Imprimir este Artigo
Imprimir este Artigo
Un libro alternativo e de balde para as vacacións alternativas
Ofrecido polos seus autores de balde en formato .pdf
http://www.vnavarro.org/wp-content/uploads/2011/10/hayalternativas.pdf
(Ligazón cortesía do Prof. Torrado)
Boas vacacións!
Imprimir este Artigo
Tratado Internacional de Comercio de Armas, charla de Pilar Requena
O pasado día 14 de maio, a periodista PILAR REQUENA, estivo no noso centro con alumnado de 1º de Bacharelato. A charla inscríbese na Campaña por un Tratado Internacional de Comercio de Armas (TAC) promovida por A.I.
Pilar Requena é periodista de En Portada (RTVE) e foi Premio de Periodismo Europeo ‘Salvador de Madariaga’ no ano 2007, ocasión na que o xurado resaltou a súa ‘capacidade para convertir en comprensibles para o grande público ideas complexas sobre asunto que o espectador, en ocasións, pode considerar alonxadas do seu interese máis próximo’.
Amnistía Internacional pide un tratado sólido sobre o comercio de armas que asegure que non se autorizarán transferencias de armas cando haxa risco sustancial de que seren utilizadas para cometer ou facilitar violacións de dereitos humanos. Está previsto que este tratado se negocie na ONU do 2 ao 27 de xullo de 2012.
Nas fotos, Pilar Requena e parte do alumnado asistente
Como informaron Faro de Vigo e outros medios , esa mesma tarde a periodista pronunciou unha conferencia sobre esta temática no Centro Socio-cultural Novacaixagalicia:
http://www.atlantico.net/noticia/199188/amnistia/apoyo/tratado/armas/
As fotos e vídeos desa conferencia, con Pilar Requena máis o activista de A.I. Alberto Estévez pódense ver neste vínculo
http://www.facebook.com/amnistiavigo
Imprimir este Artigo
Voluntariado de xestión e dinamización da biblioteca
Coa colaboración da coordinadora da biblioteca e profesorado do equipo de xestión, este é un dos proxectos CAS que está tendo máis éxito e mellor funcionamento: neste curso houbo 6 persoas voluntarias de BI e unha de ESO. O alumnado recibe formación específica para ter a capacidade de realizar unha serie de tarefas na biblioteca. Con frecuencia colabora tamén na organización de ‘celebracións’ varias relacionadas coa temática CAS. A raíz da súa participación se ten creado na biblioteca unha sección sobre D.D.H.H. que contén vídeos e libros.
Nas fotos pódese observar o equipo de traballo de CAS de 1º e 2º de Bacharelato ‘en acción’, o ambiente de traballo na biblioteca e grupos de alumnado creando un panel sobre os DDHH.
Imprimir este Artigo
Imprimir este Artigo
Recepción alumnado 6º Primaria
O alumnado de 6º de Primaria do CEIP Dr Fleming visitou hoxe o IES do Castro acompañado dos seus titores/as.
O alumnado CAS de 1º de Bacharelato diseñou e dirixiu unha serie de actividades lúdicas co obxectivo de dar a coñecer as instalacións do centro e parte do seu profesorado para facilitar a integración dos novos alumnos e alumnas no curso 2012-13.
Nas fotos algúns momentos do recorrido ‘en busca de pistas’ e das outras actividades.
Imprimir este Artigo
Campaña de Divulgación, OMBÚ=ÁRBORE SENLLEIRA
No IES do Castro estamos levando a cabo unha campaña de divulgación ou concienciación entre a comunidade escolar. O obxetivo final é solicitar que o Ombú do noso xardín pase a estar no Catálogo de “árbores senlleiras” de Galicia, da Consellería de Medioambiente e Medio Rural.
Este catálogo inclúe as árbores ou as formacións de calquera especie, tanto autóctona como foránea, situadas en terreos de propiedade pública ou privada, que sexan ‘merecedoras de medidas específicas de protección en atención ás excepcionais características do seu porte, dendrometría, idade, rareza, significación histórica ou cultural, interese científico, educativo, estético, paisaxístico ou calquera outra circunstancia que as faga merecentes dunha especial protección’ (Decreto 67/2007, do 22 de marzo de 2007, DOG 74). A finalidade do catálogo é ‘protexelos de posibles riscos e ameazas, garantindo a súa conservación’
Neste momento, a táboa recolle 147 árbores e 31 conxuntos. Algunhas especies senlleiras de Vigo son a Camellia japonica (Matusalén de Camelias do Pazo de Castrelos), Casuarina equisetifolia (Casuarina da Alameda da Praza de Compostela), Eucalyptus globulus ( Eucaliptos do Pazo de Castrelos), Fagus sylvatica (Faias do Pazo de Castrelos), Liriodendron tulipifera (Tulipeiro de Virxinia do Pazo de Castrelos) e Olea europaea (Oliveira do Paseo de Alfonso XII).
Arredor deste 5 de xuño, día do Medioambiente recolleremos sinaturas entre a comunidade escolar.
Tamén queremos protección para o noso Ombú.
Axúdanos a que o Ombú se sume a lista!
Alumnado Axenda 21
IES do Castro, Vigo
Máis fotos e algunha información nun blog en construcción
http://castrogalego.blogspot.com.es/
Imprimir este Artigo