funcionalidades avanzadas como un caché http.

Na actualidade está dispoñible en varios idiomas, entre eles o castelán. O profesor Manuel González Regal do C.F. de Grao Superior de Administración de Sistemas Informáticos do I.E.S. Xulián Magariños de Negreira traduciu a interface de administración do firewall ó galego (está incluída na versión do CD) e enviouna á comunidade de BrazilFW para que procedan á súa inclusión na versión oficial do programa. Pódese instalar a última versión en probas (BrazilFW-2.29.4-windows.exe) ou a última estable (BrazilFW-2.28.exe).