IES do Castro de Vigo

                               Día do libro, 23 de abril de 2009

                  W.Shakespeare        Miguel de Cervantes

É sabido que a elección deste día decidiuse pola coincidencia na data do pasamento dos dous autores.De ter que escoller alguén representativo dentro das Letras galegas de  proxección  universal, sen dúbida, elixiriamos a Rosalía de Castro (1837-1885).Por algo o día das Letras galegas (17 de maio) se escolleu en base á publicación da súa obra “Cantares gallegos”, en Vigo en 1863.

                                      Rosalía de Castro   

(Ler o resto do artigo »)

Miguel Anxo Murado López, nado en Lugo o 2 de maio de 1965, é un escritor,xornalista e guionista galego que este mércores 22 de maio, víspera do Día do libro, vai impartir unha conferencia para o alumnado de segundo de bacharelato no centro.

(Ler o resto do artigo »)

                                                NOVIDADES NA BIBLIOTECA QUE PODEN INTERESARCHE  (Xaneiro 2009)

ECLIPSE .LUNA NUEVA,AMANECER,CREPÚSCULO      (Stephanie Meyer)                                           

ERAGON,ELDEST,BRISINGR (C. Paolini)

Materia oscura: La daga; La brújula dorada, Catalejo lacado :  P. Pullman 

El regreso del peregrino; El príncipe Caspian : C. S. Lewis.

Paraíso inhabitado :  Ana Mª Matute. 

Septimus (El anillo  de las dos caras):A. Sage  

Los cuentos de Beedle el Bardo: J. K. Rowling 

El fuego (Continuación de EL OCHO): K. Neville                    

Made in Galiza : Sechu Sende

O único que queda é o amor: A. Fdez. Paz                                          ……………………

Nota: Se as túas expectativas non están cubertas coas lecturas disponibles na Biblioteca, rogámosche que o poñas en coñecemento das persoas responsables daquela. Se cres que hai moitas cousas por mellorar, invitamos a toda a Comunidade educativa a suxerir ideas ou propostas que neste intre poden ser viables para a súa realización. Hai unha comisión de traballo formada, ata o momento por profesorado, pero queda aberta a toda persoa que recomende algunha mellora ou innovación.Para algo a Consellería de educación aprobou unha dotación importante dentro do Plan mellora de bibliotecas, á parte do traslado que se vai realizar á nova ubicación nestes días, e outra dotación económica para o Club de lectura. 

Por segundo ano consecutivo o club de lectura do Instituto botou a andar coa incorporación de novas persoas e coa baixa de outras. As previsións para esta nova aventura  son de crear dous grupos de traballo, polo menos, para certas lecturas: un para bacharelato e pais/nais de alumnado e profesorado, e outro para a ESO.

Na práctica xa se está desenvolvendo así para as primeiras lecturas. No caso da ESO foron os propios interesados os que dicidiron embarcarse na  triloxía da “Materia escura”, porque algúns xa leran a primeira entrega e a maioría está encetando a segunda. Con respecto ao outro, acordouse  que fose o último premio nacional de literatura infantil  e xuvenil, Agustín Fernández Paz, autor de “O único que queda é o amor”, ao que se rendese a nosa homenaxe particular e coa esperanza de poder contar con el nalgúnha das reunións que se celebren para comentar este feixe de relatos.

(Ler o resto do artigo »)

• » Continuar a ler or Comentarios (0)

O inicio deste novo curso trae consigo algunhas novidades e outras que xa non o son tanto. Esta vai ser a segunda edición  en canto a funcionamento do CLUB DE LECTURA, se é que conseguimos organizar un grupo de persoas interesadas nesta tarefa.

Ese interese pode deberse a que hai alumnado ao que non fai falla estimulalo para que lea porque todas as horas do mundo lle resultan poucas,e outras ás que é preciso estimulalas para incorporarse a esta aventura de acercamento a outros mundos, a outras dimensións e a emocións que doutro xeito pasarían desapercibidas. Por todo iso, e outras múltiples razóns que non imos relatar aquí, facemos un chamamento desde a BIBLIOTECA  a todo o alumnado, profesorado e familias para que se sumen, ou axuden aos que están ao seu arredor, a fomentar a lectura de xeito lúdico e formativo. A Consellería vén de concederlle ao Instituto unha axuda económica importante para a dinamización da Biblioteca, para adquisición de fondos bibliográficos, dixitais, e mobiliario, dentro do programa de Mellora das bibliotecas. A ver se sabemos corresponder ás demandas plantexadas para que fose concedida tal axuda.

(Ler o resto do artigo »)

Este mércores, 2 de abril, agás algún imprevisto de última hora, o escritor vigués Domingo Villar (Vigo, 1971), presentará no noso instituto a súa novela Ollos de auga, publicada pola editorial Galaxia no ano 2006.Actualmente vive en Madrid, onde traballou como guionista de cinema e de televisión. Colabora coa radio e con xornais.

(Ler o resto do artigo »)

INTRODUCIÓN Á ANÁLISE DE TEXTOS1.-TERMOS BÁSICOS

TEXTO: Unidade de comunicación con sentido completo.

AUTOR: Creador individual ou colectivo do texto.É un ser real.

NARRADOR: Emisor que conta a historia ficticia desde un punto de vista determinado.Pertence á ficción, é a voz que nos relata a historia desde dentro ou interno (1ªpersoa) e externo (2ª/3ª persoa) non participa da acción (soe ser en 3ª p/omnisciente).

NARRATARIO: Ou receptor a quen vai dirixida a mensaxe.

(Ler o resto do artigo »)