Ven de ser publicada a resolución provisional  da Consellería de Educación et alter sobre a concesión de axudas para Probas de Acreditación Lingüística para alumnado de centros públicos, a realizar nos propios centros.

Concederon axudas para 4 de Francés para alumnado do nivel de 2º de Bacharelato.

• Proximamente o Departamento de Lingua Francesa deste instituto confeccionará a listaxe do alumnado de 2º de Bacharelato aspirante a estas probas e axudas, que se pretenden que sexan do 100% do importe das mesmas.

Ante a publicación no DOG do día de hoxe da Orde do 18 de marzo de 2013, pola que se convocan axudas para a realización de actividades de formación en linguas estranxeiras no ano 2013, destinadas ao alumnado dos centros docentes sostidos con fondos públicos, en réxime de concorrencia competitiva, xúntase cartel informativo desta convocatoria, co rogo da súa difusión entre o alumnado posible beneficiario destas axudas.

O prazo de presentación de solicitudes comeza o día 23 de marzo e remata o día 22 de abril.

A información sobre este programa, así como a aplicación “en liña” que se refire na convocatoria, atoparase na páxina web http://www.edu.xunta.es/axudasle.

Sinálase que, no caso dos centros concertados, en educación secundaria obrigatoria as certificacións serán asinadas polo director ou directora do centro educativo co visto e prace da inspección educativa, e no caso das ensinanzas de bacharelato e de formación profesional, as certificacións asinaraas o secretario ou secretaria do centro público no que se atope o expediente académico e co visto e prace do director ou directora dese centro.

Santiago de Compostela, 22 de marzo de 2013

O Subdirector Xeral de Ordenación e Innovación Educativa e Formación do Profesorado,

Manuel Vila López

Cartel informativo en pdf

 

https://www.edu.xunta.es/axudaplicacion/files/axudasle/CARTEL%202013.pdf

Imprescindible ferramenta na Rede de redes para o bo uso e abuso dos termos das TICs. que as veces se utilizan incorrecta ou caprichosamente, cando non inxustamente . Primeiro coñeza a tecnoloxía, e logo refírase a ela con propiedade. Agora pode facelo doadamente con esta ferramenta, con diferentes traducións, i.e. :

Icona

Tradución portugués:ícone

Tradución castelán:icono

Tradución francés:icône

Tradución italiano:icona

Tradución inglés:icon

Tradución alemán:Ikon

DiGaTIC - Dicionario Galego das TICs

• » Comentarios (0)

Dicionarios entre linguas moi diversas, incluídos latín, grego moderno, galego, español, inglés, italiano, portugués, francés e moitas máis. Divertido. Tamén ten algunhas pronuncias en formato audio ou MP3:

http://www.dicts.info/2/index.php