IES do Castro de Vigo

 Para velo a toda pantalla, con posibilidade de impresión, clique no documento. Pulse ESC para saír.

Tamén pódese descargar dende

Instruccións de visionado: Clíque sucesivamente nas frechas de avance de páxina para ver o seu contido, ou deixe a presentación automática temporizada.  Tamén pode clicar por enriba da presentación para avanzar. Para vela a pantalla completa, clique na icona ‘Full Screen’ ao pe da mesma: pulse ESC para saír da pantalla completa.

Pódese descargar o arquivo orixinal de Powerpoint dende

Un grupo de alumnas e alumnos de CAS, que tamén son deportistas con experiencia en competicións de diverso ámbito, falaron para o alumnado de 2º ESO na sala de conferencias do centro, o pasado día 27 de maio. A actividade consistiu nunha presentación oral con soporte dixital sobre os deportes que practican cada unha destas persoas, como e onde practicalos,  os valores que reforzan, as vantaxes que lles reportan … Entre os seus obxetivos estaban a difusión do deporte e a concienciación a outras persoas da importancia da vida activa e sana.

Na foto podemos ver o inicio da charla, con explicación do que é o BI, as actividades CAS e o tipo de proxectos a realizar nas mesmas …

Nestas fotos podemos ver ao público asistente

O equipo CAS que levou adiante este proxecto está constituído polas seguintes persoas

Algúns momentos das presentacións
Desgraciadamente, certas dificultades organizativas e de disciplina desluciron o acto e impediron que o alumnado escoitara as intervencións de Beatriz e Sara.

A actividade incidiu na mellora da capacidade comunicativa do alumnado organizador, entre outras vantaxes. A dificultade da presentación a un público ‘non interesado’ inicialmente, convertíuse no maior desafío, que lograron solventar en boa medida. A experiencia foi en xeral positiva, xa que lles permitiu enfrentarse a situacións inesperadas e autoafirmarse na súa capacidade e coñecementos sobre os temas tratados. Estas son as presentacións ‘Powerpoint’ que cada persoa preparou sobre cada un dos deportes que practica:

Instruccións de visionado: Clíque sucesivamente nas frechas de avance de páxina para ver o seu contido. Tamén pode clicar por enriba da presentación para avanzar. Para vela a pantalla completa, clique na icona ‘Full Screen’ ao pe da mesma: pulse ESC para saír da pantalla completa.

Atletismo

Baloncesto

Golf

Tenis e Natación

Triatlón

Vela

Unha espléndida actividade CAS remata con éxito:

Equipos finalistas e árbitros

 O espíritu de servizo a comunidade do alumnado CAS queda especialmente reflexado neste proxecto que se logrou manter ao longo de varios meses, o que permitiu a este alumnado desenvolver e practicar a súas capacidades en relación á súa autonomía, constancia,  disciplina e compromiso.

Asesoradas polo Departamento de E.F., catro persoas de 1º E (María Bragado Paz, Bran López Luengo, Jaime Díaz Trigo e Verónica Poza Nogueira) formaron o equipo CAS que deseñou e xestionou a I Liga Interna de Baloncesto para 1º, 2º e 3º da ESO celebrada durante este curso académico. En distintos momentos do proxecto, este grupo inicial contou coa colaboración desinteresada de varias outras persoas. O noso agradecemento.

Na final celebrada o pasado venres 29 de maio, o equipo ‘CB do Castro’ resultou gañador frente ao outro equipo finalista, o ‘Carlos’.

A entrega de premios terá lugar o próximo venres día 5 ás 11:30.

A través deste tipo de actividades, autoiniciadas e autogestionadas, o alumnado do BI desenvolve novas habilidades na línea da escoita activa, a capacidade de diálogo e convivencia,  e tamén pon a proba e desenvolve a súa capacidade estratéxica e organizativa.

Máis fotos da xornada: o público, a mesa, diferentes xogadas:

“… chegado habrá estonces o maio que eu quero”

(Manuel Curros Enríquez) 

No mes por excelencia de celebración especial das Letras Galegas festexamos conxuntamente as palabras e as tradicións. Con entusiasmo o alumnado participante xogou ás palabras emparelladas buscando casar a súa definición coa palabra que alguén (non se sabía quen) debía ter. Outros grupos rastrexaron na procura da solución ás adiviñas ou en completar refráns ou cantigas populares, nunha especie de GPS da lingua. O alumnado de Tecnoloxía preparou o Maio ao que grupos de alumnos, con máis entusiasmo que algúns profesores, dedicaron as súa coplas incisivas, cargadas de ironía. Os xogos populares acompañaron parte da celebración que culminou co recoñecemento a aqueles alumnos e alumnas que durante o curso participaron no concurso de relatos breves, escolmando entre os premiados os mellores dos mellores. E presidindo todo a exposición de carteis nas que se fai un percorrido pola vía e a obra de Ramón Piñeiro quen hai anos dicía: “ Unha das causas máis importantes da apatía social do noso pobo, do escepticismo cara ás iniciativas colectivas, do ensimismamento resignado que con tanta frecuencia se lle reprocha, é mesmamente esa tremenda fractura entre a conciencia emotiva e a ignorancia intelectual que historicamente se lle impuxo á nosa personalidade colectiva. Compréndese xa que logo, que unha das necesidades máis urxentes cara ao futuro do noso país é o recobrarmos a plenitude consciente da nosa personalidade. Necesitamos acadar o coñecemento intelectual da nosa realidade e das súas posibilidades de desenvolvemento, porque só así poderemos actuar adecuadamente como galegos. Non chegaremos a asumir plenamente a nosa identidade colectiva mentres continuemos apoiándonos exclusivamente no plano da vivencia emotiva con ausencia do coñecemento intelectual da nosa realidade en tódalas súas dimensións, que inclúen necesariamente o pasado, o presente e o futuro de Galicia”. Para quen que, como Ramón Piñeiro, non lle pon datas  á lingua e cultura galegas, sempre as incluirá  “no pasado, no presente e no futuro de Galicia”.

De Rosalía de Castro (1837-1885) a Ramón Piñeiro (1915-1990)

Diciamos no Cartafol anterior con respecto á celebración do Día do libro que se tiñamos que citar  algún nome con proxección universal dentro das Letras Galegas, indudablemente ese era o de Rosalía. Nesta ocasión é obrigado facer mención á súa obra polo significado que ten como primeira poeta homenaxeada no día escollido pola RAG para recoñecer o seu labor a prol da lingua galega no xa ben lonxano 1963. Imos xa pola cuadraxésima sétima edición das Letras Galegas, mais non parece que esa suposta madurez se vexa reflectida nunha estabilidade, modernidade e normalización da lingua e das artes en xeral.  Nesta edición é obxecto de homenaxe RAMÓN PIÑEIRO, unha persoa que conecta en boa medida coa obra de Rosalía, porque  foi un dos pensadores e ensaístas que  adicou parte da súa andaina e das súas reflexións a  discernir algúns dos temas máis complexos da autora (A saudade en Rosalía, Filosofía da saudade, Significado metafísico da saudade, A lingoaxe e as lingoas, etc)  A RAG dixit:Os seus traballos sobre pensamento e filosofía […] supuxeron no seu momento un paso decisivo na normalización do galego como lingua con capacidade para expresarse en todos os campos do saber, superando a súa cualificación como lingua “rural e poética” na que a tiñan encadrada moitos intelectuais españois da posguerra. — 

BREVES:

SEMANA DAS LETRAS GALEGAS E DOS MAIOS:

Como  xa é tradición neste mes de Maio celébranse conxuntamente o Día das Letras galegas e o dos Maios. Nesta ocasión con algo de retraso, pero en todo caso sen renunciar aos bos costumes. As últimas horas da mañá  do venres 22 serviron para varias cousas, entre elas a interpretación dalgunhas coplas por parte do alumnado e para disputar algún partido de fútbol sala ou disputar un torneo de Chave. As coplas nesta edición foron escasas e a estrutura tampouco estivo moi  traballada, pero, en todo caso serviu para reafirmármonos un ano máis neste tipo de eventos.

O DÍA DO LIBRO E O CLUB DE LECTURA

 A presentación das novidades da Biblioteca nun lugar máis visible serviu de estímulo para incorporar novos ou fidelizar a vellos lectores. O libro máis solicitado foi o dos Récords, e, a curta distancia a narrativa de S. Larson coa triloxía de Millenium ou de S. Meyer e de M. Rivas. Algúns xa están  a preguntar cando vai recibirse a última  entrega da saga: La reina en el palacio de las corrientes de aire

Con motivo deste día O Club de lectura repartiu entre os lectores a camiseta oficial e informou sobre as actividades do mesmo. Así, no que vai de curso téñense posto en común tres obras: O único que queda é o amor de A. Fernández Paz, Paraíso inhabitado de Ana Mª Matute e La joven de azul jacinto de S. Vreeland.

ENTRE NÓS

Esta sección do boletín serve para informar daquelas persoas que ao longo  do curso teñen participado con nós na presentación dalgunha obra súa. Así, no que levamos andado, e froito da colaboración de editoriais e os departamentos de Lingua galega e castelá, puidemos escoitar de primeira man as opinións de J. Gisbert, O Leo de Matamá ou a M. A. Murado.

NOVIDADES BIBLIOGRÁFICAS

Así como no boletín anterior predominaban as novidades en castelán, nesta ocasión e por tratarse do mes de Maio, déuselle preferencia ás de lingua galega, aínda que non con carácter exclusivo, nin nun caso nin outro.

R. Piñeiro: Filosofía da saudade. Edit. Galaxia             Beatriz G: Vda e obra de R. Piñeiro: Galaxia

R. Villar: A praia dos afogados. Galaxia                        Varias: Tres mulleres galegas de armas tomar. Baía.

X.L. Méndez Ferrín: Consultorio dos nomes e dos apelidos galegos. Xerais.

J. Viale M: Negra sombra! Negra sombra. Consorcio editorial

X.Ríos Paredes: Galicia solidaria. Xerais

C.G. Reigosa: Laxeiro por si mesmo. Xerais

Varios: Plantas medicinais de Galiza; As montañas de Galiza; A Galiza castrexa; Auga e pedra; A costa de Galiza : A Nosa terra.

A.Lois Leiro: Galiza, camiño do sol .A nosa terra.

OUTROS:

S. Thorpe: Pensar como Einstein. Booket

P.Giordano: La soledad  de los números primos. Salamandra

M.Kaku: Física de lo imposible. Debate

F.M. Serra: Diccionario de mineralogía en el mundo clásico. Ellago ediciones.

S. Weinberr: Los tres primeros minutos del niverso. Alianza

T.Konstant: Técnicas de lectura rápida. Booket

H.Reeves: Crónica de los átomos y de las galaxias. Alianza

M.D. Davis: La teoría de los juegos. Alianza.

REVISTAS DE PERIODICIDADE MENSUAL COMO SUBSCRIPTORES: National Geogrphic; PC Today; Muy interesante e Historia.

DVDs: Hai un fondo importante de materiais en soporte audiovisual que se poden levar en préstamo ou visionar na propia Biblioteca.

ADVERTENCIA: Todas estas iniciativas son froito do traballo dun grupo de profesorado involucrado na posta a punto da Biblioteca. Non nos cansaremos de repetir que é moi importante que todas as persoas que integramos a comunidade educativa do centro, deberían facernos chegar propostas de traballo ou de adquisicións de materiais que pola razón que sexa non nos resultan coñecidos.

Un díptico con información semellante a esta foi publicado na Semana das Letras Galegas, o cal implementamos neste artigo para a súa visión directa…

Para ve-lo Díptico a toda pantalla clique en calquera páxina do documento. Para aumentar o seu tamaño de visionado, volva a clicar na pantalla. Para saír de pantalla completa, prema na tecla ESC.

(Implementación de Alberte Zato).

Coma oferta da semana, a editorial Ir Indo ofrece a descarga gratuita en forma de arquivo do libro de Bieito Ledo ‘Aconteceres’. Aproveite esta oportunidade.

http://www.tendacultura.com/tendacultura/Html/oferta_semana.htm

• » Comentarios (0)