IES do Castro de Vigo

O luns 16 de novembro imos comenzar coa Hora de Ler, Esta actividade está destinada as alumnas e alumnos de 1º e 2º ESO. Enmárcase dentro do Plan Anual da Biblioteca,e o fin primordial é o fomento , a animación á lectura e o aumento da comprensión lectora do noso alumnado.

A primeira hora de lectura comenzará, como ven especificado nos horarios de cada curso , na segunda hora.

 

CLIC NA IMAXE

DESCARGAR HORARIOS

O venres entregáronse os premios do I Concurso de Microrrelatos Xoán Xosé Sande.

Tres dos alumnos premiados

O concurso convocouse para escribir un microrrelato que tivera como comenzo:

“As cousas  podían suceder de calquera outra maneira  e, con todo, sucederon así…”

Tres dos alumn@s premiados: Niobe Alonso , primeiro premio  Bacharelato, Andrea Costas , primeiro premio ESO e Miguel Cruz segundo premio ESO

O terceiro premio de Bacharelato  recaeu en Martima Migliarini , pero foi recollido polo seu irmán

As profesoras e as alumnas e alumno  premiados

PARABÉNS A TODAS E TODOS AS PREMIADAS E OS PREMIADOS

No mes de novembro dende as bibliotecas escolares celebramos a Mes da Ciencia.

Desde a Consellería de Cultura, Educación e Universidade, xunto coa Secretaría Xeral de Política Lingüística, impúlsase a celebración anual do mes de novembro como o MES DA CIENCIA EN GALEGO NAS BIBLIOTECAS.

MANIFESTO MES DA CIENCIA EN GALEGO

O FEITIZO DA CIENCIA

Está en todas partes. Dentro do teu ordenador, no microondas e na neveira da cociña, en todos os medicamentos que tomamos de cando en vez, nos instrumentos de medición que hai nos hospitais, nas lámpadas que dan luz cando marcha o Sol, no motor do coche e do patinete eléctrico… chámase ciencia e é unha das ferramentas máis poderosas que desenvolvemos os seres humanos para tratar de comprender como está organizado e como funciona o mundo. A ciencia non é unha cousa escura que só se fai en complexos laboratorios, senón que, por riba de todo, é unha maneira de pensar, unha actitude para chegar ao coñecemento. Consiste en observar a natureza con paciencia e curiosidade, dun xeito rigoroso e meticuloso, co obxectivo de, pouco a pouco, descubrir os mecanismos que se agochan detrás dunha planta que agroma, dun bebé que comeza a camiñar, dun volcán en erupción ou dun medicamento que elimina a dor de cabeza. O traballo da ciencia pode facerse cun lapis e un papel, anotando o paso de aves migratorias, propoñendo unha hipótese brillante para explicar algún fenómeno da natureza, ou desenvolvendo unha solución matemática para calcular a danza aérea dunha bolboreta. E, por suposto, o traballo da ciencia tamén se fai nas instalacións que hai nos centros de investigación e de ensino, desde as máis simples ata as máis especializadas. En Galicia temos a fortuna de poder facer ciencia de calidade nos laboratorios das universidades e doutros centros de ensino. O importante e botarlle ilusión, paciencia e moita imaxinación. Pero ademais de facer ciencia, todos podemos gozar do traballo, das achegas e das vidas das científicas e dos científicos mergullándonos nos libros. Cada libro é unha viaxe interestelar á mente doutras persoas, ás súas aventuras, penas e alegrías. Nas nosas bibliotecas podemos gozar sen límite con relatos abraiantes sobre o funcionamento do cerebro, a vida das abellas ou a construción dun aeroplano. Cada libro é unha xoia capaz de alimentar e de estimular a mente. E ademais podemos gozalos na nosa lingua, en galego, porque a ciencia fala todos os idiomas, pode emocionar todas as mentes. O mes da ciencia en galego nas bibliotecas é unha oportunidade estupenda para deixarse enfeitizar pola maxia dos libros e do coñecemento que atesouran. Pero, ollo; esta actividade é profundamente aditiva e, sen que un se decate, pode acabar gozando da lectura todos os días do ano.

Xurxo Mariño Alfonso  Profesor, investigador e divulgador científico

CLIC NA IMAXE E DESCARGA O MANIFESTO

Estamos a seleccionar libros de ciencia en galego para que durante este mes podades achegaros a novas lecturas de temática científica tanto divulgativa como de ficción.

No seguinte link  pódese atopar unha recompilación de materiais de ciencia en galego

   MATERIAIS CIENCIA EN GALEGO NAS BIBLIOTECAS

Como todos os anos  o día 24 de outubro celébrase o Día das Bibliotecas, en lembranza da destrucción da  Biblioteca de Saraxevo, incendiada  no ano 1992 durante o conflicto dos Balcanes.

O obxectivo é concienciar á sociedade da importancia da lectura e facer unha homenaxe e recoñecer o seu labor as bibliotecarias e bibliotecarios.

O lema de este ano é ” Biblioteca, sempre ao teu carón”

Hoxe no Día das Bibliotecas como unha biblioteca máis queremos festexar esta data.O verdadeiro sentido da existencia da biblioteca do centro é estar ao carón de toda a comunidade educativa.

A historia da nosa biblioteca é longa  , dende o primeiro día de funcionamento o obxectivo foi estar ao servizo de todos vó

Neste curso apesares da situación  seguimos traballando con ilusión. Somos un equipo formado por sete profesoras que nos recreos levamos adiante o servizo de préstamos pero o noso labor non só se limita a facer estes,dende o inicio do curso traballamos para estar ao carón da nosa comunidade educativa elaborando:

- Instrucións e protocolo de préstamos

-Altas de novas e novos usuarios de biblioteca.

-Colocación nas aulas do protocolo de préstamos.

-Publicación no blogue, na web e nas redes sociais da biblioteca Facebook e Instagram dos protocolos e instrucións

- Listaxes de números de lectores para poñer nas aulas e que ninguén esqueza o seu número de lector.

- Listaxes de cursos e números de lectores para facilitar  o seu labor as profesoras e profesores que realizan os préstamos nas aulas.

-Atención personalizada de préstamos mediante correo electrónico.

-Caixas- buzóns para facilitar as devolucións nas portas de acceso ao centro e na entrada da biblioteca.

Todo sempre seguindo o protocolo COVID .

Intentaremos seguir avanzando para facilitar estes servizos e implementar nestes días outros como a HORA DE LER , comenzar coas recomendacións de lecturas , CLUB DE LECTURA,  actividades de dinamización e concursos.

Bo Día das Bibliotecas e boas lecturas .

Xa temos por fín a resolución do concurso de microrrelatos que fixemos no confinamento.

Deixamos a relación de premiados. Iremos publicando  pouco a pouco no blog os relatos galardonados.

Os premios entregaranse o 6 de novembro . Xa os indicaremos o lugar e a hora da entrega.

PREME NA IMAXE

Se queredes saber se na biblioteca do centro temos o libro que queredes coller en préstamo, seguide os seguintes pasos:

 DESCARGAR PDF 

Como todas e todos sabedes a biblioteca do instituto este curso dadas as circunstancias da pandemia e os protocolos de adaptación dos espacios , vai ofrecer menos horas de atención a todas e todos nós.

Temos  que nos adaptar a esta nova situación e mudar de costumes. Os préstamos , o Club de Lectura, a Hora de Ler  é as actividades da biblioteca, está na nosa intención que sigan a formar parte da nosa actividade .

A partires do luns comezamos  os préstamos en horario de 11:30-12:00

Prestade atención ao protocolo de préstamos