IES do Castro de Vigo

PARABÉNS PARA SABELA!!!

A alumna SABELA VÁZQUEZ CASTRO, de 3º ESO B, gañou o 2º premio no certame de relato curto “Cambiemos o conto” da Deputación, convocado para conmemorar o 8 de marzo.

A comunidade educativa do IES do Castro congratúlase do seu éxito e ten a seguridade de que non vai ser o último.

A entrega de premios tivo lugar o martes 14 na Deputación de Pontevedra e Sabela estivo rodeada dos seus compañeiros e compañeiras así como das profesoras Emi Martínez, responsable do Equipo de Igualdade, e Laura Montes, de Lingua Galega, que a animou a presentarse.

Neste enlace dáse conta da entrega de premios:

https://www.depo.gal/-/noticia-entrega-premios-concurso-cambiemos-o-conto

Para ler en .pdf

relato-premiado-sabela-vazquez.pdf

Información, bases  e presentación do programa para o alumnado que actualmente cursa 3º da ESO nesta ligazón

https://www.vigoeningles.org/

MODIFICACIÓNS DO CALENDARIO ESCOLAR PARA O FINAL DE CURSO 2022-2023 E O SISTEMA DE AVALIACIÓNS  NA ESO .

A Consellería de Cultura, Educación, Formación profesional e Universidades aprobou novas modificacións do Calendario escolar para o curso 2022/2023. ORDEN de 27 de diciembre de 2022 ( DOG Nº4 do Xoves, 5 de xaneiro de 2023)

Salientamos seguindo a Orde as seguintes modificacións nas Sesións de avaliación que afectan onoso alumnado e que quedan redactados como segue:

«2. A sesión de avaliación final ordinaria do alumnado do primeiro curso do bacharelato e a sesión da avaliación final de módulos do alumnado do primeiro curso dos ciclos formativos de grao básico deberán realizarse a partir do día 5 de xuño de 2023.

3.As sesións de avaliación final extraordinaria do alumnado do bacharelato e do primeiro curso dos ciclos formativos de grao básico, a sesión de avaliación final do alumnado da educación secundaria obrigatoria, as sesións da avaliación final de ciclo do segundo curso dos ciclos da formación profesional básica e as sesións da avaliación final de módulos do alumnado dos ciclos formativos de formación profesional deberán realizarse a partir do día 22 de xuño de 2023.

A sesión da terceira avaliación parcial da educación secundaria obrigatoria deberá coincidircoa sesión de avaliación final» “

Polo tanto, a organización do final do curso 2022-2023 nos distintos niveis do Centro será:

Para o alumnado de 2ºBAC:

• A avaliación final ordinaria será no mes de maio, posiblemente o 19 xoves (a data ten que adecuarse ás datas previstas para a convocatoria ordinaria da ABAU, que será os días 6, 7 e 8 de xuño)
• As probas das materias que non foran superadas na Avaliación ordinaria serán entre o 19 e o 21 de xuño
• A Avaliación final extraordinaria será a partir do 22 de xuño de 2023
• As clases rematan para todo o alumnado da ESO, de 1º BAC e o alumnado de 2º BAC con materias pendentes para a Avaliación extraordinaria, o 21 de xuño de 2023.
• Lémbrese que, xa dende o curso pasado, non hai convocatoria de exames en setembro.

Para o alumnado de 1º BAC haberá dúas sesións de avaliación:

• Avaliación final ordinaria (a data coincidirá coa terceira avaliación) e farase a partir 5de xuño
• As probas das materias que non foran superadas na Avaliación ordinaria serán entre o 19 e o 21 de xuño
• Avaliación final extraordinaria e farase a partir do remate das clases, o 21 de xuño.

Para o alumnado da ESO só haberá unha sesión de avaliación: 

• Avaliación terceira que a súa vez coincidirá na data coa Avaliación final, e realizarase a partir do 22 de xuño.
• O alumnado que non superara algunha parte dunha materia ao longo do curso, ten que realizar a/s proba/s ou actividades de recuperación, que os distintos Departamentos establecen nas súas Programacións, antes da data da Avaliación final.

Descarga da información en .pdf

 modificacions-fin-de-curso-2023.pdf

[Clique na imaxe para vela a tamaño 1:1]

Instruccións:

• Estas actividades teñen coma obxectivo repasar os contidos que serán avaliados na proba especial de finais de febreiro 2022.
• En cada entrega haberá 4 documentos para catro habilidades: Grammar, Vocabulary, Reading and Writing
• Teñen carácter de obligatorias para comprobar o estado de compromiso do alumnado co desafío de aprobar esta materia pendente.
• Deberán ser presentadas para o seu control nos prazos marcados -normalmente quincenais-.
• Descargáranse dende este sitio web en formato .pdf. Débense imprimir e facer os exercicios nos impresos.

Activities 1

 (Prazo de presentación: 20 de nadal de 2022)

Descarga

grammar_revision_1.pdf

vocabulary_revision_1.pdf

reading_practice_1.pdf

 writing_practice_1.pdf

Activities 2

 (Prazo de entrega: 9 de xaneiro 2022)

Descarga

grammar_revision_2.pdf

vocabulary_revision_2.pdf

CONCESIÓN DE AXUDAS MUNICIPAIS A FAMILIAS CON FILLOS E FILLAS EN ENSINO OBRIGATORIO.

PRAZO: Dende 30 de novembro ó 29 de Xaneiro.

So se aceptará unha solicitude por unidade de convivencia. No caso de que se presenten máis acumularanse, tramitándose a primeira presentada no Rexistro.

Xunto coa solicitude achegarase a seguinte documentación:

a)     DNI, NIE ou pasaporte da persoa solicitante (só para solicitude presencial). 

b)     Libro de familia completo ou documentación oficial acreditativa dos membros da unidade familiar, coas súas datas de nacemento.

c)     Volante de empadroamento familiar só para os solicitantes non empadroados en Vigo.

d)     Certificado de matrícula do centro escolar acreditativo de que o alumnado para o que se solicita a axuda está matriculado no curso 2022-2023 en Educación Primaria, Educación Secundaria Obrigatoria ou Educación Especial.

e)     Documento acreditativo do IBAN da conta bancaria da persoa solicitante da axuda.

f)      De ser o caso, outro documento xustificativo da convivencia co menor. 

g)     Declaración responsable do cumprimento de obrigas tributarias e coa Seguridade Social de conformidade co artigo 24.4 do RLXS (Esta declaración consta incluída no formulario de solicitude).

 OS CERTIFICADOS DE MATRICULA (OS ENTREGARÁ O TUTOR A CADA ALUMNO). SÓ SERÁN VALIDOS PARA A PRESENTACIÓN PRESENCIAL.

Solicitude presencial: Deberá cumprimentarse o formulario de solicitude a través da URL:  https://www.vigo.org/axudas-ensino (premendo no botón Tramitar presencialmente) e posteriormente presentalo no Rexistro Xeral Municipal do Concello de Vigo xunto coa documentación esixida nas bases.

Así mesmo, os/as interesados/as poderán presentar as súas solicitudes por calquera dos medios previstos no artigo 16.4 da Lei 39/2015, do 1 de outubro, do Procedemento Administrativo Común das Administracións Públicas (LPACAP).

 Descarga deste documento en

axudas-concello-vigo.pdf

Certificación B1 en lingua francesa

O DIPLOMA , AS DATAS OS LUGARES DE EXAMEN

A certificación será a través da Alianza Francesa e proporcionará o diploma do DELF (Diplôme d’études en langue française) do nivel B1.

As probas se realizarán nas seguintes datas:

A- Probas escritas: mércores 26 de abril de 17.00 a 18.55

B- Probas orais individuais: entre o mércores 12 de abril e o sábado 13 de maio segundo a planificación de cada centro de examen. (No caso do bacharelato soe ser a primeira quenda)

Os centros onde se realizarán as probas están pendentes de confirmación. Nos últimos anos se realizaron entre o IES San Tomé e a sede da Alianza Francesa de Vigo, sita na rúa Argentina. Todo indica que non haberá cambios a este respecto.

O PREZO E PRAZO DE MATRÍCULA

O custo da inscrición a estas probas do nivel B1 deste ano é de 98,70 € . Como a Consellería oferta unha contía de 100€ por alumno/a que se presente, o prezo da inscrición quedaría cuberto pola beca.

O prazo de matriculación para as probas será entre o mércores 1 e el sábado 25 de febreiro de 2023. A selección do alumnado que opte ás becas se fará durante o mes de novembro.

INSCRICIÓN E BAREMO

A inscrición para a selección do alumnado interesado en participar nas probas se fará ata o 16 de decembro de 2022.

Será seleccionado aquel alumnado que obteña maior puntuación no baremo segundo os seguintes items:

1-Nota de francés do ano anterior: 10 : 2p; 9 : 1p; 8: 0,5p; 7: 0,25p

2- Nota media do curso anterior: 10 : 2p; 9 : 1p; 8: 0,5p; 7: 0,25p

3- Nota media de francés na ESO: 10 : 2p; 9 : 1p; 8: 0,5p; 7: 0,25p

4- Nota media de francés na ESO: 10 : 2p; 9 : 1p; 8: 0,5p; 7: 0,25p

** En caso de empate na puntuación total, prevalecerá o criterio da mellor nota media de francés na ESO e no Bacharelato.

Documentos en .pdf

delf_becas.pdf  

fiche_d_inscription_delf.pdf