Sunbird

Sunbird é unha aplicación de calendario con funcións de axenda, lista de tarefas, ferramenta de alarmas, notificacións de tarefas, citas, aniversarios, viaxes, etc. Permite definir eventos tanto de carácter laboral como persoal, todo a través dunha interface moi sinxela que permite ollar o calendario por días, semanas ou meses segundo os nosos intereses.

É unha aplicación da fundación Mozilla (como o navegador de Internet Firefox e o cliente de correo electrónico Thunderbird), que aínda estando en fase de desenvolvemento é estable para usala acotío.

Hai versións para Windows, UNIX e Linux e hogano está dispoñible en castelán. Fai dobre click na icona de instalación e unha vez rematada a copia de arquivos xa podes comezar a traballar coa túa axenda usando a icona de acceso directo do Escritorio.