Imprimir este Artigo Imprimir este Artigo

Explorando o proceso da creatividade nas artes plásticas

Publicado o 15 Xuño, 2011 na sección Noticias do Programa do Diploma do BI por Isabel Flores

Texto de SILVIA QUEIRO E MARY DACASA

O pasado Luns día 30 de Maio, o grupo de primeiro de Bacharelato Internacional máis outras alumnas do centro interesadas, acudiron á charla de Loreto Blanco, profesora na Facultade de Belas Artes da Universidade de Vigo, sobre a creatividade.

 

foto1.JPG

Ó principio ensinounos as súas obras no ordenador, dende a súa páxina web, explicounos en que consistían e exemplificou con imaxes. Máis adiante mostrou unha gran proximidade cara a nós cando nos ensinou outras das súas creacións -da serie ‘Pinemas’- pero de forma que as puidéramos tocar e sentilas doutra forma que coa vista.

 

foto2.JPGfoto3.JPG

Ela definiu a creatividade baseándose na súa experiencia e na súa opinión. Para Loreto, a creatividade está relacionada cunha enerxía interna que todo-los seres humanos temos, un potencial creativo que segundo ela necesitamos facer espertar e que supón unha serie de valores internos que van máis alá de todo aquilo relacionado co diñeiro, o poder, etc. A partir desta definición sobre a creatividade, Loreto explicounos como todo-los seus proxectos artísticos se baseaban esencialmente nela.

 

Na súa primeira serie de obras chamada “Puestas de luz” explicounos que o que pretendía era poñer luz nas zonas do noso corpo que están bloqueadas, sen vida, oprimidas. Nun principio non se sentía coa capacidade necesaria para afrontar o proxecto, xa que non tiña experiencia nesta clase de traballos e era algo completamente novo para ela, pero aprendeu a desenvolver potenciais tales como a humildade, a confianza nela mesma e a creatividade. Colleu experiencia suficiente e observou a evolución do seu traballo comparando as primeiras obras coas últimas.

 

foto4.JPG

 

Outra serie de obras das que falou foi de “Quiescentes” coa cal quería representar as inquietudes das persoas, o estado de inexpresión no que nos atopamos cando queremos facer algo pero non podemos debido a diversos motivos. Comparaba esta obra cunha bolboreta: no paso de verme a bolboreta, ós nosos ollos parece que o ser non experimenta ningún cambio, pero é evidente que algo está a pasar aí dentro xa que de un verme pasa a ser unha bolboreta. Outra das súas series da que falou é a chamada “Donde buscamos la luz” coa que pretende representar e darlle significado a cada unha das miradas das persoas que varían dependendo da orientación na que se miran.

 

 

Imprimir este Artigo Imprimir este Artigo

Entrega del premio al mejor periodista juvenil del Concurso Prensa en la Escuela de La Voz de Galicia

Publicado o 7 Xuño, 2011 na sección Zona Alumnado, Actividades, Noticias do Programa do Diploma do BI por Alberte Zato

  La alumna de 2º de Bachillerato Sara Vila Comesaña recibió el pasado sábado día 4 el premio al mejor periodista juvenil del Concurso Prensa en la Escuela de La Voz de Galicia. Mañana, miércoles 8, saldrá en este periódico un amplio reportaje de la entrega de premios, realizada con motivo de la Fiesta Voz Natura, celebrada a lo largo de todo el día en la antigua Universidad Laboral de La Coruña.

sara-coruna-2.jpg sara-coruna-1.jpg

Imprimir este Artigo Imprimir este Artigo

Solidaridade con Xapón, por Leticia López Otero

Publicado o 11 Maio, 2011 na sección Noticias do Programa do Diploma do BI por Isabel Flores

dsc06038red.JPG

 

“O venres 11 de Marzo despertábamos coas imaxes do máis grande terremoto da historia do Xapón, de 8,9 grados na escala Ritcher. O goberno xaponés falaba, a tres semanas do desastre natural, de máis de 11.200 mortos e máis de 16.000 desaparecidos. Mais, co rostro contenido, a poboación nipona enfrontaba un infortunio máis: a segunda catástrofe máis grave da industria nuclear, despois da de Chernóbil ocorrida en 1986. Tratábase dun accidente múltiple na planta nuclear de Fukushima Daiichi, ó nordeste, situada a 250 quilómetros de Tokio, unha metrópole con trinta millóns de habitantes.

 

Ante estas terribles circunstancias, co fin de recadar unha pequena contribución para os damnificados do terremoto e o accidente nuclear de Xapón, e informar a xente da situación na que se atopan, un grupo de alumnas do IES Do Castro decidiu participar os pasados días 26 e 27 de Marzo nas actividades que se levaron a cabo no centro da cidade. Estiveron acompañadas tamén polo alumnado voluntario da Escola Oficial de Idiomas de Vigo e baixo a supervisión de Sayuri Nishimura (Xefa do departamento de xaponés na Escola). 

 dsc06025red.JPG

O noso grupo participou en diversas tarefas, como atender un posto de venta de marcapáxinas, broches, etc. (Todos eles elaborados a man polo propio alumnado da Escola de Idiomas e o grupo do noso instituto); repartir folletos entre as persoas que paseaban pola rúa co fin de que se informasen sobre o acontecido no Xapón e se animasen a recadar fondos xunto connosco; ou incluso crear no chan un debuxo coas moedas do Monte Fuji, o máis importante de Xapón.

 

A pesar do mal tempo que lles coincidiu xusto ese fin de semana, as nosas mozas pasaron dos días do máis entretido e, baixo os paraugas e os soportais, lograron cumprir os seus obxectivos. ¡Chegaron incluso a esgotar todas as existencias dos broches que fabricaran!

 

A experiencia foi realmente grata e todas sentiron que axudaron ós damnificados, aínda que fose cunha pequena colaboración. Unha vez máis o IES Do Castro demostrou que “Pensa globalmente, actúa localmente”, pode converterse nun estilo de vida e con el, axudar a miles de persoas necesitadas.

 dsc06036red.JPG

Hoxe, sabemos que a central nuclear de Fukushima xa atópase de volta baixo control dos técnicos xaponeses e que dende o 6 de Maio pódese acceder o seu interior, grazas a instalación dun sistema de ventilación novo no canto do antigo (Que atopábase danado e fora a causa das fugas nucleares). Non obstante, as cifras dos desaparecidos seguen ascendendo ás 12.000 persoas e a economía xaponesa atópase preto de afundirse. 

 

Os xaponeses continúan a ser un exemplo de solidariedade e civismo en pleno horror. Esperamos que o noso pequeno xesto axude a todas estas persoas. Moita sorte Xapón.”

dsc06032red.JPGdsc06033red.JPGdsc06035red.JPGdsc06043red.JPG

Imprimir este Artigo Imprimir este Artigo

Novas de CAS, maio 2011

Publicado o 3 Maio, 2011 na sección Noticias do Programa do Diploma do BI por Isabel Flores

Os seguintes proxectos, entre outros,  sucederon ou están en marcha este ano. Como a maioría dos proxectos esixen un traballo de grupo son sempre unha excelente ocasión para o desenvolvemento das habilidades sociais do alumnado participante. Tamén contribúen a desenvolver actitudes de compromiso persoal e responsabilidade social. Por outra parte, o feito de sentirse responsables da creación do proxecto ou partícipes de accións máis ou menos públicas, promove a súa autoestima e unha sensación de ter ‘capacidade para influír’ no que sucede ao seu redor, o que retroalimenta a capacidade de actuación.

Voluntariado de integración escolar

O alumnado de 2º de BI recibe e contribúe á integración do alumnado de 1º E cunha serie de actividades dirixidas e libres, nun mini-proxecto de ‘titoría entre iguais’ Segundo á experiencia deste ano, o proxecto merece a pena para o alumnado dos dous grupos:

-o novo alumnado síntese apoiado moralmente, benvido ao centro, coñece o centro e as súas actividades con máis facilidade, e ten un ‘igual’ a quen acudir en casos de pequenas dúbidas de xestión e organización ou desorientación.

-o alumnado de 2º pode desenvolver as súas habilidades sociais nun contexto seguro e expandir o seu sentido da responsabilidade e cooperación, poñéndose no lugar doutra persoa.

Voluntariado de Biblioteca

Este valioso traballo no centro conta co asesoramento da coordinadora da Biblioteca, Carmen Vilariño, e a colaboración do equipo de profesorado correspondente. Durante un recreo á semana, alumnado de CAS axuda nas labores de xestión e organización da biblioteca. Previamente realizaron un breve curso de formación para coñecer o funcionamento do programa MEIGA e outros aspectos da organización.

Nalgunhas ocasións este alumnado tamén colabora na dinamización ou xestión de actividades promovidas desde a Biblioteca. Foi o caso, por exemplo, da contribución á celebración do Día da Paz ou á Semana da Muller.

Nas fotos podemos ver o grupo de voluntariado que realiza estas labores actualmente, así como o grupo que realizou este traballo durante os primeiros meses do curso 2010-11. Todas as persoas relacionadas con este proxecto falan del como un labor enriquecedor e creativo.

Felicitacións para este voluntariado polo seu entusiasmo e adicación á tarefa.

Colaboración con HUMI (Rastrillo de Nadal) / Fundación Mayo Rey (Outlet solidario)

http://www.onghumi.com/

www.fundacionmayorey.org

A finais do mes de decembro, alumnado de CAS e tamén doutros cursos, fundamentalmente 4º ESO colaboraron coas actividades organizadas polas ONGs citadas para recadar fondos para os respectivos proxectos.

En ambos casos, o alumnado asumiu funcións de venta, organización de produtos, empaquetado, etc en xeral con contacto co público asistente e coas persoas voluntarias/ xestoras destas organizacións. O alumnado participante atopou as súas experiencias interesantes e novedosas, valorando as posibilidades de aprender sobre realidades ou ambientes diferentes.

Grupo de AI

Este grupo renovouse coa participación de alumnado de 1º E. No primeiro trimestre participaron nunha campaña contra a pena de morte no propio centro.

No mes de febreiro preparou a conferencia do periodista e director cinematográfico Alberto Arce, que no último momento non se puido celebrar por problemas de tráfico aéreo.

Nos próximos días publicarase un traballo deste grupo, aproveitando a realidade do propio instituto.

Aparte de conseguir obxectivos de concienciación propia e doutro alumnado, relacionados cos D.D.H.H. este grupo brinda a oportunidade de desenvolver a capacidade creativa do alumnado participante de diversos modos.

Campaña Axuda a Xapón

Un grupo de alumnado do IES do Castro –varias persoas de CAS, outras de 1º e 2º de Bacharelato- levou a cabo este proxecto colaborando cunha iniciativa de alumnado da EOI.  Varias destas persoas son alumnas de xaponés nesta escola, e nalgúns casos colaboraron deseñando e producindo marcapáxinas e broches para a súa venda. Tratábase dunha campaña de concienciación e recollida de fondos para enviar a Xapón.

Parte desta actividade tivo lugar na Rúa de Príncipe, como pode verse nestas fotos.

Save the Frog

O proxecto de reciclaxe de papel iniciado pola primeira promoción do BI continúa nas nosas aulas e na biblioteca semana a semana. No primeiro trimestre realizouse unha campaña de divulgación, dirixida especialmente ao alumnado de 1º ciclo.

Últimamente as recollidas véñense facendo cada mércores ao mediodía. As veces a colaboración dalgunhas aulas podería ser mellor, pero globalmente o proxecto é un éxito e unha boa parte do alumnado está a amosar o seu interese pola protección do medioambiente a diario. Pequenos xestos individuais poden sumar moitos kilos e significar moito!

No mes de marzo renovouse o equipo de recollida con novo alumnado de 1º E e do alumnado de O Castro-Axenda 21 de 3º de ESO. Agradeceremos calquera  información sobre posibles fallos, para intentar subsanalos.

Na foto o equipo ao completo diante do logo da Axenda 21

grupo181reducida.JPG

Nestas fotos os equipos en funcionamento.

169reducida.JPG170reducida.JPG170reducida.JPG

174reducida.JPG177reducida.JPG

Mediación

O Equipo de Mediación do centro renovouse este ano coa integración de novo alumnado tanto de CAS como doutros cursos. O alumnado deste equipo ten asistido a cursos de formación -organizados polo Dpto de Orientación- para comprender e practicar as destrezas e habilidades necesarias para actuar cando sexa preciso. Nos taboleiros do instituto poden verse os pósters realizados polo alumnado de CAS coa foto do alumnado do equipo, así como unhas ideas básicas sobre o proceso da mediación.

Aínda que felizmente non é preciso realizar demasiadas mediacións no noso centro, gradualmente vaise instalando a idea de que en caso de conflitos entre iguais é posible acudir á axuda do equipo de mediación, ben a través do Dpto de Orientación, das titorías, etc.

Nesta foto pode verse o equipo de mediación ao que pertence alumnado de diversos cursos da ESO e Bacharelato. Cinco destas persoas corresponden a alumnado CAS.

 mediacioniii20.JPG

Este é o cartel de divulgación do equipo de mediación do centro que está nas aulas.

cartel-mediacion-re15.PNG

Imprimir este Artigo Imprimir este Artigo

Campionatos de vela

Publicado o 19 Xaneiro, 2011 na sección Noticias do Programa do Diploma do BI por Isabel Flores

O alumnado de 1º ESO asistiu o pasado mércores 12 de xaneiro a unha charla sobre o deporte da vela impartida por alumnado de CAS. Esta clase ‘especial’ de EF tiña como obxetivo transmitir a importancia dunha vida sana e activa así como colaborar na integración deste alumnado na comunidade educativa, acercándolles neste caso a un maior coñecemento do Bacharelato Internacional e das actividades CAS en particular.

147-pequena.JPG

(Ler o resto do artigo »)

Imprimir este Artigo Imprimir este Artigo

Becas para Colegios del Mundo

Publicado o 19 Xaneiro, 2011 na sección Noticias do Programa do Diploma do BI por Luis Otero

Colegios del Mundo

La Fundación Comité Español de los Colegios del Mundo Unido convoca un concurso para la adjudicación de  becas para cursar Bachillerato Internacional en los Colegios que tiene la organización a lo largo del mundo. La dotación de las becas, con carácter bienal,  incluye gastos de escolaridad, alojamiento y manutención en los Colegios. La Fundación estudiará en cada caso, con carácter extraordinario, la concesión de ayudas para los viajes.

Desde el mes de noviembre de 201o está abierta la nueva convocatoria para la concesión de las becas de 2011.

Mas información aquí.

Además la FUNDACIÓN BARRIÉ DE LA MAZA convoca becas para alumnado de Galicia para los Colegios del Mundo.

Información  aquí

Imprimir este Artigo Imprimir este Artigo

Con C de creatividade-2010

Publicado o 20 Decembro, 2010 na sección Noticias do Programa do Diploma do BI por Isabel Flores

Charla de creatividade con Román Raña

por Antón Ramil Rodríguez

O mércores día 7 de outubro tivemos a oportunidade de aprender novos xeitos de ser creativos os alumnos e alumnas de 2º de Bacharelato E. Román Raña, profesor de lingua galega do instituto e poeta que publicou varios libros de poesía e que foi gañador de varios certames de poesía moi recoñecidos en Galicia, foi o encargado de mostrarnos unha nova forma de creatividade.

Centrouse principalmente na poesía, campo no que leva anos innovando  e no que inviste tempo e unha boa dose de creatividade para realizar poemas con gran calidade (é un dos poetas galegos da xeración dos 80’s).

Comezou explicando que, dende o seu punto de vista, todo poeta que se considere como tal debe incluír nas súas obras catro ingredientes fundamentais:

-         A metalinguaxe: é imprescindible reflexionar desde a lingua sobre a lingua nos propios poemas.

-         O xogo: o poeta debe xogar cos recursos literarios tales como a metáfora, a ironía etc. É sen dúbida o ingrediente principal, xa que gran parte da creatividade recae nel.

-         A narratividade: os poemas, ás veces, poden contar unha historia. De feito os primeiros poemas, mesopotámicos e chineses, eran narrativos. Isto demostra que se pode referir una historia de maneira poética, engadíndolle á mesma unha beleza expresiva e un ritmo distinto, fruto da creatividade do autor. Un claro exemplo deste tipo de poemas aquí en España  é o “Cantar del Mio Cid” que narra as andanzas do cabaleiro Rodrigo Díaz de Vivar na reconquista do Al- Andalus aos musulmáns.

-         O sentimento: é moi difícil expresar os sentimentos, xa que non son tanxibles nin visibles. Un poeta que se precie debe tratar de expresar o que sente mediante as palabras. Este ingrediente quizais sexa o máis difícil de plasmar nos poemas.

Tras esta explicación leunos catro poemas onde destacaban cada un destes elementos. O ingrediente que estaba presente en todos eles era o xogo. O poema que máis me gustou foi o narrativo, xa que había múltiples referencias culturais e históricas aportándolle ao poema verosimilitude e calidade.

Dende o meu punto de vista creo que foi unha boa experiencia, que nos mostrou outra forma de creatividade, complexa e persoal, pero que dalgún xeito nos pode axudar en futuros proxectos á hora de innovar e ter boas ideas cara ao plantexamento  e a realización dos mesmos.  Para finalizar creo que é preciso dicir que o que sacamos en limpo desta charla é que todo o que facemos ten matices de creatividade achegados por nós.

Na foto o alumnado de 2º E co profesor Román Raña, baixo o coñecido ombú do IES do Castro

roman_ranha_segundo_e.jpg

Related Posts with Thumbnails
Imprimir este Artigo Imprimir este Artigo