IES do Castro de Vigo

[Remitido pola Concellería de Política de Benestar Social do Concello de Vigo]

Prácenos informarlles da convocatoria de Axudas Municipais de libros, material escolar e comedor para o curso 2022/2023.

O prazo de solicitude comenza o martes día 12 de xullo e remata o martes día 09 de Agosto.

 Información dispoñible en https://sede.vigo.org/expedientes/avisos/aviso.jsp?id=4716&lang=ga

[Remitido pola Consellería de Cultura, Educación, Formación Profesional e Universidades]

Hoxe, 11 de xullo, publicouse no DOG a ORDE do 29 de xuño de 2022 pola que se convocan os premios de educación secundaria obrigatoria ao esforzo e á superación persoal correspondentes ao curso 2021-2022 (código de procedemento ED311E).

Pode acceder á información desta convocatoria na sede electrónica da Xunta de Galicia (https://sede.xunta.gal), introducindo na caixa de busca o código de procedemento ED311E.

Lémbrase que se as persoas solicitantes son menores de idade, sempre teñen que subscribir a súa solicitude por medio dunha persoa representante e, no caso dos centros que non empregan a aplicación XADE, acreditar dita representación por calquera medio válido en dereito.

Servizo de Avaliación do Sistema Educativo
Subdirección Xeral de Inspección e Avaliación do Sistema Educativo
Dirección Xeral de Ordenación e Innovación Educativa

Consellería de Cultura, Educación, Formación Profesional e Universidades 

• Esta convocatoria de acceso as Probas de Acreditación Lingüística para centros públicos para Alumnado de ESO 4 e Bacharelato é unha iniciativa da Consellería de Educación.
• Non é de oferta obrigatoria polos centros públicos. É unha opción voluntaria que debe partir de acordos do Departamento de Lingua Inglesa.
• O Departamento de Lingua Inglesa deste instituto atópase valorando esta proposta e proximamente decidirá se acepta levala a cabo ou non, o cal será comunicado debidamente.

Información oficial sobre a convocatoria no portal educativo da Consellería de Educación

 

AQUÍ

 e en www.edu.xunta.gal/portal/node/37309

 

INFORMACIÓN ENTREGA DE NOTAS E PRAZOS DE RECLAMACIÓNS XUÑO - 2022

O IES DO CASTRO anuncia a convocatoria de prazas para realizar o primeiro ano do Programa do Diploma do Bacharelato Internacional nas modalidades de Ciencias Sociais e Humanidades e Científico-Técnica, durante o curso académico 2022-2023.

Poderán optar a estas prazas todos os alumnos e alumnas que cumpran os seguintes requisitos:

- Ter aprobado en xuño o 4º curso do Ensino Secundario Obrigatorio (ESO) ou equivalente no estranxeiro.

- Ter cursado na ESO as materias do Programa do Diploma nas que se van matricular (ver máis abaixo segundo modalidade e entendendo que sexan materias propias da ESO) e ter conseguido unha nota mínima de 7 en 4º da ESO en todas elas, e unha media na ESO tamén de 7 ou máis.

A adxudicación de prazas (*) terá en conta o anterior requisito e o expediente do alumnado nos catro cursos da ESO.

O prazo de solicitude estará aberto a partir do xoves 16 ata o mércores 30 de xuño ás 12:00 horas. Realizárase mediante o documento número 2 (impreso solicitude) que haberá que encher e escanear ou fotografiar, e mandar xunto co resto da documentación que indicamos no documento a descargar:

 impreso-solicitude-praza-bacharelato-internacional-2022-ies-do-castro.pdf

FONDOLIBROS, AXUDA LIBROS E AXUDAS MATERIAL ESCOLAR 2022/20233

DOG DO DÍA 18 DE MAIO DE 2022.

ORDE do 29 de abril de 2022 pola que se regula a participación no fondo solidario de libros de texto e se convocan axudas para adquirir libros de texto e material escolar destinadas ao alumnado matriculado en educación primaria, educación secundaria obrigatoria e educación especial en centros docentes sostidos con fondos públicos para o curso escolar 2022/23

PRAZO: Remata o día 22 de xuño de 2022. 

As solicitudes presentaranse preferiblemente por vía electrónica no formulario normalizado (ED330B-anexos I e II) dispoñible na aplicación fondolibros ( https://www.edu.xunta.es/fondolibros ), a través da sede electrónica da Xunta de Galicia, https://sede.xunta.gal

Opcionalmente, poderá presentar as solicitudes presencialmente nos centros docentes ou en calquera dos lugares e rexistros establecidos na normativa reguladora do procedemento administrativo común.