↑ Clique para descargar ↓

Nota: Corrixido o número de conta da ANPA.

As Corcerizas

O día 2 de febreiro, un grupo de alumnas e alumnos de 1º de Bacharelato E do IES do Castro iniciamos unha viaxe ata o centro de educación ambiental “As Corcerizas”, situado na Serra de San Mamede (Ourense), como proxecto do grupo de actividades CAS incluídas dentro do Bacharelato Internacional. Fomos ata alí en autobús, onde estivemos facendo algunhas tarefas de iniciación á xornada. Permanecemos alí ata o día 5, realizando actividades de voluntariado, recibindo charlas formativas sobre educación medioambiental e mellorando o ambiente do grupo. Durante a nosa estanza en dito centro, realizamos diversas actividades como a restauración de dous muíños de auga no pobo de Rebordechao, a construción de dous composteiros no centro, unha competición de orientación polo monte e unha ruta polo monte. Aloxabámonos nun albergue e dispuñamos dun comedor e un aula para as actividades de formación. As charlas formativas que recibimos foron sobre voluntariado europeo e os problemas globais que afectan ao medio ambiente. Para finalizar esta actividade, preparamos en grupos un esbozo de proxecto de voluntariado que despois presentamos fronte ás nosas compañeiras e compañeiros.

(Ler o resto do artigo »)

O día 8 de marzo celébrase o Día Intenacional da Muller. Nesta data conmemórase a loita que mantiveron e aínda manteñen moitas mulleres, para conseguir os dereitos , que polo feito da súa condición de muller, lles foron  e lles son vetados.

No ano 1975 a ONU recoñeceu este día como o Día Internacional da Muller e o Día da Muller Traballadora. Nesta data conmemóranse os acontecementos ocurridos nunha fábrica textil de Nova York, onde mulleres folgistas que revindicaban os seus dereitos , morreron queimadas.

No pasillo da biblioteca tedes un mural informativo sobre algúns aspectos desta loita revindicativa, e algunhas das súas protagonistas.

Na biblioteca atoparedes unha escolma de títulos sobre o tema.

Para mestres/as e estudantes de maxisterio

Clíquese na imaxe para descargar o .pdf coas bases da convocatoria

Para xoves dende 16 a 30 anos

Cliquese na imaxe para descargar o .pdf coas bases da convocatoria

A CGENDL vén de presentar publicamente esta semana Orgullosos/as do noso, Orgullosos/as do galego, unha campaña que pretende transmitir no seo da comunidade educativa, e no conxunto da sociedade, un sentimento de orgullo pola lingua propia como sentimento común de todos os galegos á marxe da orixe, a ideoloxía, o credo ou a idade de cadaquén. Dende a CGENDL consideramos que a lingua galega é un elemento de unión e un rico patrimonio de futuro que nos dota de identidade e nos conecta con millóns de persoas en todo o mundo. E esa é unha das mensaxes que, no momento en que estamos, cremos que hai lanzar á sociedade.

Na páxina da campaña (http://www.coordinadoraendl.org/orgullo) explícanse polo miúdo a iniciativa e as vías de participación nela. Para calquera consulta, non dubidedes en enviar os vosos correos a correo@coordinadoraendl.org.

Como se pode participar dende os centros escolares?

1. Envío de vídeos e textos “orgullosos”:

Ao igual que un grupo de personalidades da cultura galega expresan o seu orgullo e a utilidade do galego nos dous vídeos de lanzamento, animámosvos a gravar vídeos e redactar textos nos que se exprese ese orgullo de contarmos co galego. E animámosvos a enviárnolos para seren compartidos na web. Isto non é un concurso, isto é unha campaña colaborativa feita entre todos e todas, unha pequena gran obra colectiva, o importante é participar, traballar co alumnado e lanzar esa mensaxe orgullosa. A creatividade está na comunidade educativa e as dificultades técnicas están aí para lles facer fronte: cunha cámara, un móbil ou calquera dispositivo audiovisual podedes elaborar o voso traballo.

2. Difusión do material gráfico da campaña:

Na web ponse á disposición de todos os ENDL e do profesorado un material gráfico (camisetas, chapas, carteis, adhesivos, etc.) que se pode descargar de balde para a súa distribución. Igual que nos gustaría corresponder con agasallos e gratificar a participación aínda que fose humildemente, a CGENDL non posúe recursos de ningún tipo para editar e distribuír este material nos centros educativos. Isto depende de cada equipo mais emprazámosvos a poñervos en contacto con centros do voso contorno para editalo conxuntamente e reducir os custos, como xa se está facendo en diferentes puntos do país.

Así mesmo, pedímosvos a vosa xuda para difundir a campaña a través das webs e blogues dos centros e dos ENDL: dando conta da iniciativa, colgando os vídeos, convidando os contactos a coñecela (pódese enviar un correo dende a propia web), proxectando no colexio ou no instituto os vídeos, animando os compañeiros e o alumnado a sumarse á campaña nas redes sociais, etc.

Canle en Youtube: http://www.youtube.com/user/CGENDL

Canle en Vimeo: http://vimeo.com/coordinaendl

Grupo no Facebook: “Nós tamén estamos orgullos@s do galego”

Eventos no Tuenti: “Orgullos@s do Galego”

Consello Directivo

Coordinadora de Equipos de Normalización e Dinamización Lingüística

• » Comentarios (1)

Moitas son as versións cinematográficas, dende os comenzos do cine ata os nosos días, da moi afamada Guerra de Troia.

Alumnos/as de grego, sei de certo que todos vós “disfrutades moito” lendo as aventuras e desventuras de Aquiles  o dos pés lixeiros, sufrides coa morte de Héctor,  o de tremolante casco , e mesmo desaprobades a actitude de Paris, o fillo de Príamo , cando se nega a loitar con Menelao , o esposo de Helena, a de fermosas meixelas.

Sei de certo que se Homero erguese a súa cabeza, permitídeme recurrir ao máis puro estilo épico, tería esta versión de Guerra de Troia como a máis impresionante,  indescriptible e inesperada de todas as baseadas neste imperecedeiro mito.

Espero que agora disfrutedes con esta épica adaptación.

Así falan e así se moven os sempiternos deuses, os valerosos troianos e os aqueos de fermosas grebas.

 

Para velo a pantalla completa clique na icona

Infografía: Alberte Zato

• » Comentarios (0)

Os seguintes proxectos, entre outros,  sucederon ou están en marcha este ano

Voluntariado lingüístico

Varios grupiños continúan este valioso traballo no centro co asesoramento do profesor XX Sande Suárez ou a propia coordinadora de CAS. Durante un recreo á semana, alumnado de CAS ofrece á súa axuda a alumnado que precisa practicar unha lingua na que por diversos motivos ten algunha deficiencia. Os intercambios sempre resultan interesantes, xa que acaban indo en dúas direccións: aprendizaxe de habilidades sociais e lingüística para ambas partes.

Grupo de AI

Este grupo renovóuse coa participación de alumnado de 1º E. No primeiro trimestre participaron nunha campaña contra a pena de morte. No instituto realizaron unha serie de actividades preparatorias, e o día 24 de novembro participaron nunha ‘acción de rúa’ na Praza da Constitución, como se recolleu no Faro de Vigo e na Voz de Galicia. A profesora Lucía López Bejo encárgase este ano do asesoramento a este grupo.

Na foto podemos ver algúns dos momentos do ‘xogo contra a pena da morte’.

Nos próximos días levaráse a cabo  unha nova campaña deste grupo. Neste caso no propio instituto. Mirade nos taboleiros das aulas

Campaña 0.7 e Festa de Acción Intercultural

Durante parte do primeiro trimeste un grupo de alumnado CAS levou a cabo este proxecto, investigando os Obxetivos do Milenio e  promovendo a Campaña do 0.7 no centro, co asesoramento das profesoras Lurdes García Vázquez  e Concha Otero Alonso. Na xornada do 22 de decembro, co apoio da vicedirectora Irene e do Dpto de Tecnoloxía,  levaron a cabo unha celebración do fin de trimestre, con diversas actividades incluíndo a actuación de grupos musicais do centro, entre eles Hombrecito Rock Band que presentou letras e música de creación propia e contido axeitado á ocasión. O profesor Xurxo Domonte Pereiro encargóuse do asesoramento musical deste grupo.

Colaboración con HUMI

http://www.onghumi.com/

Este ano o ‘rastrillo’ de Nadal de HUMI tivo lugar na antigua sede do Colexio de Arquitectos. A súa celebración contou de novo coa colaboración de alumnado CAS. Nas fotos algún dos artigos da exposición para a venta

As Corcerizas

Máis fotos desta interesante actividade CAS no Centro Medioambiental de As Corcerizas.

Save the Frog

O proxecto de reciclaxe de papel nas aulas iniciado por alumnado de 2º E segue adiante semana a semana. As veces a colaboración dalgunhas aulas podería ser mellor, pero globalmente o proxecto é un éxito e unha boa parte do alumnado está a amosar o seu interese pola protección do medioambiente a diario. Pequenos xestos individuais poden sumar moitos kilos e significar moito! Estes días renóvase o equipo que se encarga da recollida con alumnado de 1º E. Pregamos se disculpen os pequenos fallos iniciais, pero   agradeceremos calquera  información sobre os mesmos, para intentar subsanalos.

Implicadas no desenvolvemento

Un grupo de alumnado CAS colaborou con esta organización para reorganizar e digitalizar a biblioteca desta ONG na súa sede de Vigo. Tamén realizaron outras tarefas de organización relacionadas coa venta de productos na mesma sede. Foi un bo modo de aprender máis sobre os países non desenvolvidos e os modos en que podemos colaborar  para mellorar as desigualdades no mundo.

Sábado 27 de febreiro             Día Mundial das Enfermidades Raras

Alumnado de CAS vai colaborar co conmemoración deste día, durante o desenrolo dunha xornada organizada pola asociación ASEM- Galicia, (Asociación Galega contra las Enfermedades Neuromusculares ) no Museo Verbum.

http://www.asemgalicia.com/index.html

Cartel da xornada

cartel-colaboradores-horizontal-3.doc

Axuda a Haití
Durante a semana do 8 ao 12 de febreiro un grupo de CAS levou a cabo unha campaña de concienciación e recollida de fondos para enviar a Haití. Houbo petos na cafetería, na entrada do instituto e na biblioteca, unha presentación dixital proxectada no vestíbulo e carteis alusivos por todo o centro.

cartel-pequeno1.pdf

Onte día 25 procedeuse ao reconto público da axuda entregada. Hoxe mesmo, fixéronse os ingresos correspondentes nas contas das tres ONGs que se propuxeran na campaña:

Cruz Roja Española                 91.43 euros

Médicos sin Fronteras           91.43 euros

Fundación UNICEF                91.44 euros

Grazas pola participación!

Mediación

O curso de mediación organizado polo Dpto de Orientación vai iniciarse neste mesmo trimestre coa participación de seis novas persoas de 1º E –aparte de alumnado doutros cursos. Conta coa colaboración do Equipo de Mediación xa en activo.

Liga Interna de Fútbol e Baloncesto

Coa colaboración de alumnado CAS así como do Dpto de EF vólvense a levar a cabo este curso estas ligas internas durante os recreos e algunhas tardes.