Comunicado ás familias sobre los casos de contaxio Covid-19 no instituto | 3 casos até data 18-10-2020
Desde o IES do Castro queremos amosar o noso apoio ao alumnado afectado pola Covid-19 e ás súas familias nestes difíciles momentos.
Asemade, queremos agradecerlles a súa pronta reacción en canto se detectou o primeiro caso positivo, xa que a inmediata información tanto ao centro como aos posibles contactos permitiu adoptar as medidas pertinentes desde o primeiro momento, mesmo antes de que o centro recibise a notificación oficial do primeiro caso por parte das autoridades sanitarias.
Non temos dúbida de que, xunto coas normas de seguridade do centro, que están a funcionar correctamente, foi a actuación dilixente e responsable do alumnado e das familias implicadas o que evitou que esta situación se propagara máis.
Reiteramos a nosa confianza no bo funcionamento das medidas adoptadas no noso centro, e pedimos a todas as familias que, tal e como se fixo neste caso, nos manteñan sempre informados de calquera incidencia, xa que unha intervención rápida pode marcar a diferencia.
Lembramos ás familias a obrigatoriedade de incorporar na súa rutina a realización da autoevaluación diaria antes de asistir ao Centro.
CARTA ÁS FAMILIAS CON INFORMACIÓN IMPORTANTE
descargable en
comunicado_familias_casos_covid_19_outubro.pdf
Imprimir este Artigo
Imprimir este Artigo
Instruccións para o reinicio da actividade lectiva presencial no curso 2019-2020 e medidas de prevención e hixiene
Clíquese para velo a tamaño 1:1
Descarga do documento
Imprimir este Artigo
Imprimir este Artigo
Comunicado sobre a 2ª Avaliación
Comunicado sobre a 2ª Avaliación
Estimadas Familias:
Queremos comunicarvos as instrucións que a Consellería de Educación nos notificou aos centros para que finalicemos a 2º Avaliación antes do 3 de abril. Nesas instrucións indican, ademais, que para a obtención da cualificación nesta 2ª Avaliación:
“Non serán avaliables as actividades relacionadas cos contidos curriculares realizadas polo alumnado con posterioridade á data de declaración do estado de alarma. En consecuencia, aqueles centros que non teñan formalizado o peche da avaliación do segundo trimestre procederán a formalizalo co traballo desenvolvido ata dita data”
Por este motivo durante esta semana se realizarán as sesións de avaliación e as notas serán publicadas en Abalar o venres 3 de abril as 14:30 horas.
Rogamos a todas as familias que instalen a aplicación Abalar para poder visualizar as cualificacións. Non obstante, se algunha familia ten dificultades técnicas para a instalación deberá poñerse en contacto co titor/a do grupo e proporcionar un correo electrónico para que lle sexan enviadas as cualificacións.
Imprimir este Artigo
Directorio dos sistemas de docencia telemática do profesorado de ESO e Bacharelato do IES do Castro [Actualizado]
Pódese consultar dita información en sendos documentos
eso-taboas-de-docencia-telematica-actualizadas.pdf
bac-taboas-de-docencia-telematica-actualizadas.pdf
Imprimir este Artigo
Imprimir este Artigo
Actualización de información: Martes 17 de marzo (En marcha xa a actividade docente on-line)
Actualización de información: Martes 17 de marzo
Ante todo queremos transmitirvos o noso apoio nestes momentos difíciles para todos e todas.
O primeiro que vos solicitamos é algo de tranquilidade e actuacións con sentido común ante esta situación. Poñendo como prioridade a vixencia do Estado de Alarma e a seguridade sanitaria de todos e todas e das vosas familias. Estar na casa nestes momentos é o que temos que facer e é unha obriga como sociedade.
Durante estes primeiros días de emerxencia sanitaria o alumnado está empezando a recibir información e tarefas do profesorado, empregando as canles que ata agora xa estaban establecidas entre eles (Correos electrónicos de traballo, Trello, Twitter , Instagram educativo, Google Drive, Aula Virtual IES do Castro, Blogs e páxinas web persoais do profesorado, etc.)
Todo o profesorado e o Equipo Directivo estamos traballando dende o xoves 12 para coordinar a nova estrutura docente dixital do Centro, de maneira que, non so o alumnado reciba a información, senón que tamén as familias estedes actualizadas. É moi importante que toda a comunidade educativa actuemos dun xeito coordinado e que contedes coa nosa axuda e asesoramento para a xestión e organización do proceso de aprendizaxe do alumnado.
Co fin de acadar estes obxectivos todo o profesorado do IES do Castro, coordinado polo Equipo Directivo está a desenvolver as seguintes accións educativas e de reorganización docente:
-
-
Emprego de Abalar Móbil como ferramenta imprescindible de comunicación. Solicitamos a todas as familias que descarguen a app Abalar no seu teléfono móbil.
-
Reunións virtuais dos departamentos para coordinar o traballo e colaborar na selección, modificación e creación de contidos dixitais.
-
Creamos a figura do “facilitador da docencia dixital” dentro de cada departamento. Este profesor ou profesora terá as funcións de asesoramente técnico, pedagóxico e de organización de tarefas e contidos dixitales dentro de cada departamento.
-
A labor de titoria será reforzada dun xeito dixital por Abalar e correo electrónico.
-
Coordinación virtual do Equipo Directivo, Coordinador TIC, todos os departamentos e en especial co departamento de orientación pedagóxica.
-
Actualización, formación e activación na súa totalidade da Aula Virtual do Castro coa supervisión e xestión do coordinador e dinamizadores TIC do Centro.
-
-
- Coordinación con Coordinadora BI. Calquera cuestión relacionada coa xestión do BI a través da súa Coordinadora e por correo electrónico
Seguiremos informando a medida que se xeneren novedades.
Un afectouso saúdo ás familas e o a todo o noso alumnado.
O Equipo Directivo do IES do Castro
Imprimir este Artigo