Inkscape

SVG (Scalable Vector Graphic) é o formato de ficheiro vectorial estándar recomendado polo consorcio W3C para a web. Inkscape é un programa que permite a edición de gráficos vectoriais SVG.

Inkscape é a alternativa de código aberto a programas de edición tan coñecidos como Illustrator, Freehand ou CorelDraw. Soporta formas básicas, traxectorias, textos, marcadores, alfa blending, transformacións, gradientes, edición de nodos, agrupamento de elementos, importa formatos como JPEG, png, tiff e outros, exporta a png, a formatos vectoriais, etc. Todo isto cun contorno de traballo sinxelo e equilibrado en paletas e barras de ferramentas. 

O propósito principal da comunidade de Inkscape é obter unha ferramenta de debuxo SVG open source que cumpra cos estándares XML, SVG e CSS2. Hoxe en día está traducido parcialmente ó galego e totalmente ó castelán.