Open Source? Freeware? Que son? Son iguais? Teño que pagar por usar este software? Podo modificalo? Como é posible que alguén me 'regale' algo e asemade outra xente me pida un montón de cartos por un programa que fai cousas semellantes?... A seguinte explicación foi obtida da Enciclopedia Wikipedia e espero que  permita aclarar un pouquiño estas cuestións. O que debes ter claro é que o Open Source é gratuíto e podes usalo cando queiras sen medo. Ademais, moitos proxectos de Open Source teñen unha comunidade de xente que se encarga do seu desenvolvemento (melloras, solución de posibles erros, documentación, atención a usuarios que empezan cos programas, ...), proporcionando software dunha alta calidade.

Código aberto (do inglés open source) é o termo polo que se coñece ó software distribuido e creado dun xeito libre. Este termo comezou a utilizarse en 1998 por algúns usuarios da comunidade do software libre, tratando de usalo como reemplazo ó ambiguo nome orixinal en inglés do software libre (free software).

Free en inglés pode significar diferentes cousas: de balde e liberdade. Por iso, por un lado, permite pensar en 'software polo que non hai que pagar' (software gratuíto) e, por outro, adáptase ó significado que se pretendeu orixinalmente (software que posúe certas liberdades).

Hoxe en día 'open source' é utilizado para definir un movemento novo de software (a Open Source Initiative), diferente ó movemento do Software Libre, incompatible con este último desde o punto de vista filosófico, e completamente equivalente desde o punto de vista práctico; de feito, ambos movementos traballan xuntos no desenvolvemento práctico de proxectos.

A filosofía do "Open Source" centra a súa atención na premisa de que ó compartir o código, o programa resultante tende a ser de calidade superior ó software propietario; trátase polo tanto, dunha visión meramente técnica. Por outra banda, o Software Libre funciona baixo o ideal de que o software propietario, ó non poder compartirse é antiético, xa que prohibir compartir entre seres humanos vai en contra das leis da natureza.

O movemento Open Source ten un decálogo que debe cumprir unhas condicións para poder chamarse "Open Source":

1. Libre redistribución: o software debe poder ser regalado ou vendido libremente.
2. Código fonte: o código fonte debe estar incluído ou obterse libremente.
3. Traballos derivados: a redistribución de modificacións debe estar permitida.
4. Integridade do código fonte do autor: as licenzas poden esixir que as modificacións sexan redistribuidas só como parches.
5. Sen discriminación de persoas ou grupos: ninguén pode deixarse fóra.
6. Sen discriminación de áreas de iniciativa: os usuarios comerciais non poden ser excluídos.
7. Distribución da licenza: deben aplicarse os mesmos dereitos a todo o que reciba o programa
8. A licenza non debe ser específica dun producto: o programa non pode licenciarse só como parte dunha distribución maior.
9. A licenza non debe restrinxir outro software: a licenza non pode obrigar a que algún outro software que sexa distribuido co software aberto deba tamén ser de código aberto.
10. A licenza debe ser tecnoloxicamente neutral: non debe esixirse a aceptación da licenza por medio dun acceso por clic de rato ou doutra forma específica do medio de soporte do software.