Campionatos de vela
O alumnado de 1º ESO asistiu o pasado mércores 12 de xaneiro a unha charla sobre o deporte da vela impartida por alumnado de CAS. Esta clase ‘especial’ de EF tiña como obxetivo transmitir a importancia dunha vida sana e activa así como colaborar na integración deste alumnado na comunidade educativa, acercándolles neste caso a un maior coñecemento do Bacharelato Internacional e das actividades CAS en particular.
Pablo Ríos e Alejandra Celada –ambos expertos navegantes- estiveron a cargo dunha charla que resultou moi interactiva e interesante, xa que o alumnado de 1º ESO tomou unha actitude moi participativa.
Pablo leva competindo dende o ano 2007. Ten acadado dúas veces o terceiro posto no campionato galego de cadete e o mesmo posto no campionato de España. Na categoría Snipe participou no campionato europeo, entrando no undécimo lugar.
Alejandra leva competindo dende o ano 2005. Foi campiona galega en Optimist en 2008, campiona de España en cadete en 2009-10 e subcampiona de Europa en cadete en 2009.
Na súa presentación amosaron con entusiasmo como a vela pode ser un modo de vida sano e divertido e suliñaron as posibilidades de entrar en contacto con outras persoas e de aprender a traballar en equipo.
Entre outros falaron dos seguintes temas:
-as distintas categorías de vela e as súas características
-como se move un barco contra o vento
-a importancia do exercicio físico
-os distintos tipos de campionatos en vela
Tamén compartiron algunhas experiencias das competicións nas que teñen participado, deixaron entrever a responsabilidade e esforzo necesario, e a aprendizaxe de distintas destrezas a partir da práctica do deporte.
Algunhas fotos da sala de conferencias durante esta charla
Ligazóns de interese:
Imprimir este Artigo