IES do Castro de Vigo

Este mércores, 2 de abril, agás algún imprevisto de última hora, o escritor vigués Domingo Villar (Vigo, 1971), presentará no noso instituto a súa novela Ollos de auga, publicada pola editorial Galaxia no ano 2006.Actualmente vive en Madrid, onde traballou como guionista de cinema e de televisión. Colabora coa radio e con xornais.

(Ler o resto do artigo »)

Estas imaxes (-clíquese nelas para velas a tamaño 1:1-), aínda que publicadas con algo de retraso, corresponden á participación do alumnado de 3º da Eso do curso 2005-06 no Rally Matemático celebrado na cidade de Toulousse.

A maioría matriculado en 1º de Bacharelato no curso actual 2007-08. A experiencia foi moi interesante e animamos desde aquí a que se siga participando. Este luns, 31 de marzo, celébrase nos centros de Galicia, entre eles o noso, a edición deste ano.

Foron nove días coas respectivas noites moi intensos. Todo empezou o día sete de marzo cando de boa hora se iniciou a travesía terrestre. A primeira parada nocturna realízase case na fronteira con Franza, en Lloret de mar. Isto quere dicir que despois de máis de doce horas de autobús o corpo pide descanso, pero o que se lle dá é esmorga; o alumnado de cuarto da ESO non está disposto a desperdiciar un só minuto de lecer, tanto é así que esta primeira noite fóra da casa para moitos/as a primeira sen a custodia familiar pode ser unha boa ocasión para a parranda e non se pode desperdiciar. Non hai oportunidade para ir á discoteca e polo tanto organízan a festa pola súa conta.

(Ler o resto do artigo »)

Os pasados dias 5 e 6 visitaron o noso instituto Nélida Antuña, David Newsam e Jesus Rubal membros da delegación da Organización do Bacharelato Internacional. Mantiveron reunións co profesorado, pais e nais, alumnado e autoridades educativas e locais. Tras estes dous dias de estancia elaboraron un informe que servirá para que a Dirección Rexional do IB resolva autorización para a impartición do Programa do Diploma. A comunicación farase nun prazo de entre tres e seis semáns.

INTRODUCIÓN Á ANÁLISE DE TEXTOS1.-TERMOS BÁSICOS

TEXTO: Unidade de comunicación con sentido completo.

AUTOR: Creador individual ou colectivo do texto.É un ser real.

NARRADOR: Emisor que conta a historia ficticia desde un punto de vista determinado.Pertence á ficción, é a voz que nos relata a historia desde dentro ou interno (1ªpersoa) e externo (2ª/3ª persoa) non participa da acción (soe ser en 3ª p/omnisciente).

NARRATARIO: Ou receptor a quen vai dirixida a mensaxe.

(Ler o resto do artigo »)

Con esta sección preténdese manter informada á comunidade educativa do IES DO CASTRO sobre as novidades incorporadas ao fondo bibliográfico para a consulta in situ ou para o préstamo a domicilio entre todos os que forman a antedita Comunidade.

Xa é de todos sabido que hai algúns libros de consulta obrigada na Biblioteca e outros aos que se pode acceder para o uso a domicilio, e entre estes procúrase que aqueles que son de lectura obrigatoria para as diferentes materias que se conte cun número o máis elevado posible porque como é habitual coincide a demanda do mesmo título como mínimo en todo un grupo, aínda que se procura alternar os títulos ao longo do curso entre os distintos grupos do mesmo nivel. Por iso é tan importante que se saiba que polo feito de que o profesorado esixa a lectura dun determinado título non supón obrigatoriamente a compra dese libro, senón que o que se esixe é que o lea e que polo xeral soe disporse de varias unidades.

(Ler o resto do artigo »)

Desde a presentación ao concurso de proxectos para a creación de clubs de lectura en centros dependentes da Consellería de educación, o IES do Castro veu traballando primeiro para que lle fose concedida a axuda económica e a partir de aí na captación de persoas vencelladas á Comunidade educativa do centro que manifestasen interese pola lectura.

O primeiro grupo xa está a traballar con alumnado de ESO e para iso entregáronse o xoves 14 de febreiro os primeiros exemplares da novela “O neno do pixama a raias” en edición galega e castelá. O vindeiro xoves vinte e catro deste mes temos a posta en común para abordar aspectos vinculados á obra.

A intención do club é que se sumen máis persoas para constituír diferentes grupos de traballo, é dicir, que puidera haber, como mínimo outro grupo de alumnado de Bacharelato, e outro de nais/pais. Así que desde aquí a nosa chamada de atención sobre todos os colectivos implicados na tarefa de ensinar e aprender para que entre todos contribuamos a mellorar os resultados na expresión e comprensión lectora. Non nos cabe a menor dúbida que na medida que se perfeccionen estas dúas tarefas estaremos a mellorar os resultados xerais de aprendizaxe.

Calquera persoa vencellada por algún motivo ao centro e que estea interesada na dinamización da lectura que non dubide en poñerse en contacto coas persoas responsables da Biblioteca porque seguramente serán atendidas as súas suxerencias ou peticións.

Os pasos que se están a dar no presente curso académico en relación co plan lector/club de lectura iniciáronse coa creación das bibliotecas de aula de 1º e 3º de ESO e agora centraremos os esforzos,tanto materiais como humanos, na dinamización do club de lectura.