Teclee debaixo no campo da lupa o termo a procurares e prema na lupa ou na tecla Intro do seu teclado
DÍA DE ROSALÍA (23 DE FEBREIRO DE 2022)
Un 23 de febreiro de 1837 nacía Rosalía de Castro en Santiago de Compostela. Lembrando os versos que Curros lle dedicou, unha muller “que tiña na fronte unha estrela e no bico un cantar”.
Por iso, este 23 de febreiro de 2022, a biblioteca do instituto e o EDLG queremos honrar a súa memoria celebrando o seu nacemento. E que mellor maneira de facelo que contribuíndo, como fixo ela, a dignificar o galego e demostrar que é unha lingua tan apta para a literatura coma calquera outra. E como imos facelo? Pois regalando literatura en galego!
Pero Rosalía son moitas persoas máis. En palabras de María Xesús Lama, autora dunha magnífica biografía da poeta, Rosalía é “unha rapaza atrevida disposta a construír unha vida independente”, “unha cidadá adulta que reflexiona sobre a sociedade do seu tempo e que aposta por un proxecto de cambio social”, “unha escritora que escribe a pé de rúa”, identificándose co pobo e sufrindo con el, denunciando as inxustizas e os abusos dos poderosos desde unha postura revolucionaria para a época,
Pero tamén é unha escritora consciente do seu talento que reivindica o seu espazo na literatura, os seus dereitos, en contra do machismo dominante. E “que escribe do que non está permitido, o que ninguén espera” nunha muller, como moi ben expresa neste poema de Follas novas:
Daquelas que cantan as pombas i as frores
todos din que teñen alma de muller,
pois eu que n’as canto, Virxe da Paloma,
¿Ai! ¿De que a terei?
En resumo, unha muller libre. Nas súas palabras: Eu son libre. Nada pode conter a marcha dos meus pensamentos, e eles son a lei que rexe o meu destino.
ACTIVIDADES
Imprimir este Artigo
Dende o EDLG e a Biblioteca convócase un concurso de creatividade literaria
CONCURSO DE POEMAS E MICRORRELATOS
TEMÁTICA DOS POEMAS LIBRE
TEMÁTICA DOS MICRORRELATOS:
A- A CREENZA GALEGA DOS CORPOS ABERTOS
C- A NATUREZA
LEDE BEN AS NORMAS E MODALIDADES DE PARTICIPACIÓN NO DO CONCURSO
ANTE CALQUEIRA DÚBIDA CONSULTADE COA COORDINADORA DO EDLG CRISTINA NOGUEIRA OU BEN CON CARMEN VILARIÑO
Imprimir este Artigo
Enjoy the comeback of our English Book Club, join us.
Contact our library staff.
Imprimir este Artigo
Como todos os anos dende a biblioteca queremos facilitar a todos os membros da comunidade educativa as súas lecturas veraniegas .
Abrimos o`prazo para solicitar os libros, DVDs e revistas que desexedes levar en préstamo Lede ben as instruccións.
Pensa que libros apetéceche ler
Busca se están no catálogo da biblioteca desde a icona do blog da biblioteca, bibliotecaiesdocastro.blogspot.com, situado na parte dereita.
Anota os títulos e autores dos libros.
Envíanos os seguintes datos ao correo prestamosbibliotecaiesdocastro@gmail.com
Nome completo e curso e moi importante o número de lector
Listado de títulos e autores dos libros
Prepararémoschos nunha bolsa e avisarémosche para que os recollas
E RECORDADE BO VERÁN E BOAS LECTURAS
 |
Imprimir este Artigo
Se che gusta ler, pasar un bo rato comentando as lecturas, coñecer a novas e novos compañeiros, esta é a túa oportunidade.
APÚNTATE AO CLUB DE LECTURA
No primeiro andar tedes dúas caixas onde poder inscribiros depositando en calquera delas un papel onde fagades constar o voso nome, curso e nivel educativo e en que club queredes participar.
A próxima semana convocaremos unha reunión con todos os inscritos, para falar sobre os libros a ler
Imprimir este Artigo
O luns 16 de novembro imos comenzar coa Hora de Ler, Esta actividade está destinada as alumnas e alumnos de 1º e 2º ESO. Enmárcase dentro do Plan Anual da Biblioteca,e o fin primordial é o fomento , a animación á lectura e o aumento da comprensión lectora do noso alumnado.
CLIC NA IMAXE
DESCARGAR HORARIOS
Imprimir este Artigo
O venres entregáronse os premios do I Concurso de Microrrelatos Xoán Xosé Sande.
Tres dos alumnos premiados
O concurso convocouse para escribir un microrrelato que tivera como comenzo:
“As cousas podían suceder de calquera outra maneira e, con todo, sucederon así…”
Tres dos alumn@s premiados: Niobe Alonso , primeiro premio Bacharelato, Andrea Costas , primeiro premio ESO e Miguel Cruz segundo premio ESO
O terceiro premio de Bacharelato recaeu en Martima Migliarini , pero foi recollido polo seu irmán
As profesoras e as alumnas e alumno premiados
PARABÉNS A TODAS E TODOS AS PREMIADAS E OS PREMIADOS
Imprimir este Artigo
No mes de novembro dende as bibliotecas escolares celebramos a Mes da Ciencia.
Desde a Consellería de Cultura, Educación e Universidade, xunto coa Secretaría Xeral de Política Lingüística, impúlsase a celebración anual do mes de novembro como o MES DA CIENCIA EN GALEGO NAS BIBLIOTECAS.
MANIFESTO MES DA CIENCIA EN GALEGO
Está en todas partes. Dentro do teu ordenador, no microondas e na neveira da cociña, en todos os medicamentos que tomamos de cando en vez, nos instrumentos de medición que hai nos hospitais, nas lámpadas que dan luz cando marcha o Sol, no motor do coche e do patinete eléctrico… chámase ciencia e é unha das ferramentas máis poderosas que desenvolvemos os seres humanos para tratar de comprender como está organizado e como funciona o mundo. A ciencia non é unha cousa escura que só se fai en complexos laboratorios, senón que, por riba de todo, é unha maneira de pensar, unha actitude para chegar ao coñecemento. Consiste en observar a natureza con paciencia e curiosidade, dun xeito rigoroso e meticuloso, co obxectivo de, pouco a pouco, descubrir os mecanismos que se agochan detrás dunha planta que agroma, dun bebé que comeza a camiñar, dun volcán en erupción ou dun medicamento que elimina a dor de cabeza. O traballo da ciencia pode facerse cun lapis e un papel, anotando o paso de aves migratorias, propoñendo unha hipótese brillante para explicar algún fenómeno da natureza, ou desenvolvendo unha solución matemática para calcular a danza aérea dunha bolboreta. E, por suposto, o traballo da ciencia tamén se fai nas instalacións que hai nos centros de investigación e de ensino, desde as máis simples ata as máis especializadas. En Galicia temos a fortuna de poder facer ciencia de calidade nos laboratorios das universidades e doutros centros de ensino. O importante e botarlle ilusión, paciencia e moita imaxinación. Pero ademais de facer ciencia, todos podemos gozar do traballo, das achegas e das vidas das científicas e dos científicos mergullándonos nos libros. Cada libro é unha viaxe interestelar á mente doutras persoas, ás súas aventuras, penas e alegrías. Nas nosas bibliotecas podemos gozar sen límite con relatos abraiantes sobre o funcionamento do cerebro, a vida das abellas ou a construción dun aeroplano. Cada libro é unha xoia capaz de alimentar e de estimular a mente. E ademais podemos gozalos na nosa lingua, en galego, porque a ciencia fala todos os idiomas, pode emocionar todas as mentes. O mes da ciencia en galego nas bibliotecas é unha oportunidade estupenda para deixarse enfeitizar pola maxia dos libros e do coñecemento que atesouran. Pero, ollo; esta actividade é profundamente aditiva e, sen que un se decate, pode acabar gozando da lectura todos os días do ano.
Xurxo Mariño Alfonso Profesor, investigador e divulgador científico
CLIC NA IMAXE E DESCARGA O MANIFESTO
Estamos a seleccionar libros de ciencia en galego para que durante este mes podades achegaros a novas lecturas de temática científica tanto divulgativa como de ficción.
No seguinte link pódese atopar unha recompilación de materiais de ciencia en galego
MATERIAIS CIENCIA EN GALEGO NAS BIBLIOTECAS
Imprimir este Artigo
