Amosamos (en versión flash) a presentación en Power Point/Impress que a alumna Noelia Prado Fernández de 1º B da ESO fixo para o concurso de Felicitacións de Nadal convocado pola ANPA do Instituto.

Gañadora do III CONCURSO DE FELICITACIÓNS DE NADAL´09

Modalidade: FELICITACIÓNS INFORMATIZADAS

A versión orixinal para Power Point/Impress pódese descargar dende aquí

Versión flash de Alberte Zato

• » Comentarios (0)

Imprescindible ferramenta na Rede de redes para o bo uso e abuso dos termos das TICs. que as veces se utilizan incorrecta ou caprichosamente, cando non inxustamente . Primeiro coñeza a tecnoloxía, e logo refírase a ela con propiedade. Agora pode facelo doadamente con esta ferramenta, con diferentes traducións, i.e. :

Icona

Tradución portugués:ícone

Tradución castelán:icono

Tradución francés:icône

Tradución italiano:icona

Tradución inglés:icon

Tradución alemán:Ikon

DiGaTIC - Dicionario Galego das TICs

• » Comentarios (0)

NADAL DE LIBROS 2009

Esta escolma que se presenta neste cartafol non pretende que estean reflectidas todas as novidades bibliográficas nin todas as preferencias persoais. Ademais, calquera selección que se propoña sempre garda o risco de que as persoas que a realicen dean preferencia aos seus gustos ou intereses. Neste caso procuramos ter presente o antedito e suxerir aquilo que, ao noso entender e con toda a modestia,  pode axudar a escoller un libro para estes días de lecer e de festas.

Son moitas as novidades, non só desde o punto de vista que as entendemos como de novas publicacións, senón que tamén este ano está a ser novidoso de maneira especial polo soporte empregado para a lectura. Estámonos a referir ao libro dixital que empeza a ter presenza xunta ao libro tradicional en  soporte papel. A opinión máis estendida entre os expertos é que, do mesmo xeito que convive o xornal dixital co formato tradicional en papel, todo parece indicar que no caso do libro sucedería algo similar, é dicir, que por bastante tempo terían presenza as dúas versións e sen deixar de recoñecer que iso é imparable e que probablemente o libro de texto sexa o que máis cedo se pode ver implicado. Os soportes electrónicos para recibir os contidos dos libros pasan por diferentes modelos e comercialízanos varias canles (Kindle de Amazon, Sony reader, Grammata papyre, Cybook, etc.), pero todo fai pensar que pronto poden quedar desfasados e seren substituídos por telefonía móbil, iTunes, Iphone, etc.

Para os nostálxicos do olor a tinta e papel hai quen propón que os equipos informáticos poidan incorporar eses matices.

ESCOLMA DOS 101 LIBROS

Desde hai un tempo para acá están de moda certas publicacións  que propoñen 1001 sitios que hai que visitar, 1001 películas que hai que ver, 1001 libros que hai que ler, antes de pasar a mellor vida. Pois ben, desde a Biblioteca do Instituto propoñemos que sexan lidos os 13000 exemplares existentes  naquela e que nesta ocasión imos reducir a  algúns que están e outros que non e que presentamos como ESCOLMA DOS 101 para estas festas ou para cando non o sexan.

 Empezaremos por suxerir un título que ten que ver co ensino, a boa educación, “o savoir faire que dicimos os galegos.Pero abofé que che será de grande axuda para chegares a ser a persoa educada e civilizada que a humanidade necesita que sexas” :Etiqueta para toda/o s” da nosa compañeira Irene Pérez Pintos. Edic. Xerais.Vigo 2009.

Por outro lado, advertir que algúns dos máis lidos ao longo deste ano que está para rematar só lembraremos os seus nomes porque xa están sobradamente publicitados por iniciativa das empresas editoras e, tamén é certo, polos propios lectores. Estamos a pensar en S. Meyer coa  súa tetraloxía  e  a S.Larson coa súa triloxía ou mesmo en versión castelá “La playa de los ahogados” do escritor vigués D. Villar.

No anterior cartafol xa se informou das novidades de Novembro e por iso non repetiremos aquí o que xa se dixo e que se pode consultar na páxina Web do centro.

NARRATIVA-ADULTOS E XOVES:

Ángeles Caso: Contra el viento. Edit. Planeta. (Premio 2009)

J. Saramago: Caín: Ed. Alfaguara

Ildefonso Falcones: La mano de Fátima. Ed. Grijalbo

Isabel Allende: La isla bajo el mar. Ed. Plaza&Janés

Rosa Aneiros: Sol de Inverno. Edit. Xerais. (Premio Xerais 200 9)

P.Coelho.El vencedor está solo.  Edit. Planeta

Marina, J. Antonio e :La conspiración de las lectoras.Edit. Anagrama

Murakami: El fin del mundo y un despiadado país de las maravillas. Tusq.

Muñoz Molina: La noche de los tiempos.” Un día de finales de octubre de 1936 el arquitecto español Ignacio Abel llega a la estación de Pennsylvania, última etapa de un largo viaje desde que escapó de España, vía Francia, dejando atrás a su esposa e hijos, incomunicados tras uno de los múltiples frentes de un país ya quebrado por la guerra. Durante el viaje recuerda la historia de amor clandestino con la mujer de su vida y la crispación social y el desconcierto previo que precedieron al estallido del conflicto fraticida. “ Edit. Seix-Barral.

H.Mankell: EL HOMBRE INQUIETO (El adiós de Wallander). Edit. Tusquets

P. Giordano: La soledad de los números primos. Edit. Salamandra«En una clase de primer curso Mattia había estudiado que entre los números primos hay algunos aún más especiales. Los matemáticos los llaman números primos gemelos: son parejas de números primos que están juntos, o mejor dicho, casi juntos, pues entre ellos media siempre un número par que los impide tocarse de verdad. Números como el 11 y el 13, el 17 y el 19, o el 41 y el 43. Mattia pensaba que Alice y él eran así, dos primos gemelos, solos y perdidos, juntos pero no lo bastante para tocarse de verdad.»

PARA MÁIS XOVES

Javier Pelegrín: La puerta de Caronte. Edit. Anaya

Maite Carranza: La maldición de Odi (3ª entrega). Edit. Edebé

Roberto Pavanello: Las escalofriantes aventuras de BatPat. Ed. Montena

Tonya Hurley: Ghostgirl.El regreso. Edit. Alfaguara

Knister: Kika superbruja en el país de Liliput.Ed. Bruño

G. Stilton: Misterio en París. Ed. Destino.

E. Gnome: Fairy Oak. Ed. Destino

Pseudonimus Bosch: Este libro  es secreto.Edit.Grijalbo

Maya Faig: La elegida.Edit. Destino

Máis respostas ás preguntas que nunca te fixeches. Edi. Factoría K de libros

Artur Balder: Curdy y  el cetro de Carlomagno. Edit. Montena

Fernández Flórez:O bosque animado. Ed. Xerais

Agustín Fdez. Paz: Lúa do Senegal. Edit. Anaya

NOVELA  HISTÓRICA:La traición de Roma  (Santiago Posteguillo). Los idus de Marzo (W. Thorton)

Anatomía de un instante (Javier Cercas). Fin de século en Palestina (M. Anxo Murado).Xin Ran:Generac.Mao(Planeta)

ENSAIO:El siglo de la ciencia/Nuestro mundo al decubierto (Javier Sampedro)   Breve historia del leer.Los diez grandes inventos de la   evolución.El científico camufaldo. La piedra filosofal. : Edit.Ariel. El espejo del tiempo (Edit. Taurus). Enerxías alternativas (Edit. Progensa).

 GUÍAS:Guía micolóxica dos ecosistemas (Edit. Bahía).Guía das plantas de Galicia (Edic. Xerais) de X. Ramón García.

Guías de lecturas : Alonso Girgado: El Alehp; Plenilunio; La voz a ti debida (Edit. Follas novas) en Biblioteca. Recomendados para Bacharelato

Como xa diciamos ao principio non están todos os que son, nin se pretende que esta escolma sexa definitiva e única pero o espazo é limitado e non podemos engadir outros moitos que si deberían estar.As posibilidades de consulta son case ilimitadas nas diferentes páxinas  en liña de librerías, editoriais, bibliotecas, etc.Por exemplo a rede de bibliotecas de Galicia a través do Proxecto Meiga que serve de soporte á maioría da rede pública de bibliotecas da Comunidade Autónoma. Como diciamos no formato en papel que se distribúe entre a comunidade educativa do Ies do Castro: FELICES LECTURAS !

A Asociación de nais e país do alumnado (anpa) DO IES O CASTRO CONVOCA O

III CONCURSO DE FELICITACIÓNS DE NADAL´09

a) FELICITACIÓNS INFORMATIZADAS (en powerpoint, flash, …)
b) FELICITACIÓNS TRADICIONAIS (formato papel)

2 CATEGORÍAS: 1º, 2º, e 3º da ESO 4º da ESO, 1º e 2º BACHARELATO

PREMIOS: 50 € en metálico por modalidade e categoría

Bases:
1. poderanse presentar traballos individual e/ou colectivamente
2. deberán ser traballos orixinais, e en galego
3. nalgún lugar deberá aparecer o nome “IES O Castro de Vigo” (encabezado, pé de páxina, no contido da felicitación, etc.)
4. as felicitacións tradicionais faranse nun formato non superior a 21×14 cm
5. o xurado poderá declarar deserto calquera premio se estima que non se acada un nivel mínimo de calidade ou orixinalidade.
6. os traballos presentados poderán ser expostos nas instalacións do centro e na web do instituto
7. o prazo de presentación dos traballos rematará o 17 de decembro ás 17:00 horas, e o fallo do xurado producirase o dia seguinte.
8. os traballos serán entregados no buzón da ANPA (modalidade B ou disco en modalidade A) e/ou no correo electrónico anpaiesocastro@hotmail.com (so modalidade A), indicando os seguintes datos: nome(s) e apelidos, e curso.
Constituirase un xurado composto por membros da ANPA e do profesorado do Instituto que serán os que decidirán os traballos premiados.

  Redes 11: Así aprendemos a contar (29 min)

O astrónomo Galileo Galilei dixo que “as matemáticas son o alfabeto co cal Deus escribiu o universo” para reflectir que os números están detrás de todas as actividades propiamente humanas: a agricultura, a gandería, a arte e ata a filosofía. Desde o inicio, as matemáticas tiveron unha relación íntima coa vida en comunidade. Naceron a partir de necesidades prácticas como a medida de campos, a administración de rabaños ou a observación dos astros. O uso de números para todos esas actividades fíxose sistemático xa nas primeiras civilizacións.

Joe Dauben, historiador da ciencia do City University de Nova York, é un dos matemáticos que mellor soubo explicar porqué as matemáticas xurdiron para resolver problemas moi concretos e cotiáns da xente e explícalle a Eduard Punset os momentos clave dese desenvolvemento.

Xavier Roqué, físico e historiador da ciencia da Universidade Autónoma de Barcelona, amplía as ideas de Dauben e dános exemplos da aplicación das matemáticas na agricultura. Eduard Resina, director do departamento de teoría, composición e dirección do ESMUC explica como a matemática está detrás da gloria da música e Jaume Serrallonga, arquitecto que traballa no construción do templo da Sacra Familia, en Barcelona, ilustra como Gaudí decantouse polas matemáticas e a xeometría para explicar ás xeracións futuras como poder terminar a construción do templo.

   Emitido en TVE 2    o 14 de setembro de 2008.

• » Comentarios (0)

O Departamento de Tecnoloxía organizou unha visita do alumnado de 2º de Bacharelato á Escola Superior de Enxeñeiros de Minas.  No marco da Semana da Ciencia, a Escola de Minas abriu as súas portas para informar das características da carreira e mostrar as súas instalacións. Nun recorrido perfectamente organizado e acompañados por profesores e alumnado da Escola poidemos ver laboratorios de materiais, explosivos, aulas e tamén fomos termografiados e escaneados como se pode ver nas fotos.

Facer clic na foto para ampliar

Acabáronse as vendimas

e veñen as esfolladas

para comer coas mozas

catro castañas asadas

O primeiro intento de celebración do Magosto, o día doce de novembro, refesta do San Martiño, non foi posible a causa do mal tempo e pola falta de veranciño do mesmo nome. Houbo que agardar unha semana máis, o dezanove, para que con moita puntería se acertase na escolla de tal día en canto ás condicións climatolóxicas que,dito sexa de paso,  non puideron ser mellores.

Os preparativos xa viñan  de quince días antes, -quizais por iso as castañas en vez de secaren o que lles pasou foi humedecérense-,porque cómpre organizarse como se fósemos de cámping: a leña seca e o carbón para armar o lume e  - o máis importante-  as brasas para asalas, as castáñas picadas para que non estoupen, o tixolo, especie de plataforma para colocalas enriba do lume e, o que non é menos importante, a sabedoría das persoas para que todo se resolva segundo o previsto: leña axeitada, pouco fume, punto de cocción e algo de humor.

A xornada ten mudado en canto á organización desde que nos primeiros anos de celebración se realizaba  dentro do recinto escolar, pero ao igual que outras festas relacionadas con ciclos festivos (Entroido, Maios, etc) tamén esta do Magosto se foi  restrinxindo a determinado alumnado, concretamente aos do primeiro ciclo da ESO, desde que nun determinado intre se observou que só participaban os máis cativos e os demais optaban por un lecer malentendido, o de non comer castañas nin deixalas comer.

O lugar escollido cremos que é o ideal, o parque forestal de Beade, porque permite disfrutar dunha xornada en contacto  coa natureza e de respecto con esta, e, ao mesmo tempo, festexar este día ao estilo tradicional comendo castañas asadas e saltando entre os castiñeiros, as cerdeiras, os carballos, algún que outro toxo, xesta ou salgueiro, a maior parte destes xa sen folla ou a punto de quedarse nus.

Os preparativos pasan, como en edicións anteriores, por levar algún material de xogos populares: a chave, a corda, os balóns, pero o que maís os motiva  é o sentimento de liberdade e incluso de aventura nesa paisaxe de bosque autóctono e de tempo outonal.

Os días previos á celebración foron varios carteis informativos os que puxeron ao alumnado en relación co Magosto: coplas, refráns, receitas de cociña que teñen a castaña como elemento principal, así como outros datos relativos á produción e transformación do produto homenaxeado.Falouse de que a castaña foi moi importante na alimentación dos nosos antepasados mentres non chegou o millo e as patacas de América, que  actualmente se aproveita para usos máis sofisticados na elaboración do “marron glacé”(castaña confeitada) ou como complemento para pratos da cociña moderna: xabarín con castañas, e receitas máis tradicionais que teñen a castaña case como base  única: asadas, cocidas, xeralmente con fiúncho e despois acompañadas de leite frío. Incluso alguén apuntaba que era de mal agoiro pisar unha castaña porque iso non ía favorecer os amores ao establecerse unha relación de semellanza entre a castaña e o corazón ou que outros  puidesen  pillar “unha castaña” aínda que fose sen viño.

A xornada foi ben aproveitada, todo se desenvolveu moi rápido: Saír do centro ás 10,40 h, chegar ao Parque sobre as 11,30 e ao pouco tempo xa estaban degustando a primeira fornada  de castañas asadas, pero houbo que repetir ata cinco ou seis veces o ritual de asar porque para saciar a  cento cincuenta comensais había que espabilarse aínda que a leña non axudase moito e houbese que recolectar algunha polo arredor. Cando xa estabamos decididos a voltar ao Instituto algúns deciden iniciar unha aventura montesía e perderse por entre a maleza. Todo quedou nun pequeno susto que se resolveu de contado e que nos permitiu voltar ao Instituto sen novidade e segundo o horario previsto.Houbo algún grupo que mesmo se atreveu a cantar, -1º ESO C- , aínda que o resultado fose abondo pobre pero  prometeron que o próximo ano o ían facer mellor porque xa contaban con antelación coa letra das coplas e con máis tempo para os ensaios.

De entre as coplas que se incluían no repertorio incluímos aquí unha pequena mostra e agardamos que o próxima edición de non ser mellor que non sexa peor.

Naquela banda do río

ten meu pai un castiñeiro,

dá castañas en outono

e uvas no mes de xaneiro

Non chas quero, non chas quero

     castañas do teu magosto,

     non chas qero, non chas quero,

      que me cheiran a chamosco.

Canta cuco, canta cuco,

na galla do castiñeiro,

coa machadiña na man,

aprendendo a carpinteiro.

Non chas quero, non chas quero…

Miña nai dóeme a barriga,

-Miña filla, confesión.

As castañas que comiches

de que castiñeiro son?

Non chas quero, non chas quero…

Moza que estás no canizo,

tira castañas abaixo,

anque non teña mandil,

acádochas co refaixo.

  Non chas quero, non chas quero…