Remitido: Charlas ‘Tecnoloxía con sentidiño’

Publicado o 3 Abril, 2024 na sección Remitido, Zona ANPAs por Alberte Zato

A Consellería de Cultura, Educación, Formación Profesionale e Universidades  lanza a segunda edición do Ciclo de Cultura Científica, aberto ao público en xeral, e especialmente dirixido á comunidade educativa e aos docentes en particular. Baixo o título Tecnoloxía con sentidiño, abordaranse varias temáticas en torno á tecnoloxía, como o uso da mesma nas aulas, a súa relación coa saúde infanto-xuvenil e a psicoloxía ou a Intelixencia Artificial, entre outros.

A Xunta organiza este ciclo nun momento no que o uso da tecnoloxía é motivo de debate no ámbito do ensino, e de especial interese para as familias. O obxectivo é ofrecer certezas e contribuír a unha reflexión seria e documentada, con expertos do maior nivel, e baseada en investigacións.  

Desenvolveranse  charlas de hora e media de duración, de 18:00 a 19:30, e poderán seguirse de forma presencial no auditorio Neira Vilas da Biblioteca de Galicia en Santiago de Compostela.

Imprimir este Artigo Imprimir este Artigo

Desde a miña fiestra: A voltas co ombú do IES do Castro | Artigo do Prof. Xulio Dobarro, ex-director do IES do Castro

Publicado o 20 Febreiro, 2021 na sección Remitido, Publicacións, Taboleiro Transversal, Autores por Alberte Zato

 desde-a-fiestra.jpg

 O último número da revista Camelia, que edita a Sociedad Española de La Camelia en decembro de 2020, publica un artigo titulado “Los árboles, grandes testigos de nuestra historia. Origen del ombú del Castro, símbolo de hermanamiento entre Galicia y Argentina” do que son autoras Ángeles Barros, Pilar Vela e Carmen Salinero. Estación Fitopatolóxica Areeiro. Deputación de Pontevedra.

 

Teño coñecemento desta publicación por unha compañeira, Rosa Segura Iglesias, profesora tamén coma min xubilada, que compartimos Claustro neste centro desde a súa fundación no ano 1993 ata hai poucos anos. Ela, moi coñecedora de números e doutros moitos saberes, é a que me envía o artigo, sabendo que, eu en particular, e a comunidade educativa do Castro en xeral adicaramos algúns esforzos para poñermos o Ombú “no lugar que se merece” [Este foi o slógan da campaña que se iniciou no curso 2009-2010, con desenlace feliz no 2016]

…

Continúar a ler o artigo completo en .pdf

 .pdf

 a-voltas-co-ombu-do-ies-do-castro.pdf

 

Prof. Xulio Dobarro Ferradás,  ex-director do IES do Castro.

Vigo, xaneiro de 2021.

 

 

 Webgrafía

*Compilación Zatiana 

    Imprimir este Artigo Imprimir este Artigo

    Consellería de Educación: Axudas para a realización de actividades de formación en linguas estranxeiras do alumnado

    Publicado o 8 Abril, 2013 na sección Zona Alumnado, Avisos urxentes, Remitido, +++Documentos e formularios de interese, Zona ANPAs, Convocatorias, Lingua Francesa, Lingua Inglesa por Alberte Zato

    tri_national.png

    yellow_inverted_commas.pngAnte a publicación no DOG do día de hoxe da Orde do 18 de marzo de 2013, pola que se convocan axudas para a realización de actividades de formación en linguas estranxeiras no ano 2013, destinadas ao alumnado dos centros docentes sostidos con fondos públicos, en réxime de concorrencia competitiva, xúntase cartel informativo desta convocatoria, co rogo da súa difusión entre o alumnado posible beneficiario destas axudas.

    O prazo de presentación de solicitudes comeza o día 23 de marzo e remata o día 22 de abril.

    A información sobre este programa, así como a aplicación “en liña” que se refire na convocatoria, atoparase na páxina web http://www.edu.xunta.es/axudasle.

    Sinálase que, no caso dos centros concertados, en educación secundaria obrigatoria as certificacións serán asinadas polo director ou directora do centro educativo co visto e prace da inspección educativa, e no caso das ensinanzas de bacharelato e de formación profesional, as certificacións asinaraas o secretario ou secretaria do centro público no que se atope o expediente académico e co visto e prace do director ou directora dese centro.

     

    Santiago de Compostela, 22 de marzo de 2013

    O Subdirector Xeral de Ordenación e Innovación Educativa e Formación do Profesorado,

    Manuel Vila Lópezyellow_inverted_commas_close.png

     

    Cartel informativo en pdf

     .pdf

    https://www.edu.xunta.es/axudaplicacion/files/axudasle/CARTEL%202013.pdf

    Imprimir este Artigo Imprimir este Artigo

    Nota da ANPA IES DO CASTRO a todas as familias do mesmo

    Publicado o 16 Outubro, 2012 na sección Remitido, Zona ANPAs por Xefatura de Estudos

    nota_anpa.jpg

    Imaxe: Alberte Zato

    NOTA DA ANPA IES DO CASTRO A TODAS AS FAMILIAS DO IESO DO CASTRO

    Con motivo da folga do próximo 18, na que figura entre os seus convocantes a confederación de ANPAs de colexios públicos española CEAPA, da que formamos parte a través de FOANPAS e CONFAPA GALICIA, e tendo en conta que estas dúas organizacións secundan e apoian esta convocatoria de folga, dende a Xunta Directiva da ANPA queremos comentarvos o seguinte:

    1.-Os motivos da convocatoria parécennos certos e suficientes para manifestar o noso desgusto como nais e pais pola actual política educativa

    2.-Compartimos a idea dos convocantes de que as nais e pais e familias somos parte indispensable da comunidade educativa, e que entre os nosos dereitos figura o de poder opinar sobre a política e o sistema educativo de xeito directo e inmediato, exercendo para esta opinión cantas medidas estimemos oportunas e nos permita a lei.

    3.-Cremos que entre as medidas ás que temos dereito para manifestar o noso desacordo, está a de non enviar aos nosos fillos a clase nesa data, manifestando ás autoridades educativas os nosos motivos, e asumindo a responsabilidade que temos, como nais e pais dos nosos fillos, de velar pola súa tutela, sen que iso signifique nin denunciar o seu deber nin renunciar ao seu dereito á escolarización nunha educación pública de calidade.

    4.-Asumimos que a perda de días lectivos debe ser sempre un recurso extremo, pois o obxectivo de impartir os programas das materias parécenos de especial relevancia.

    5.-Aínda que na directiva somos partidarios de apoiar esta convocatoria de folga, coidamos que é ben certo que colleunos na ANPA do IES pouco preparados para debatela nunha asemblea e optar por secundala ou rexeitala. Nosa asemblea xeral xa tiña data decidida antes de que CEAPA fixera público o seu apoio a folga do 18, e foi convocada antes de que FOANPAS adoptara a súa decisión de apoiar esta folga. Nesa asemblea, o próximo luns 22 ás 18:30, temos que falar do que facer si esta situación repítese ao longo do curso, e debater que medidas activas ou reactivas adoptar.

    Por todo iso avisámosvos de que a ANPA do IES do Castro non ten unha postura oficial ante esta convocatoria de folga. A opción de enviar aos fillos ao Instituto é sempre unha opción persoal de cada familia, un deber e un dereito regulados pola lexislación. No caso de que os alumnos non asistan ese día a clase, a responsabilidade é nosa e non dos rapaces que non poden ser castigados ou sancionados por elo; aínda así recomendamos enviar unha nota de xustificación da falta (podedes descargar o formulario dende http://centros.edu.xunta.es/iesdocastro/?cat=50) alegando como razón a folga promovida pola familia, co obxecto de que a mesma sexa considerada xustificada pola dirección do centro. Coidamos que o Claustro do centro é consciente desta convocatoria, e suponse que respectará a data no que a evitar exames refírese. Na próxima asemblea da ANPA do luns que ven, temos que debater o asunto e adoptar unha postura xeral para este curso ante feitos e convocatorias coma o presente.

    Tamén vos comunicamos para xeral coñecemento que a FOANPAS ven de anunciar unha convocatoria de manifestación para o vindeiro xoves 18, a data da folga, que se concentrará ás 19:45 na Farola de Urzáiz e baixará ata a Praza da Estrela, e é aberta a tódalas familias.

    Imprimir este Artigo Imprimir este Artigo

    Proposta de Actividades da ANPA para o curso 2012-2013

    Publicado o 26 Setembro, 2012 na sección Remitido, Zona Alumnado, Zona ANPAs por Alberte Zato

    actividadesextra.png

     

     actividades_anpa_2012_13.jpg

     

    Descargue o documento .pdf  coas intruccións, inscrición e máis ampla información

     

    .pdf

    actividades_anpa_2012_13.pdf

    Imprimir este Artigo Imprimir este Artigo

    Horario corrixido de clases de Cómic

    Publicado o 25 Setembro, 2012 na sección Remitido, Zona Alumnado, Zona ANPAs por Alberte Zato

    cartel_comic.jpg

    Imprimir este Artigo Imprimir este Artigo

    O Plurilingüismo desexable: Remitido pola CGEND

    Publicado o 15 Maio, 2012 na sección Remitido, Publicacións, Normalización e Dinamización Lingüística por Alberte Zato

    Imprimir este Artigo Imprimir este Artigo

    Programa PILI do Concello de Vigo 2011 (Alumnado 3º ESO)

    Publicado o 13 Marzo, 2011 na sección Remitido, Zona Alumnado, Lingua Inglesa por Alberte Zato

    pili2011.jpg

    Que é o PILIVIGO?

    Despois dos positivos e satisfactorios resultados acadados no desenvolvemento do Programa Municipal de Inmersión en Lingua Inglesa PILIVIGO, a nova edición 2011 desta iniciativa didáctica tentará seguir promovendo a mellora da capacitación en lingua inglesa, dentro do marco do programa educativo municipal “Aulas Internacionais”.

    O PILIVIGO 2011 constará de ata un máximo de 290 prazas en réxime de concorrencia competitiva, (250 prazas en asignación directa segundo exptes. administrativos 0410/332 e 11485/332 e outras 40 prazas condicionadas á tramitación por parte do Servizo de Educacíón do expte. para resolución final de acordo de modificación do contrato vencellado co expte. 10410/332 que concretará unha ampliación económica de 100.000.-€) para realizar viaxes de inmersión lingüística a Reino Unido e/ou Irlanda e ten como obxectivo ofrecer aos alumnos e alumnas de 3º de ESO dos centros educativos sostidos con fondos públicos da nosa cidade a oportunidade de mergullarse na lingua e cultura británicas e aprender nas escolas locais en réxime de integración co alumnado nativo, como se fosen un máis da clase.

    Por este motivo, as viaxes, dunha duración de 3 semanas, teñen previsto comezar na primeira quincena de setembro, de xeito que poidan empezar o curso escolar nos centros británicos, e a estadía rematará como moi tarde na primeira semana de outubro de 2011.

    O alumnado dos centros privados-concertados do municipio, accederá ás prazas que queden dispoñibles (dun máximo de 290) logo de adxudicalas preferentemente entre alumnado da rede pública solicitante que cumpra os requisitos recollidos na convocatoria específica para a selección do alumnado participante no PILIVIGO 2011.

    As prazas incluirán o importe da matrícula no programa lectivo e o material necesario para completalo e acreditar a súa finalización, así como os custos de aloxamento en familias anfitrioas en réxime de pensión completa. Asemade, incluirá os gastos derivados da organización de actividades extraescolares e de lecer e visitas didácticas a centros de interese do país de acollida -que se desenvolverán en inglés e guiadas por monitorado bilingüe-, así como o importe das viaxes de ida e volta, dos seguros de viaxe e responsabilidade, e do transporte urbano ata o centro de ensino de integración asignado.
     

    .pdf BASES da CONVOCAT0RIA

    .pdf TRÍPTICO DE PRESENTACIÓN

    Sitio web

    ie_firefox_ico.png

    http://www.pilivigo.org/
    Related Posts with Thumbnails
    Imprimir este Artigo Imprimir este Artigo
    Páxina seguinte »