O pasado xoves 22 de abril, tivemos o pracer de escoitar unha charla a cargo do activista nixeriano Akpobari Nkabari Celestine, que podemos ver na foto

Podedes consultar os seus datos biográficos en

http://www.ogoniforum.org.za/index.php?option=com_content&task=view&id=16&Itemid=2

Akpobari Nkabari Celestine diríxiuse a nós en inglés. A charla, producíase cunha tradución simultánea ao castelán por parte de Lara, a intérprete que o acompañaba.

Celestine está facendo unha importante viaxe por Europa para dar a coñecer a precaria situación que vive a xente Ogoni (raza minoritaria nixeriana a que el pertence) polo abuso das petrolíferas. Relatounos como a xente trata de loitar polos seus dereitos, pero, como o goberno (doutra raza maioritaria), non os apoia e ademais é corrupto, xa que a maioría dos integrantes reciben beneficios das petrolíferas. Destacou, como a vida antes de chegar as petrolíferas, era razonable no Delta do Níxer, nunha economía primaria de autosuficiencia e que cando chegaron estas, vendéronlles un soño que xamais se cumpriu, polo contrario, empeoraron as cousas, xa que as petrolíferas destrúen os campos, bota fumes tóxicos, e a xente nativa, non obtén ningún tipo de beneficio.

Por qué Celestine ven a España? Porque España é un dos principais compradores de petróleo das empresas nixerianas e o noso goberno non lle esixe ás mesmas o cumprimento dos dereitos humanos en Nixeria. Celestine tratounos de abrir os ollos ante a situación e concienciarnos do que nós podíamos facer.

Celestine, continua o traballo de Ken Saro-Wiwa, un activista nixeriano que morreu por esta causa, de feito, tamén Celestine foi arrestado e maltratado pola policía nixeriana xusto antes de partir para Europa, nun suposto intento do goberno para que a situación non saia a luz.

A charla foi moi entretida, e o alumnado asistente mostrouse moi interesado no tema, formulando preguntas de gran interese: cómo podemos contribuír, cómo debe cambiar o goberno nixeriano, qué perigos pode ter facer unha campaña, onde está o problema -se no goberno ou nas empresas-, etc. Celestine contestou a todas elas moi amablemente.

Dende aquí dámoslle as grazas a Celestine por vir ó instituto e a Amnistía Internacional, por darnos a oportunidade de que el viñera. Nas fotos algúns momentos da charla e máis tarde, xunto ao ombú do xardín do instituto

Quen queira máis información pode consultar a páxina web: http://www.ogoniforum.org.za/ ou poñerse en contacto con calquera membro do grupo de AI do instituto. En calquera dos dous casos poderá encontrar moita información de cómo axudar. Nas fotos algúns dos membros do grupo durante a charla.

Leticia López e Tatiana Costas.

O defensor dos Dereitos Humanos Celestina AkpoBari , que estará en Vigo para dar unha conferencia no Centro Social Caixanova, tamén estará no IES do Castro, nun acto organizado polo Grupo Escolar de AI: será o próximo xoves 22 de abril ás 12.30 da mañá, e falará para unha boa parte do alumnado de 1º de Bacharelato na sala de conferencias.

AkpoBari loita para que as empresas responsables da situación no delta do Río Níxer asuman a responsabilidade da contaminación que producen coa súa actividade. Nesta rexión africana prodúcese unha íntima relación entre a extracción petrolífera por parte de empresas multinacionais e a pobreza da poboación autóctona.

Amnistía Internacional pide ao goberno de Nixeria que garantice a protección dos Dereitos Humanos e do medio ambiente, tamén pide ás principais empresas extractoras que fagan realidade os seus compromisos públicos co medio ambiente e cos Dereitos Humanos.

Máis información

http://www.es.amnesty.org/es/donde-estamos/grupos/galicia/grupos/vigo/paginas/agenda/evento/articulo/empresas-y-derechos-humanos-petroleo-contaminacion-y-pobreza-en-el-delta-del-niger/

http://en.afrik.com/article16283.html

As Corcerizas

O día 2 de febreiro, un grupo de alumnas e alumnos de 1º de Bacharelato E do IES do Castro iniciamos unha viaxe ata o centro de educación ambiental “As Corcerizas”, situado na Serra de San Mamede (Ourense), como proxecto do grupo de actividades CAS incluídas dentro do Bacharelato Internacional. Fomos ata alí en autobús, onde estivemos facendo algunhas tarefas de iniciación á xornada. Permanecemos alí ata o día 5, realizando actividades de voluntariado, recibindo charlas formativas sobre educación medioambiental e mellorando o ambiente do grupo. Durante a nosa estanza en dito centro, realizamos diversas actividades como a restauración de dous muíños de auga no pobo de Rebordechao, a construción de dous composteiros no centro, unha competición de orientación polo monte e unha ruta polo monte. Aloxabámonos nun albergue e dispuñamos dun comedor e un aula para as actividades de formación. As charlas formativas que recibimos foron sobre voluntariado europeo e os problemas globais que afectan ao medio ambiente. Para finalizar esta actividade, preparamos en grupos un esbozo de proxecto de voluntariado que despois presentamos fronte ás nosas compañeiras e compañeiros.

(Ler o resto do artigo »)

Os seguintes proxectos, entre outros,  sucederon ou están en marcha este ano

Voluntariado lingüístico

Varios grupiños continúan este valioso traballo no centro co asesoramento do profesor XX Sande Suárez ou a propia coordinadora de CAS. Durante un recreo á semana, alumnado de CAS ofrece á súa axuda a alumnado que precisa practicar unha lingua na que por diversos motivos ten algunha deficiencia. Os intercambios sempre resultan interesantes, xa que acaban indo en dúas direccións: aprendizaxe de habilidades sociais e lingüística para ambas partes.

Grupo de AI

Este grupo renovóuse coa participación de alumnado de 1º E. No primeiro trimestre participaron nunha campaña contra a pena de morte. No instituto realizaron unha serie de actividades preparatorias, e o día 24 de novembro participaron nunha ‘acción de rúa’ na Praza da Constitución, como se recolleu no Faro de Vigo e na Voz de Galicia. A profesora Lucía López Bejo encárgase este ano do asesoramento a este grupo.

Na foto podemos ver algúns dos momentos do ‘xogo contra a pena da morte’.

Nos próximos días levaráse a cabo  unha nova campaña deste grupo. Neste caso no propio instituto. Mirade nos taboleiros das aulas

Campaña 0.7 e Festa de Acción Intercultural

Durante parte do primeiro trimeste un grupo de alumnado CAS levou a cabo este proxecto, investigando os Obxetivos do Milenio e  promovendo a Campaña do 0.7 no centro, co asesoramento das profesoras Lurdes García Vázquez  e Concha Otero Alonso. Na xornada do 22 de decembro, co apoio da vicedirectora Irene e do Dpto de Tecnoloxía,  levaron a cabo unha celebración do fin de trimestre, con diversas actividades incluíndo a actuación de grupos musicais do centro, entre eles Hombrecito Rock Band que presentou letras e música de creación propia e contido axeitado á ocasión. O profesor Xurxo Domonte Pereiro encargóuse do asesoramento musical deste grupo.

Colaboración con HUMI

http://www.onghumi.com/

Este ano o ‘rastrillo’ de Nadal de HUMI tivo lugar na antigua sede do Colexio de Arquitectos. A súa celebración contou de novo coa colaboración de alumnado CAS. Nas fotos algún dos artigos da exposición para a venta

As Corcerizas

Máis fotos desta interesante actividade CAS no Centro Medioambiental de As Corcerizas.

Save the Frog

O proxecto de reciclaxe de papel nas aulas iniciado por alumnado de 2º E segue adiante semana a semana. As veces a colaboración dalgunhas aulas podería ser mellor, pero globalmente o proxecto é un éxito e unha boa parte do alumnado está a amosar o seu interese pola protección do medioambiente a diario. Pequenos xestos individuais poden sumar moitos kilos e significar moito! Estes días renóvase o equipo que se encarga da recollida con alumnado de 1º E. Pregamos se disculpen os pequenos fallos iniciais, pero   agradeceremos calquera  información sobre os mesmos, para intentar subsanalos.

Implicadas no desenvolvemento

Un grupo de alumnado CAS colaborou con esta organización para reorganizar e digitalizar a biblioteca desta ONG na súa sede de Vigo. Tamén realizaron outras tarefas de organización relacionadas coa venta de productos na mesma sede. Foi un bo modo de aprender máis sobre os países non desenvolvidos e os modos en que podemos colaborar  para mellorar as desigualdades no mundo.

Sábado 27 de febreiro             Día Mundial das Enfermidades Raras

Alumnado de CAS vai colaborar co conmemoración deste día, durante o desenrolo dunha xornada organizada pola asociación ASEM- Galicia, (Asociación Galega contra las Enfermedades Neuromusculares ) no Museo Verbum.

http://www.asemgalicia.com/index.html

Cartel da xornada

cartel-colaboradores-horizontal-3.doc

Axuda a Haití
Durante a semana do 8 ao 12 de febreiro un grupo de CAS levou a cabo unha campaña de concienciación e recollida de fondos para enviar a Haití. Houbo petos na cafetería, na entrada do instituto e na biblioteca, unha presentación dixital proxectada no vestíbulo e carteis alusivos por todo o centro.

cartel-pequeno1.pdf

Onte día 25 procedeuse ao reconto público da axuda entregada. Hoxe mesmo, fixéronse os ingresos correspondentes nas contas das tres ONGs que se propuxeran na campaña:

Cruz Roja Española                 91.43 euros

Médicos sin Fronteras           91.43 euros

Fundación UNICEF                91.44 euros

Grazas pola participación!

Mediación

O curso de mediación organizado polo Dpto de Orientación vai iniciarse neste mesmo trimestre coa participación de seis novas persoas de 1º E –aparte de alumnado doutros cursos. Conta coa colaboración do Equipo de Mediación xa en activo.

Liga Interna de Fútbol e Baloncesto

Coa colaboración de alumnado CAS así como do Dpto de EF vólvense a levar a cabo este curso estas ligas internas durante os recreos e algunhas tardes.

Durante os pasados días 2 a 5 de febreiro o grupo 1º E de Bacharelato, do BI, realizou unha viaxe de estudos centrada na programación de CAS, aínda que moitas das actividades realizadas teñen unha función integradora de diversas materias e requerimentos do BI. A viaxe consistiu nunha estancia no Centro Medioambiental ‘As Corcerizas’ ( http://www.amigosdaterra.net/info/ascorcerizas/index.html ) xestionado por Amigos da Terra. Na foto ‘oficial’ podemos ver ao grupo de alumnado, co profesorado acompañante e monitores e monitoras encargadas das actividades.

Entre outros contidos traballáronse os seguintes:

-finalidade do voluntariado na sociedade. Servizo de Voluntariado Europeo

-problemática medioambiental local e global

-elaboración dun proxecto de voluntariado e presentación pública do mesmo

-realización de actividades de voluntariado etnográfico e medioambiental

Todo elo mantendo presente a promoción ou práctica de:

-técnicas de traballo en grupo para os distintos obxetivos

-capacidade crítica

-conciencia medioambiental

-responsabilidade persoal e colectiva

-conservación do patrimonio

Un grupo de alumnas e alumnos de 2ºE, do Bacharelato Internacional, están levando a cabo, dende o mes de setembro, un proxecto de concienciación sobre a necesidade da reciclaxe no noso centro. Este proxecto entra dentro do seu marco de actividades CAS, e consta de diferentes partes.

A primeira foi impartir charlas a todo o alumnado do centro para destacar a importancia da reciclaxe para o coidado do noso planeta, tan afectado na actualidade por fenómenos como o quecemento global.

E a segunda, poñer en marcha no instituto a reciclaxe de todo o papel que se emprega. Para isto, o grupo de persoas que forman parte da iniciativa prepararon durante o verán unha serie de caixas para poñer en tódalas aulas e poder utilizalas como papeleiras de reciclaxe. Ademais, levarase a cabo unha labor de recollida e vaciado destas papeleiras durante todo o curso.

Con este proxecto preténdese formar, a longo prazo, persoas conscientes da labor importantísima que se pode facer polo noso planeta dende a nosa comunidade, aínda que só sexa clasificando os nosos refugallos diarios.

Durante este proxecto, o grupo organizador disfrutou moito da preparación, e esperamos que teña un resultado exitoso. E para isto o único que se precisa é a colaboración do alumnado e do profesorado.

Grazas, Save the frog.

(texto de Bran López Luengo e María Bragado Paz)

O alumnado de 2º E comezou o curso con proxectos dirixidos a ‘cambiar o mundo no que vivimos’ dende unha perspectiva creativa, participativa e sempre con ánimo positivo.

Podedes ler a súa explicación do proxecto ‘SAVE THE FROG’, xa en marcha neste momento. Outros interesantes proxectos xa están en período de organización.

Esta semana pasada asistimos á terceira charla da serie ‘Con C de Creatividade’. Neste caso foi o recoñecido poeta Román Raña, profesor do propio centro, quen falou da creatividade na poesía. Partindo da idea das palabras como material que forma a poesía, en contraste con outras artes e materiais, foi apuntando aspectos sobre cal é o impulso dunha persoa a escribir, as teorías romántica e clásica sobre a inspiración,  para logo ir analizando os ‘pilares’ da poesía: a técnica, o xogo, a narratividade e o pensamento-sentimento.

Aparte da oportunidade de escoitar ao poeta falando da súa propia teoría sobre a poesía, este foinos guiando ‘en primicia’ por tres dos seus poemas de ‘A metamorfose do túnel’, a obra premiada co Premio de Poesía Caixanova no ano 2004 e que fora valorada no seu momento polo xurado pola súa elegancia formal, a enteireza lírica e a densidade emotiva do discurso. Os poemas comentados foron Des-composición, París, baixos fondos, 1970 e Disertación sobre o túnel cos que Román foi desvelando o funcionamento do proceso creativo e defendeu a importancia da poesía como interpretación dos sentimentos humanos (aqueles con nome, ou aqueles aínda por nomear).

Entre outras citas que quedaron na memoria do alumnado podemos sinalar: ‘A inspiración é algo que pode chegar en calquera momento posto que o ser humano está condenado a pensar.’

Nas fotos Román Raña co alumnado de 2º E.