• Comunicamos que xa están expostas no taboleiro do centro as listas provisionais do alumnado que ten concedidos libros de texto en Fondolibros (Consellería de Educación).

• Tamén queremos recordar ás familias que en setembro, cando a ANPA ten previsto realizar  o TROCALIBROS, poderán doar os libros de 1º ESO, 2º ESO e 1º de bacharelato que xa non necesiten.

 Clique para velo a tamaño 1:1

FONDO SOLIDARIO DE LIBROS (CONSELLERÍA DE EDUCACIÓN) CURSO 2022-2023

Proceso de reparto dos libros concedidos polo FONDO SOLIDARIO DA CONSELLERÍA DE EDUCACIÓN para o curso 2022-2023 e algunhas recomendacións. 1º e 3º de ESO

O venres día 9 de setembro darémoslle ao alumnado o documento de ENTREGA DE LIBROS que, unha vez asinado, recolleremos o luns 12 de setembro para proceder ao reparto. A sinatura deste documento supón comprometerse a manter en bo estado os libros e devolvelos ao FONDO SOLIDARIO ao rematar o curso.

Para unha mellor conservación, tendo en conta que son libros que se utilizarán durante varios cursos, sería recomendable forralos.

Ademais, é importante identificar o seu usuario para evitar problemas; daremos unhas etiquetas adhesivas o día da entrega dos libros para que se cubran cos seguintes datos: NOME E APELIDOS GRUPO (1º/3º ESO + LETRA) CURSO 2022-2023.

Quedarán pendentes de entregar para as próximas semanas os seguintes libros: Xeografía e Historia de 1º e 3º, Bioloxía e Xeoloxía de 1º e 3º de ESO e mais Física e Química de 3º. En canto nolos envíen repartirémolos entre o alumnado.

Por último, lembrar que se non se devolven os libros a final de curso polo motivo que sexa, pediremos que restitúan os exemplares que faltan. 2º e 4º de ESO O venres día 9 de setembro darémoslle ao alumnado o documento de ENTREGA DE LIBROS que, unha vez asinado, recolleremos o luns 12 de setembro aula a aula para proceder ao reparto. A sinatura deste documento supón comprometerse a manter en bo estado os libros e devolvelos ao FONDO SOLIDARIO ao rematar o curso.

Información en

informacion-reparto-fondo-solidario-de-libros-de-texto-2022-2023.pdf

FONDOLIBROS, AXUDA LIBROS E AXUDAS MATERIAL ESCOLAR 2022/20233

 

As listaxes provisionais da convocatoria de Fondolibros xa están dispoñíbeis para a súa consulta na aplicación ídem FONDOLIBROS.

 A partir do 22 estarán publicadas as listaxes definitivas.

 

[Remitido pola Concellería de Política de Benestar Social do Concello de Vigo]

Prácenos informarlles da convocatoria de Axudas Municipais de libros, material escolar e comedor para o curso 2022/2023.

O prazo de solicitude comenza o martes día 12 de xullo e remata o martes día 09 de Agosto.

 Información dispoñible en https://sede.vigo.org/expedientes/avisos/aviso.jsp?id=4716&lang=ga

[Remitido pola Consellería de Cultura, Educación, Formación Profesional e Universidades]

Hoxe, 11 de xullo, publicouse no DOG a ORDE do 29 de xuño de 2022 pola que se convocan os premios de educación secundaria obrigatoria ao esforzo e á superación persoal correspondentes ao curso 2021-2022 (código de procedemento ED311E).

Pode acceder á información desta convocatoria na sede electrónica da Xunta de Galicia (https://sede.xunta.gal), introducindo na caixa de busca o código de procedemento ED311E.

Lémbrase que se as persoas solicitantes son menores de idade, sempre teñen que subscribir a súa solicitude por medio dunha persoa representante e, no caso dos centros que non empregan a aplicación XADE, acreditar dita representación por calquera medio válido en dereito.

Servizo de Avaliación do Sistema Educativo
Subdirección Xeral de Inspección e Avaliación do Sistema Educativo
Dirección Xeral de Ordenación e Innovación Educativa

Consellería de Cultura, Educación, Formación Profesional e Universidades 

Clíquese na imaxe ou sobre a ligazón para ver a reportaxe

LIGAZÓN