IES do Castro de Vigo

A.N.P.A. IES DO CASTRO - CONVOCATORIA XUNTANZA XERAL EXTRAORDINARIA

Mércores 1 de outubro ás 18:30 horas na Sala de Usos Múltiples do IES O Castro.

Orde do día:
1.- Lectura e aprobación, se procede, do acta anterior.
2.- Informe do presidente e o equipo directivo da ANPA.
3.- Actividades extraescolares da ANPA e viaxe da fin de curso de 4º da ESO.
4.- Proposta de renovación da xunta directiva da ANPA.
5.- Proposta de data e orde do día da próxima asemblea xeral da asociación.
6.- Rogos e preguntas.

A reunión é aberta á participación de tódolos pais e nais, aínda que o dereito de voto estará limitado aos socios da ANPA. Os asistentes poderanse asociar persoalmente na asemblea, cubrindo a ficha da asociación adxunta e pagando o importe en efectivo (pregamos levedes o importe exacto da cuota (= 6 €/familia/curso)). Tamén vos podedes asociar enviando a ficha cuberta mediante vosa/o filla/o e axuntando os 6 € da cuota, ou recibo de ingreso no noso banco (ollo, temos NOVA CONTA!), nun sobre ben pechado ao buzón da ANPA no IES.

convocatoria_xuntanza_xeral_extra_outubro.pdf

ficha_anpa.pdf

Clíquese na imaxe para vela a tamaño 1:1

Clique para agrandar a tamaño 1:1

▼▼▼▼▼▼▼▼▼▼▼▼▼▼

▲▲▲▲▲▲▲▲▲▲▲▲▲▲

Véxase tamén

Regulamento TROCA-LIBROS da ANPA do IES do Castro

O pasado día 26 de xuño do 2013 o Consello Escolar do IES do Castro aprobou o Protocolo de Uso de TIC no instituto, despois da súa aprobación previa polo Claustro, estando xa pois en vigor.

Ofrécese aquí o texto do mesmo a toda a comunidade escolar para o seu coñecemento e observación.

protocolo_de_uso_das_tics_no_ies_do_castro.pdf

O Regulamento do troca-libros está no seguinte PDF:

Regulamento Troca-libros da ANPA do IES do Castro

NOTA AOS PAIS/NAIS E AOS ALUMNOS/AS DO IES dende a ANPA IES DO CASTRO

Sexas ou non socio da ANPA, se queredes participar no banco de libros de texto do IES, as datas definitivas son as seguintes:

Período para doar e traer os libros ao IES : XOVES 27 de XUÑO, das 10:30 ás 12:00 e das 17:30 ás 19:00; e o VENRES 28 de XUÑO, das 10:30 ás 12:00.

Período para recoller os libros : MÉRCORES 3 de XULLO, das 10:30 ás 12:00 e das 17:30 ás 19:00; e XOVES 4 de XULLO, das 10:30 ás 12:30.

Se queres participar coma voluntario/a na organización disto, envíanos un email ao buzón da ANPA anpaiesdocastro@hotmail.com. Podes encontrar as normas na web do IES.

FOLGA NO SECTOR DO ENSINO. A FOLGA DAS FAMILIAS. XOVES 9 DE MAIO

A ANPA do IES do CASTRO acordou seguir a convocatoria de folga da Plataforma Galega en Defensa do Ensino Público para o día 9 de Maio. A folga é unha protesta contra dos recortes na Educación e contra do anteproxecto de reforma educativa -a LOMCE-, que nos fai retroceder décadas no acadado con tanto esforzo. Rexeitamos a LOMCE porque é un anteproxecto de lei que reproduce un sistema xerárquico e empresarial para o funcionamento dos centros, e dificulta o acceso das clases populares á educación, impoñendo unha educación baseada fundamentalmente na competitividade, afondando a exclusión social e a desigualdade, e desprezando o ensino equitativo, inclusivo e integral, cuxo obxectivo principal debe ser a formación de persoas críticas e responsábeis. Unha lei ao servizo da patronal do ensino privado concertado e da mercantilización da educación que confirma os actuais concertos educativos, e legaliza os centros que segregan alumnado por razón de sexo. Unha lei que deixa ao Consello Escolar sen atribucións decisorias, e ás familias un mero papel de tertulianos nun órgano onde un director imposto toma as decisións.

As ANPAs do IES do Castro, Fleming e Villalaura faremos o xoves unha marcha, xa autorizada pola Delegación do Goberno. Nos congregaremos na Praza do Fleming ás 10:30, para partires en grupo e con pancartas ata o IES do Castro, e logo cara á Praza de España para chegar alí ás 11:30, hora da manifestación Xeral.

Invitamos a tódolas nais, país, profesores e alumn@s que compartan as nosas preocupacións e vaian á folga, a sumarse a esta marcha conxunta dos tres centros que é a marcha de tod@s, e vir xunto con nós á Manifestación Xeral da Praza de España.

Ante a publicación no DOG do día de hoxe da Orde do 18 de marzo de 2013, pola que se convocan axudas para a realización de actividades de formación en linguas estranxeiras no ano 2013, destinadas ao alumnado dos centros docentes sostidos con fondos públicos, en réxime de concorrencia competitiva, xúntase cartel informativo desta convocatoria, co rogo da súa difusión entre o alumnado posible beneficiario destas axudas.

O prazo de presentación de solicitudes comeza o día 23 de marzo e remata o día 22 de abril.

A información sobre este programa, así como a aplicación “en liña” que se refire na convocatoria, atoparase na páxina web http://www.edu.xunta.es/axudasle.

Sinálase que, no caso dos centros concertados, en educación secundaria obrigatoria as certificacións serán asinadas polo director ou directora do centro educativo co visto e prace da inspección educativa, e no caso das ensinanzas de bacharelato e de formación profesional, as certificacións asinaraas o secretario ou secretaria do centro público no que se atope o expediente académico e co visto e prace do director ou directora dese centro.

Santiago de Compostela, 22 de marzo de 2013

O Subdirector Xeral de Ordenación e Innovación Educativa e Formación do Profesorado,

Manuel Vila López

Cartel informativo en pdf

 

https://www.edu.xunta.es/axudaplicacion/files/axudasle/CARTEL%202013.pdf