IES do Castro de Vigo

O día 18 de xuño, véspera do remate das clases, e nun ambiente de certo nerviosismo polo momento en que coincidiu coa celebración dalgunhas probas finais, entregáronse os galardóns que, resultaron gañadores no concurso “O monte é a nosa vida,axúdanos a coidalo” convocados pola asociación Confemadera-hábitat

.

Os premiados, entre eles Raquel e Olimpio, cos diplomas e autoridades

Unha das razóns pola cal o centro foi escollido para tal evento foi que un dos traballos presentado a concurso polo Ies do Castro foi premiado na categoría de traballo colectivo na modalidade de fotografía. O resto dos galardóns recolléronos alumnos de diferentes centros de Galicia (Ferrol, Guntín, Coristanco e Vigo), e ditos premios foron entregados polo Xefe territorial de Educación, César Pérez Ares, o Presidente da comunidade  de montes en man común de San Salvador de Coruxo, Antonio Ocampo,e o Presidente da asociación convocante, Elier Ojea.

Unha das andainas por Fragoselo entre coníferas e caducifolias

O traballo premiado, aínda que foi o alumnado de 2º da ESO-A o que dun xeito máis directo participou do acontecemento e se responsabilizou de ordenar todo o material, e foron eles os encargados de recibir o cheque por valor de 300 € do primeiro galardón  e o diploma, en realidade o premio o que vén é a recoñecer o traballo realizado ao longo destes últimos  anos polo profesorado e alumnado  en colaboración coa Comunidade de montes de Coruxo-Fragoselo.

O duro traballo dará os seus froitos

O concurso, que anualmente convoca dita asociación de empresas da madeira e que ten uns materiais didácticos moi interesantes na súa páxina web para traballar co alumnado, xira arredor da importancia que debemos darlle aos montes en Galicia e poñer en valor o patrimonio material e inmaterial que podemos obter da súa promoción.Neste sentido, as actividades realizadas,tanto na contorna do centro, o monte do Castro, como na periferia, Beade (magosto) e, sen dúbida, en Fragoselo, son dous exemplos claros nesta liña de actuación. Por iso participamos no concurso e animamos a facelo en convocatorias posteriores.

Os de 1º da ESO, este curso 2014-15, colleron a testemuña

Ponse en coñecemento dos interesados que o próximo mércores día 24 de xuño pola tarde aparecerá nesta páxina a lista de admitidos no Programa do Diploma do Bacharelato Internacional, unha vez rematada a baremación dos expedientes. Tamén aparecerá una lista de espera, para o caso de que algún dos admitidos renuncie á súa plaza.

A convocatoria de acceso aos premios extraordinarios de bacharelato a tedes no seguinte documento:

premios-extraordinarios-de-bacharelato.pdf

XXVI  OLIMPIADA MATEMÁTICA GALEGA  -  ANO 2015 

Isabel Gradaille Gil, alumna de 2º da ESO deste instituto, clasificouse para representar a Galicia na fase final da XXVI Olimpiada Matemática Nacional para alumnas e alumnos de 2º da ESO que este ano se celebrará do 24 ao 28 de xuño en Huesca.

 Parabéns e boa sorte!!!!!!!

No seguinte documento aparece o calendario fin de curso para o alumnado da ESO e 1º de Bacheralato:

calendario-fin-de-curso-alumnado-2014-15.pdf