IES do Castro de Vigo

A biblioteca do I.E.S. do Castro organiza un concurso de deseño dun marcapáxinas (punto de libro ou separador). Nos marcapáxinas ademáis do deseño, deberá figurar un texto. Pódese escribir un lema ou frase que se axuste ao tema proposto. Como suxerencia pódese usar unha frase célebre; se o autor é coñecido  débese  citar o nome do  devandito autor.

 TEMA

“Campaña de animación á lectura”.

PARTICIPACIÓN

Poderá participar neste concurso todo o  alumnado  do I.E.S. do Castro.

DIMENSIÓNS E SOPORTE.

As dimensións do traballo serán de 297 x 70 mm. Os traballos poden presentarse en papel, cartolina, lámina ou cartón. A técnica será libre (debuxos, fotografías, colaxe, deseño por programas informáticos) pero debe ser facilmente reproducible polos métodos de impresión. Se o deseño se fai dixitalmente pódese presentar nun CD 

(Ler o resto do artigo »)

   Universo Matemático - 09 Mujeres matemáticas en .

Universo matemático é unha colección de dez documentais de 24 minutos de duración cada un de índole matemática, producida no ano 2000 polo programa La aventura do saber, de La 2 de Televisión Española. A serie documental foi galardoada co Premio á divulgación científica no Festival Internacional Científico de Beijing.

Mulleres matemáticas

Entenden as Matemáticas de sexos? Son os grandes misterios das Matemáticas algo exclusivo dos homes?
Por que, ao longo da historia, hai tan poucas mulleres que destacasen nunha disciplina científica tan antiga?
Aínda que parece que na actualidade existe un equilibrio entre o número de rapaces e de rapazas que estudan matemáticas, isto é un fenómeno relativamente recente. Dende logo hai corenta anos isto non acontecía.
Para descubrir a presenza das mulleres no Universo das Matemáticas faremos un percorrido histórico que comeza co nacemento das matemáticas, con Pitágoras e a súa muller Teano, e que continua con Hypatia en Alexandría, con Madame de Chatelet en Francia e con María Caetana Agnesi en Bolonia no século XVIII. Mesmo no século XIX, Sophie Germain tivo que adoptar a identidade dun antigo alumno da Escola Politécnica de París, Monsieur Leblanc, para conseguir os materiais e problemas e para presentar os seus propios resultados e traballos. Os seus traballos sorprenderon matemáticos da altura de Lagrange e de Gauss. Xa a finais do século Sophia Kovaleskaya sufriu a marxinación da muller no mundo académico a pesar de ser un dos mellores cerebros da época. Só ás portas do século XIX, unha muller Marie Curie vai realizar un dos descubrimentos máis importantes da historia da humanidade, un descubrimento que vai cambiar a vida de ser humano no século XX en moitos aspectos: a radiactividade. E conseguiu algo quizais tan importante: por primeira vez na historia a humanidade os círculos científicos abrían as súas portas de par en par a unha muller. E con ela a tantas tan inxustamente ignoradas durante séculos.

• » Comentarios (0)

Alumnos/as de grego 2ºBacharelato

Aquí tedes a circular da materia de grego II e un exemplo de exame de selectividade.

grego-ii.doc

Selectividade grego proba ( pdf )

Recordade que a parte literaria consiste  na lectura das seguintes obras:

Obras de lectura obrigatoria

Ilíada de Homero Cantos I, VI, XVI e XXII

Poetas líricos gregos: Alceo, Safo e Arquíloco.

O Edipo Rey de Sófocles

Asamblea das mulleres ( Asamblearias ) de Aristófanes. 

Durante os pasados días 2 a 5 de febreiro o grupo 1º E de Bacharelato, do BI, realizou unha viaxe de estudos centrada na programación de CAS, aínda que moitas das actividades realizadas teñen unha función integradora de diversas materias e requerimentos do BI. A viaxe consistiu nunha estancia no Centro Medioambiental ‘As Corcerizas’ ( http://www.amigosdaterra.net/info/ascorcerizas/index.html ) xestionado por Amigos da Terra. Na foto ‘oficial’ podemos ver ao grupo de alumnado, co profesorado acompañante e monitores e monitoras encargadas das actividades.

Entre outros contidos traballáronse os seguintes:

-finalidade do voluntariado na sociedade. Servizo de Voluntariado Europeo

-problemática medioambiental local e global

-elaboración dun proxecto de voluntariado e presentación pública do mesmo

-realización de actividades de voluntariado etnográfico e medioambiental

Todo elo mantendo presente a promoción ou práctica de:

-técnicas de traballo en grupo para os distintos obxetivos

-capacidade crítica

-conciencia medioambiental

-responsabilidade persoal e colectiva

-conservación do patrimonio

Os últimos traballos mostran que o ‘Hobbit’ evoluíu en África hai máis de dous millóns de anos e utilizaba ferramentas. JAVIER SAMPEDRO - Madrid - 25/10/2009

Cinco anos despois do seu descubrimento na illa de Flores, en Indonesia, os científicos seguen reexaminando o fósil humano máis desconcertante da historia: LB1, o home de Flores, que en realidade era unha muller. Medía un metro e non tiña máis cerebro que un chimpancé, pero viviu hai só 17.000 anos. Algúns paleontólogos non aceptan que represente unha especie anana, e sostiveron sempre que LB1 é unha muller moderna con algunha enfermidade rara. Segundo os últimos estudos evolutivos, non obstante, a enfermidade tería que ser tan rara como unha máquina do tempo.

O polgar dos seus pés era perpendicular aos demais dedos e tería calzado un 40. A súa clavícula non é de tipo humano, pero o nariz sitúao entre os homínidos

Os novos datos tampouco confirman a interpretación inicial dos descubridores do hobbit: que esta especie era un descendente evolutivo do Homo erectus, o primeiro homínido que saíu de África (hai 1,8 millóns de anos). Como o erectus xa tiña un tamaño similar ao noso, esta interpretación implicaba que o hobbit ou Homo floresiensis, que é o seu nome técnico, se tiña que ter miniaturizado na illa de Flores. O fenómeno é coñecido noutros mamíferos.

Segundo os novos resultados, o hobbit non é un homo erectus que se fixo anano, senón que xa saíu anano de África, porque provén dunha especie aínda máis antiga que o erectus, dunha época en que os homínidos aínda non creceramos de tamaño. Non é que a nova idea sexa moito máis convencional que a anterior. Algúns paleontólogos, en realidade, vena aínda máis chocante. Simplemente, é a que cadra mellor con todos os datos.

(Ler o resto do artigo »)

O alumnado de 2º de Bacharelato A, de Bioloxía,  debe descargar e ler o seguinte documento de Word:

(Uso educativo sen ánimo de lucro)

Imaxe de Alberte Zato

Día escolar pola Paz e a Non-violencia

O día 30 de xaneiro de 1948 foi asasinado o lider nacional e espiritual da India Mahatma Gandhi, polo que se celebra o Día Mundial Da Paz. Tamén nesa mesma data celébrase dende o ano 1964 o Día Escolar pola Paz e a Non-violencia.

Dende a nosa biblioteca queremos colaborar nesta conmemoración, aportando un rincón para a reflexión, para iso estamos a elaborar un mural no que teñen cabida todos todos os vosos desexos de paz e máis as vosas reflexións.

O Mural pola Paz estará colocado no pasillo da biblioteca dende o venres 29 de xaneiro ata o venres 5 de febreiro.

Darlle unha oportunidade a Paz, reflexionade e participade.

Dentro da biblioteca tedes unha escolma de lecturas  e películas pola Paz.

” Boas lecturas”