Celebración dos 25 anos de traballo de Ana García no IES do Castro
Co gallo do 25 aniversario do traballo ininterrumpido da funcionaria administrativa do IES do Castro Ana García - apreciada e benquerida - celebrouse este notable evento no IES do Castro o día 20 de decembro do 2018.
O acto consistiu principalmente en intervencións de profesorado e persoal, tanto en activo como xubilado, glosando a inestimable contribución de Ana ao nacemento, crecemento e consolidación do noso instituto, con proxeción de vídeos con mensaxes de aprecio e cariño para ela. Suliñable foi a presenza da maioría de membros das xuntas directivas dende a fundación do instituto até o presente - e os que non puideron asistir deixaron as súas mensaxes de aprecio. Tamén foi importante a presenza dese xa amplo corpo de funcionarios docentes xubilados que deixaron a súa impronta na vida do IES do Castro
Houbo sesión de fotos pertinente, e un ambigú para despedir tamén ao primeiro trimestre e ao ano 2018.
[Clique nas imaxes para velas a tamaño 1:1]
Imprimir este Artigo
Imprimir este Artigo
Imprimir este Artigo
Xoves 29-N de eleccións no IES do Castro
O xoves, 29 de novembro, foi un día cheo de votos e urnas no IES do Castro.
Todos os estamentos da comunidade escolar elexían aos seus representantes no Consello escolar do centro. Así pois, as urnas decidiron as persoas que co seu posto de conselleiros/as axudarán ao bo goberno do instituto.
Deixamos unha breve reseña fotográfica do día…
Imprimir este Artigo
Imprimir este Artigo
Novo formulario de xustificación de faltas do alumnado
modelo-xustificante-de-faltas.pdf
O anterior modelo fica obsoleto. Non se admitirá outro distinto.
Tamén están dispoñibles copias do modelo na Conserxería.
Entregar ó/á titor/a do grupo ou en conserxería
Imprimir este Artigo
Alerta dun fenómeno meteorolóxico adverso de nivel LARANXA por refachos de vento superiores a 100km/h
Alerta dun fenómeno meteorolóxico adverso de nivel LARANXA por refachos de vento superiores a 100km/h
Mar, 06/11/2018 - 11:13
A Axencia Estatal de Meteoroloxía e MeteoGalicia alertan dun fenómeno meteorolóxico adverso de nivel LARANXA por refachos de vento superiores a 100km/h, que comezará as 12:00/15:00 horas do martes día 6.11.2018 e prolongaráse ata as 00:00 horas do día 7.11.2018.
Este adverso afectará ás zonas de predición meteorolóxica de suroeste da Coruña, oeste da Coruña, noroeste da Coruña, litoral Pontevedra e a Mariña
Ante a devandita situación de risco, a Comisión Escolar de Alertas acordou o seguinte:
1. A SUSPENSIÓN DE ACTIVIDADES NO EXTERIOR nos centros educativos situados nas zonas de predición meteorolóxica afectadas.
2. A autoridade educativa comunicará esta incidencia ás direccións dos centros escolares afectados, solicitando que leven a cabo esta medida e fagan un seguimento dos partes meteorolóxicos durante a xornada na que se desenvolverá este adverso.
3. Para o caso de que as circunstancias da localidade onde se atopa o centro, supuxesen un risco superior ao declarado e pasase a unha declaración de nivel superior, as direccións poderán adoptar as decisións oportunas respecto da suspensión das actividades extraescolares.
Imprimir este Artigo
Departamento de Matemáticas: Alumnado con Matemáticas pendentes | Curso 2018/19
Alumnado da ESO con Matemáticas pendentes. Curso 2018/19
Datas dos exames
1ª parte: luns, 14 de xaneiro
2ª parte: luns, 13 de maio
Final: luns, 27 de maio
Alumnado de Bacharelato con Matemáticas I ou Matemáticas aplicadas ás Ciencias Sociais I pendentes. Curso 2018/19
Datas dos exames
1ª parte: xoves, 10 de xaneiro
2ª parte: xoves, 4 de abril
Final: xoves, 11 de abril
Imprimir este Artigo