Exposición: Concurso ” Elabora o teu libro “

Publicado o 18 Abril, 2010 na sección Biblioteca por Carmen Vilariño Agras

 

pulpo-bilioteca.jpg

   EXPOSICIÓN E VOTACIÓN

CONCURSO

“ELABORA O TEU LIBRO”

Na biblioteca do centro estanse a expoñer os libros elaborados polo alumnado que participou nesta convocatoria feita pola biblioteca do IES do Castro.

Ábrese o periodo de votacións.

Dúas son as categorias nas que participan os libros dos nosos ” artesáns-libreiros “:

 - O libro máis ecolóxico

 - O libro máis orixinal ou elaborado.

Tócanos a nós,a comunidade educativa (profesorado, alumnado e persoal de administración ), premiar o esforzo e orixinalidade dos participantes.

Votacións:

Do 19 ao 21 de abril podedes votar na biblioteca . A vosa disposición haberá unhas papeletas onde anotaredes o número do libro que consideredes máis elaborado e o máis ecolóxico.

Ánimo e a votar.

O esforzo dos participantes merece o voso voto.

 Entrega de premios do Concurso de Marcapáxinas e do Concurso ” Elabora o teu libro “:

23 DE ABRIL DÍA DO LIBRO

Graciñas anticipadas pola vosa colaboración.

Imprimir este Artigo Imprimir este Artigo

PREMIOS CONCURSO MARCAPÁXINAS

Publicado o 16 Abril, 2010 na sección Biblioteca por Alberte Zato

marcapaginas.jpgpulpo-bilioteca.jpg

 

O XURADO DO  CONCURSO DE MARCAPÁXINAS OTORGOU NO DÍA DE HOXE OS SEGUINTES PREMIOS: 

1º PREMIO :  “ Saiz”: Irina Rial García 2º Bac D

2º PREMIO:  “ Edmond Dantés”: Álvaro Martín Morán 3º ESO A

3º PREMIO: Mateo González Cid    1º ESO C 

Os alumnos e alumnas premiados teñen que pasar pola biblioteca o próximo luns.                  

Vigo 16 - 04- 2010

Imprimir este Artigo Imprimir este Artigo

Novidades en Dvd

Publicado o 7 Abril, 2010 na sección Club de lectura, Biblioteca por Carmen Vilariño Agras

Últimos títulos adquiridos pola biblioteca na sección DVD

                                     

        Luna Nueva a segunda película da saga Crepúsculo .

                                  agora.jpg

Siglo IV Exipto  baixo o Imperio Romano. As loitas relixiosas nas rúas de Alexandria provocan a destrucción da súa biblioteca. Atrapada nela a astrónoma Hipatía loita por salvar a sabedoria do Mundo Antigo.

                                  300-gimp.jpg    

A moi afamada xesta do rei Leónidas e os trescentos espartanos que morreron nas Termópilas para frear o avanze das tropas do Gran Rei de Persia Xerxes.     

                                  gladiator.jpg  

A historia dun xeneral romano que por avatares do destino convértese nun gladiador. Máximo Décimo Meridio, o hispano, busca vinganza e a súa última misión é vingar a morte do seu emperador Marco Aurelio e o asasinato  da súa propia familia. A película conta cunha fermosa banda sonora.

                                 3-en-1.jpg 

Tres películas musicais no mesmo pack: Dreams girls, Grease e Saturday Night fever.

OUTRAS NOVIDADES EN DVD :

Harry Potter e a Orde do Fenix.

A isla.

The wonders.

Thirtheen 13.

A volta ao mundo en oitenta días.

Lembrade que todos estes Dvds pódense coller na biblioteca como emprésito.

   .

Imprimir este Artigo Imprimir este Artigo

A historia do número 1 (vídeo)

Publicado o 2 Abril, 2010 na sección Matemáticas por Ramón

logo-matematicas.png  La historia del número 1 en vimeo-logo.gif.

one.png

Documental dirixido e producido por Nick Murphy,
presentada por Terry Jones en 2005 para a BBC.
A historia do número un é a historia da civilización occidental.
Historia das matemáticas explicada de forma amena e divertida.

Imprimir este Artigo Imprimir este Artigo

Recoñecemento

Publicado o 27 Marzo, 2010 na sección Zona Alumnado por Luis Otero

Entrega do Premio ó mellor expediente na E.S.O. Gabriel Quintairos.

Faro de Vigo

Premios

Imprimir este Artigo Imprimir este Artigo

NOVIDADES NA BIBLIOTECA PRIMAVERA 2010

Publicado o 24 Marzo, 2010 na sección Club de lectura, Biblioteca por Xulio Dobarro

MIL PRIMAVERAS MÁIS PARA A LINGUA …E A LECTURA

Cando estamos xa no ecuador do curso 2009-10 e con moitos acontecementos relativos á difusión e  promoción dos libros e da lectura( día de Rosalía, 24 de febreiro, día mundial da Poesía,21 de marzo, día do libro Infantil e xuvenil, 2 de abril,ano do libro e da lectura,etc); recordaremos neste cartafol da Biblioteca que tamén nós estamos a contribuír a esa dinamización con actividades diversas. Entre outras, destacamos neste trimestre a presenza entre nós de dúas plumas moi importantes no ámbito da literatura galega e española. Por un lado, J. Gisbert que coa súa maxia e habilidade especial para encandilar á rapazada nunca resulta inoportuna a súa presenza; por outro, nesta mesma semana de lembranza especial da Poesía estivo por aquí Marcos Calveiro para iluminarnos sobre a súa prosa lírica do Canto dos peixes para todo o alumnado de 1º da ESO e comentar co grupo de persoas que pertencen ao Club de lectura “O Castro” a novela histórica “Festina lente”.Desde aquí  aproveitamos para invitarvos á súa lectura e celebrar con ela este Ano Santo 2010 polo que ten de ubicación na cidade de Santiago e de detallada erudición histórica e cultural de Galicia

Marcos sorpredeunos con esta novela polo profundo coñecemento que demostra ter  da sociedade compostelá do século XVII e de determinados motivos vencellados á cultura galega (Pergamiño Vindel, Saqueo de Cangas polos turcos,Universidade, etc),- todos eles ben engarzados, aínda que poidan parecer inconexos- e sobre todo a homenaxe que lles rende a un gremio moi importante da época, os arxinas ou canteiros empregando a súa xerga e utilizándoa con fins literarios como unha especie de códice secreto.

“O canto dos peixes” só pode ser escoitado por aqueles que están dispostos a salvalo. Un vello lobo de mar, Ismael, e un neno, Kobe, adquiren unha complicidade inusitada para levar a cabo esa misión nunha cidade que segundo el mesmo nos confirmou pode ser un Vigo contemporáneo que ten que sensibilizarse que contra o crecemento irracional da cidade e dos arredores debe prevalecer o sentido común.

Por outro lado, convocouse o concurso de Marca-páxinas entre o alumnado do  centro para recoller aquela idea máis orixinal para ser empregada como soporte gráfico dese medio para o reparto entre o alumnado.

Con esta reseña o que se persegue é achegar unha vez máis as NOVIDADES adquiridas recentemente para a Biblioteca para que aquelas persoas que teñan interese, durante as vacacións ou ao longo do mes de abril, por ser este o mes do LIBRO por excelencia, poidan satisfacer as súas ansias lectoras e conmemorar da mellor maneira posible O DÍA DO LIBRO, 23 de abril. Neste contexto de promoción da lectura e a escrita é xa unha tradición que en datas próximas se convoquen os concursos literarios de diferentes modalidades literarias coincidindo coa celebración dos Maios e Letras Galegas.Bota a voar a imaxinación,participa e gaña.

NOVIDADES DE PRIMAVERA EN LINGUA GALEGA

Nun momento tan importante para o futuro da Lingua galega sobre a que se está a lexislar o seu futuro no ensino, cremos que é importante recoller algún dos traballos que con motivo da elaboración do Decreto do “plurilingüismo”  teñen saído á luz recentemente:

Xose-Henrique Costas (Coord): 55 mentiras sobre a lingua galega. Edit. Laiovento

Sechu Sende: Made in Galiza. Edit. Galaxia

X.Ramón Freixeiro Mato: Lingua de calidade. Edic. Xerais

Outros:

Suso de Toro: Sete palabras. Edit. Xerais

Manuel Rivas: Episodios galegos. Edit. Xerais

X. Lois García Fernández: Uxío Novoneyra.Revisitado. Xerais. (Ensaio sobre a vida e obra do poeta ao que se lle adica a edición do 2010 das Letras galegas).

Cid Cabido: Unha historia que non vou contar. Xerais

Teresa Moure: Herba moura. Edic. Xerais

Domingo Villar:A praia dos afogados. Edit. Galaxia

Marilar Aleixandre: A cabeza de medusa. Edit. Xerais

Mónica Bar Cendón: Feministas galegas. Claves dunha revolución en marcha. Edic. Xerais.

             NOVIDADES DE PRIMAVERA EN CASTELÁN 

X. Ramón Mariño Ferro: Leyendas y milagros del camino de Santiago. Ellago Ediciones.

Arturo Pérez Reverte: El asedio. Edit. Alfaguara

Matilde Asensi. Venganza en Sevilla. Edit. Planeta

Julia Navarro: Dime quién soy. Edit. Plaza&Janés

F. Moccia: Perdona, pero quiero casarme contigo. Edit.Planeta

M. Stiefvater. Temblor. Edit. SM

Asa Larsson: Aurora boreal. Edit. Seix-Barral

Fernando Savater: La vida eterna. Ariel

Jeff Kiney: Diario de Greg-Un pringao total. Edit. Molino

Atlas cronológico de la historia de España. Edit. SM

NOTA: Todos estes títulos foron adquiridos recentemente pola Biblioteca do centro e, polo tento, póñense a disposición da comunidade educativa do Instituto.

Imprimir este Artigo Imprimir este Artigo

Oferta de Prazas para o curso 2010-2011

Publicado o 18 Marzo, 2010 na sección Administración, Secretaría por Alberte Zato


 oferta_prazas.jpg

 

OFERTA

 

1º DE ESO————————  10

 

2º DE ESO————————  8

 

3º DE ESO———————— 12

 

4º DE ESO———————— 6

 

1º DE BACHARELATO : 55

 

 

2º DE BACHARELATO :

 

Ciencias e Tecnoloxía — 5

Humanidades e Ciencias Sociais— 0       

 

 

-Reserva de praza do 1 de marzo ao 6 de abril de 2010.

 

-Recóllanse impresos de solicitude de praza na Conserxería.

 

-Entréguense do 1 de marzo ao 6 de abril na secretaría do centro en horario de 9,30 a 13,30 horas e os luns e mércores de 16 a 18 horas.     

Imprimir este Artigo Imprimir este Artigo

Programa de Inmersión en Lingua Inglesa - PILIVIGO 2010

Publicado o 18 Marzo, 2010 na sección Zona Alumnado, Administración, Convocatorias, Lingua Inglesa por Alberte Zato

INFORMACIÓN

PROGRAMA  DE INMERSIÓN EN LINGUA INGLESA - PILIVIGO 2010

PRAZO DE PRESENTACIÓN DE SOLICITUDE: 22 de marzo ao 16 de abril no Rexistro do Concello ou  nas oficinas de Correos en sobre aberto.

IMPRESOS DE SOLICITUDE: Na oficina do centro, na páxina web http://www.pilivigo.org/ ou no servizo de Educación do Concello de Vigo.

Para ser admitido hai que ter aprobadas todas as materias de 2º de ESO e ter como mínimo un 6 na materia de Inglés.

Todo o alumnado que desexe participar, debe solicitar unha certificación académica na oficina do centro co tempo suficiente, non esperedes ao último día.

 

Related Posts with Thumbnails
Imprimir este Artigo Imprimir este Artigo