Clique na tablet para ver as Bases e Normas

 

Parabéns de toda a comunidade do IES do Castro á nosa estudante Carmela Cardama que ven de se proclamar campiona de España de Cros na categoría júnior e que ten un presente e un futuro moi brillante na súa carreira deportiva.

As súas declaracións:

http://www.lavozdegalicia.es/noticia/vigodeportes/2014/03/18/cros-sintome-mellor-pareceme-mais-divertido/0003_201403V18C10991.htm

O IES DO CASTRO anuncia a convocatoria de prazas para cursar o próximo ano o primeiro curso do Bacharelato Internacional no seu Centro nas modalidades de Ciencias Sociais e de Ciencias e Tecnoloxía.

O número de prazas ofertadas é de 26 e poderán optar a elas todos os alumnos e alumnas que o desexen sen máis requisito que ter aprobado en xuño o 4º curso do Ensino Secundario Obrigatorio (ESO).

A adxudicación de prazas, competencia do Consello Escolar do Centro, terá en conta so o expediente dos alumnos nos catro cursos da ESO, por tratarse dunha modalidade de Bacharelato única na Provincia.

O prazo para solicitar praza estará aberto a partir do 14 de marzo ata o 15 de xuño e se fará mediante a folla de inscrición que se acompaña abaixo ou se poderá recoller no Centro a partir da primeira data sinalada. A entrega da documentación será na Secretaría do Centro ou ben por correo electrónico na dirección castroibo@gmail.com, esta última con plena validez legal.

A primeiros do mes de xuño convocarase unha reunión informativa con todos os interesados para dar conta das características máis importantes desta modalidade de Bacharelato.

A resolución da convocatoria será publicada nesta páxina e no taboleiro oficial do Centro na derradeira semana do mes de xuño.

En todo caso, para ampliar a información, pódese consultar o tríptico publicado máis abaixo ou a páxina oficial da Organización do Bacharelato Internacional:  http://www.ibo.org/es/. Ademáis, é conveniente que os interesados pidan unha entrevista co coordinador do Bacharelato Internacional (na conserxería do Centro ou vía correo electrónico: castroibo@gmail.com)

Vigo, 13 de marzo de 2014.

Tríptico

Formulario de solicitude de  praza

solicitude_praza_2014_2015_bacharelato_internacional.pdf 

 http://centros.edu.xunta.es/iesdocastro/?page_id=3196