IES do Castro de Vigo

[Clique na imaxe para vela a tamaño 1:1]

O alumnado das SSBB de 3º ESO estivo traballando dende o comezo de curso nun proxecto interdisciplinar (nas materias de inglés e Plástica e Visual) de investigación sobre as mulleres que deixaron a súa pegada nas disciplinas STEM e que remata coa exposición dos seus carteis e posters co gallo do Día da Muller.

Parabéns a todo o alumnado participante e ao profesor de Plástica e Visual, Fran Jaraba.

ADMISIÓN DE ALUMNADO NO CURSO 2022/2023

• PRESENTACIÓN DE SOLICITUDES:

Prazo: do 1 ao 21 de Marzo.

Presentación:

• De forma presencial, en papel na secretaría do centro escollido no primeiro lugar.
• A través da aplicación de admisión de alumnado (clic a aquí para acceder) con CHAVE 365 ou certificado dixital.
• Sede electrónica da Xunta de Galicia (CÓDIGO DO PROCEDEMENTO ED550B)

• RECOLLIDA DO IMPRESO E PRESENTACIÓN NO CENTRO:

A partir do luns día 1 na secretaría do centro:

1. O día 1 e 2 de Febreiro no horario de 9:30 a 1:00h
2. A partir do día 3 de Febreiro no horario de 9 a 2:00h

Toda a información neste

 informacion-admision-alumnado-2022-2023.pdf

DÍA DE ROSALÍA (23 DE FEBREIRO DE 2022)

Un 23 de febreiro de 1837 nacía Rosalía de Castro en Santiago de Compostela. Lembrando os versos que Curros lle dedicou, unha muller “que tiña na fronte unha estrela e no bico un cantar”.

Por iso, este 23 de febreiro de 2022, a biblioteca do instituto e o EDLG queremos honrar a súa memoria celebrando o seu nacemento. E que mellor maneira de facelo que contribuíndo, como fixo ela, a dignificar o galego e demostrar que é unha lingua tan apta  para a literatura coma calquera outra. E como imos facelo? Pois regalando literatura en galego!

Pero Rosalía son moitas persoas máis. En palabras de María Xesús Lama, autora dunha magnífica biografía da poeta, Rosalía é  “unha rapaza atrevida disposta a construír unha vida independente”, “unha cidadá adulta que reflexiona sobre a sociedade do seu tempo e que aposta por un proxecto de cambio social”, “unha escritora que escribe a pé de rúa”, identificándose co pobo e sufrindo con el, denunciando as inxustizas e os abusos dos poderosos desde unha postura revolucionaria para a época,

Pero tamén é unha escritora consciente do seu talento que reivindica o seu espazo na literatura, os seus dereitos, en contra do machismo dominante. E “que escribe do que non está permitido, o que ninguén espera” nunha muller, como moi ben expresa neste poema de Follas novas:

Daquelas que cantan as pombas i as frores

todos din que teñen alma de muller,

pois eu que n’as canto, Virxe da Paloma,

¿Ai! ¿De que a terei?

En resumo, unha muller libre. Nas súas palabras: Eu son libre. Nada pode conter a marcha dos meus pensamentos, e eles son a lei que rexe o meu destino.

ACTIVIDADES

Dende o EDLG  e a  Biblioteca convócase un concurso de  creatividade  literaria

CONCURSO DE POEMAS  E  MICRORRELATOS

TEMÁTICA  DOS POEMAS  LIBRE

TEMÁTICA DOS MICRORRELATOS:

A-   A CREENZA GALEGA  DOS CORPOS  ABERTOS

B-     UN SUCESO QUE  ACONTEZA NUNHA  BIBLIOTECA

C-  A NATUREZA

LEDE BEN AS NORMAS E MODALIDADES DE PARTICIPACIÓN NO  DO CONCURSO

ANTE CALQUEIRA  DÚBIDA  CONSULTADE COA COORDINADORA  DO  EDLG CRISTINA  NOGUEIRA  OU  BEN CON  CARMEN VILARIÑO

DESCARGAR  PDF 

Toda a información e novidades sobre Orientación académica-profesional en

https://orientadocastro.blogspot.com/